Corpas

<N CS1899_11_18_562>
<L 562>
<B 1899>
<C Prós>
<M 8>
<T An Claidheamh Soluis>
<U Labhrás Branóg>
<F An Claidheamh Soluis>
Bás an Athar Eoghan
Los Angeles, California,
24 Deireadh Fóghmhair, 1899

Do lucht Chonnartha na Gaedhilge, léightheoraí an
"Chlaidhimh Soluis" agus mo chara Tomás Ua Concean-
nainn tá sgéal dubhrónach le n'innseacht agam, acht
b'fhéidir go bh-fuil fhios agaibh cheana é ó'n teachtaireacht
teintreach do chuir mé go Connradh na Gaedhilge, tá an
t-Athair Ua Gramhna cáillte.  Fuair sé bás ag osbui-
déal na Seathar dTrócaireach (ban riaghalta) na
cathrach so tráthnóna Dia Céadaoine ag an sé a chlog,
ochtmhadh lá déag de'n mhí seo.  Beannacht dílis Dé le
n'anam.

Thainic sé annso ó Arisóna i nIul agus ó soin go dtí
an chéad seachtmhain de mheadhón fhóghmhair bhí sláinte
maith go leor, acht dar ndóigh bhí sé le trí bhliadhnaibh
lag, go h-an-lag.  Annsin thainic tinneas croidhe mór
air ó chnapán uisge a bhí 'na leath-taoibh.  B'éigin do
na dochtúraí ceann de chnámhaibh a thaoibhe a ghearradh
agus poll beag a dheunadh l'aghaidh an t-uisge leigean
amach.  Dia Máirt rinneadh é so.  Bhí sé ag deunadh
go deas, go deimhin go han-deas go dtí Dia Sathairn.
Annsin d'éirigh sé go dona agus mo chrádh, níor thainic
sé chuige fhéin arís go deo.  Bhí a chiall agus a mheabhair
aige go dtí uair a bháis.  Cuimhneóchaidh mé go bráth ar
na foclaibh déidheanacha dubhairt sé liom nuair d'ísligh
mé ar mo ghlúnaibh ag taoibh a leabtha agus phóg mé a
lámh.  Annsin d'árduigh sé a lámh ós mo chionn agus
thug sé a bheannacht dham ag rádh 'na dhiaidh sin
"Beannacht Dé leat."  Ag an sé a chlog tráthnóna
Dia Céadaoin, go díreach mar bhí clog Fáilte
an Aingil ag bualadh, d'imthigh a anam naomhtha as an
cholainn agus scuaib sé leis ó "Bhaile na n-aingeal"
annso go baile na n-aingeal i bhFlaitheas Dé.  Tá 'fhios
agam go maith go raibh a anam chomh geal leis an
sneachta ar bhárr tsléibhe.  Bhí grádh mór do ag gach
uile dhuine d'á raibh aithne aca air san bhaile mór-sa.
Tá an-chumha orm féin 'na dhiaidh, bhíodh sinn le chéile
beagnach 'ch uile thráthnóna ag suidhe faoi chrann mhór
ag caint i nGaedhilg faoi ar dteanga féin, faoi
Éirinn, faoi Mhuigh Nuadhadh (ann a bhí mé ag foghluim
faoi dhá bhliadhain) agus faoi 'chuile rud, acht, fairíor,
fairíor geur ní labhróchadh sé aon fhocal níos mó.
Bhí Árd-Aifrionn annso dó, bhí an t-easpog Mac
Gomaire agus fiche sagart ar fad ann, bhí sochraoid bhreagh
aige agus cuireadh i roilig na cathrach é i n-uaigh líonta
ar gach taobh le blathanna úrdha breagha agus duilleóga
glasa.

Go dtugaidh Dia na Flaithis dó.

Caithfidh mé rádh nach mairfeadh sé i bhfad dá leigeadh
na dochtúraí dó fhéin, mar bhí an cnapán uisge ag
goilleadh go mór air agus dá lagnadh.  Bhí a fhios aige sin
agus fairíor go mba siocair a bháis é.

Mise le h-aithmheula mhór ar son an té atá imthighthe
uainn.

Labhrás Branóg
(L. T. Brannick)
Historical Irish Corpus
1600 - 1926

Bás an Athar Eoghan, Los Angeles, California, 24 Deireadh Fóghmhain, 1899

Search Texts

Historical Irish Corpus1600 - 1926

Bás an Athar Eoghan, Los Angeles, California, 24 Deireadh Fóghmhain, 1899

Search Texts

Historical Irish Corpus
1600 - 1926
