Historical Irish Corpus
1600 - 1926
Historical Dictionary of Irish
Search the corpus
Browse the Text Archive 1600-1926
Cúrsaidhe an tSaoghail - Tar Lear
Title
Cúrsaidhe an tSaoghail - Tar Lear
Author(s)
Conán Maol,
Pen Name
Conán Maol
Composition Date
1901
Publisher
An Claidheamh Soluis
Téacs
Comhad TEI
Gnáth-Théacs
Comhad ePub
Search Texts
Enter word/phrase
Search Type
Headword
Standardised
Exact match
Phrase
Word Type
All
Adjective
Noun
Preposition
Pronoun
Verb
Verbal Noun
Poetry/Prose
Both
Prose
Poetry
Set Dates
1600
1926
<N CS1901_07_06_257> <L 257> <B 1901> <C Prós> <M 8> <T An Claidheamh Soluis> <U Conán Maol> <F An Claidheamh Soluis> Cúrsaidhe an tSaoghail Tar Lear D'á mbiadh cómhursa agat go rabhabhair go minic ag cómhrac le na chéile, acht fá dheireadh go ndearnabhair síothcháin le chéile toisg go raibh an bheirt agaibh tuir- seach ó'n gcath, ní dóich liom go mbiadh puínn ionntaoibhe agat as a leithéid sin de chómhursain. Sin é díreach mar atá ag Sasana agus an Fhrainc. Gan amhras déarfadh na Sasanaigh go rabhadar féin ró mhaith do na Francaigh, acht déarfadh na Francaigh, ciach oraibh, ní raibh sé n'bhúr gcumas féin riamh troid linn-ne gan cabhair ó dhaoinibh eile, na Spáinnigh, na Gearmánaigh, na Rúisínigh, nó cumhachtaí éigin. Ní fhuil aon treibh aca so ar tí cabhrughadh leis na Sasanaigh indiu, agus sin é an fáth go bhfuil faitchíos ag teacht ar Sheaghán. Ní leigeann sé air é ámh, gidh go ndubhairt Salisburí an lá eile nách raibh aon eagla níos 'mó ag aon chúmhacht eile roimh Shasana, acht go bhfuil an fuath céadna dhi do bhí i gcómhnuidhe. Ní fhuil aon fhuath agamsa do Shasana, adeir an tAmericánach acht ar a shon soin is uile táim ar tí an lámh uachtair d'fhághail uirthe ar mhagadh an domhain. D'á olcas di an Bórach is measa dhi an tAmericánach. Tá cuideachta mhór d'á cur ar bun i nAmericá le haghaidh an ghuail agus ceapann an chuideachta úd go mbéidh sé 'na gcumas a gcuid guail do dhíol 'sa bhFrainc, 'sa Ghearmáin, agus i mBealach Aoidh níos saoire ná Sasana. Béidh a n-áthraigh féin aca leis, mar cloisim go bhfuil siad 'gá gcúmadh chómh tiugh is do dhéanfaidh fir agus air- gead iad, agus n-a theannta soin táid siad ag ceannach long ó Shasana agus ó thíorthaibh eile. Nuair nách bhfuil aon longa againn féin d'á ndéanadh is cóir dúinn trácht thar longaibh daoine eile Tá seacht n-áthraigh ar bun-crainn ag na hAmericá- naigh seo ag Friscó. Nuair do bhéidh siad críochnuighthe ní bhéidh a leithéidí eile ar sáile le méid. Longa seóil atá ionnta, a gcabhail déanta as cruaidh i n-ionad adhmaid, seacht gcrann seóil céad troigh go leith ar áirde ar gach ceann aca, agus iad stiúrtha le gal guail. Cuirtear mar asachán nó achmusán leis na hAmericánaigh sin gur maith an sás maol do chur ar bhréig iad, acht bíodh sin mar atá ní baoghal ná go bhfuil fuadar fútha indiu. Tá an chruaidh agus an t-adhmad aca go fulúirseach, agus níos feárr 'ná soin tá an misneach aca agus an mhuinighin asda féin. Ní fhuil gnó 'ná slíghe ar thalamh an domhain seo ag aon dream gur dóigh leó nách bhfuil ionnta acht liathróid coise do dhream eile. Deirthear gur peacadh an mhórdhála acht creidim féin gur maith an tréith i ndaoinibh beagán di. Cuirfidh sí i gcuimhne dhuit go bhfuil obair agat le déanamh ar an saoghal, agus má's méin le maidrín laithighe amhastraigh ort ní cuirfir suim 'na chuid sgeabhuigheala, go mór-mhór má's eól duit go bhfuil colpa reamhar ar do shúiste, iall righin air, buailteán trom agus bachall. Conán Maol
19 Dawson Street, Dublin 2
D02 HH58 +353 1 676 2570 info@ria.ie
Cookie Use
Website developed by Niall O'Leary Services
