Corpas

Truacaill an Ghabha

Ar fonn "An Cailín Deas Donn."

Ó 'riú bog liom é, druid liom é, corruigh é,
Ó 'riú bog liom é, is tiocfaidh sé leam;
Ó 'riú bog liom é, druid liom é, corruigh é,
Ó 'riú bog liom an trucaillín donn!

<L 206>
Lá aonaigh an earraigh 's me taisteal go triopallach
Treasna ar an ndroichead i Muileann na hAbhann,
Seadh chonnac an bobby gurab ainm dó Thingamy
Ó, is é druidim im choinnibh go teann.
Ó 'riú bog liom é, agus rl.

Ba ghairid go bhfeacamair asal is trucaill bheag
Chughainn ar leathshodar fé Mhicil an ghabha;
"Begob", ar san bobby, "this cart has no signature,
Only a lingo I cannot make out!"
Ó 'riú bog liom é, agus rl.

"Yer name?" ar san bobby, agus stadadh ar Mhicil Bhocht;
"Féach ar an dtrucaill, nó bhfuileann tú dall -
Tá m'ainm ann breacaithe i dteangain a thuigim-se,
'S fógraim thusa go hi - n thall!"
Ó 'riú bog liom é, agus rl.

Tiomáineadh dhon bharrack an t-asal 's an trucaill bheag 
Stracadh is stolladh tré phludaidh an gabha; 
Nuair d'éirigh leathmharbh ar maidin do tugadh é 
Os comhair an bhreithimh bhí oilte ar an gcam! 
Ó 'riú bog liom é, agus rl. 

"Ten shillings and costs or a fortnight's imprisonment; 
Next on the list," ar san breitheamh go toghmhail. 
"Cuiridh fá ghlas me má's maith libh, mar deirim-se 
Seóid dem thuilleamh ná feicfidh sibh ann!" 
Ó 'riú bog liom é, agus rl. 

Ní'l trucaill gan ainm bhreágh lachanta "legible" 
Ghaedhilge le feicsint i Muileann na hAbhann; 
Is céarduidhthe an bhaile sé thugaid ar Thingamy 
Fós ná "trucaillín Mhicil an Ghabha". 
Ó 'riú bog liom é, agus rl. 

TÓRNA.

[Tá súil agam go maithfar dam i dtaobh an ráiméis amhráin sin a chur
annso.  Bíonn an oiread san daoine ag scríobhadh chugham dá lorg orm gur
duadh liom bheith dá aithscríobhadh.  Bídís socair feasta.  Sa "Léadar" do
chéadchuireadh i gcló é, is tá cead ón bhfear eagair agam chun é chur annso. - T.]

Is deacair don té atá neamh-chúramach ann féin bheith tuigsionnach d'aonne 
eile.

Bíonn duine ciúin dainnséarach.

Ní dhíolann cathughadh fiacha.

Ná cáin an bhliadhain go mbeidh sí caithte.
Historical Irish Corpus
1600 - 1926

Truacaill an Ghabha.

Search Texts

Historical Irish Corpus1600 - 1926

Truacaill an Ghabha.

Search Texts

Historical Irish Corpus
1600 - 1926
