Historical Irish Corpus
1600 - 1926
Historical Dictionary of Irish
Search the corpus
Browse the Text Archive 1600-1926
Clodhanna Nua.
Title
Clodhanna Nua.
Author(s)
Ní fios,
Compiler/Editor
Ó Donnchadha, Tadhg
Composition Date
1906
Publisher
Connradh na Gaedhilge
Téacs
Comhad TEI
Gnáth-Théacs
Comhad ePub
Search Texts
Enter word/phrase
Search Type
Headword
Standardised
Exact match
Phrase
Word Type
All
Adjective
Noun
Preposition
Pronoun
Verb
Verbal Noun
Poetry/Prose
Both
Prose
Poetry
Set Dates
1600
1926
CLODHANNA NUA. Ní baoghal ná go mbeidh fáilte ag máighistrí sgoile na tíre roimh CHEACHTA MION-EOLUIS, an leabhar is déidheannaighe atá againn ó láimh Éamunn Uí Dhonnchadha. Sé saghas ceachta atá ann ná an rud ar a dtugtar i mBéarla “Object Lessons.” Tá d'fhiachaibh ar gach máighistir scoile fiche ceann díobh a mhúineadh do gach rang n-a scoil — agus go háirithe do sna leanbhaíbh ins na rangaibh íochtaracha. Tá fiche ceacht san leabhar so — deich gcinn aca i nGaedhilg agus deich gcinn i mBéarla. Is maith linn go bhfuil dhá cheacht fé leith ar gach earraidh, sé sin ceann i mBéarla agus ceann i nGaedhilg. Do chuirfinn-se geall air, aon leanbh a gheibheann na ceachta so i leabhar Éamuinn Uí Dhonnchadha ó mhuinteóir go bhfuil a chroidhe san obair ná déanfaidh an leanbh soin dearmad go deó ar an eolus atá ionnta. Is amhlaidh gur dheacair dó é dearmhad, mar, ná faghann sé an t-eolus céadna fé dhó? Acht, ní hé an t-eolus atá ionnta an chuid is luachmhaire de sna ceachtaibh seo dar liom-sa. Bíonn an leanbh ag cur eolais ar dhá theangain i gcaitheamh na haimsire go léir. Bíonn ag déanamh có-mheas eatortha i gcomhnuidhe, agus mara dtéidheann soin chun a intleacht d'aibughadh, tá mearbhall orm-sa. Bhí leabhar éigin den tsórt so i n-easnamh ar mhúinteóiríbh fé'n gclár dá theangan. Go dtí so níor bh'fhios dóibh cad badh cheart dóibh a dhéanamh, acht anois is féidir leó tuairim a thabhairt ar an earraidh atá riachtanach agus cionnus a theacht timcheall ar a mhúineadh dhá sgoláiríbh. Ba cheart an leabhar so a bheith ag gach máighistir scoile is ag gach múinteóir Gaedhilge i nÉirinn. Badh mhaith an áise aca é. BRAN DUBH. — Do chuir Connradh na Gaedhilge amach le déidheann- aighe dhá cheann de leabhríníbh pingne i mBéarla. POSSIBILITIES OF IRISH INDUSTRY an ainm atá ar an gcéad cheann aca. B'é Peadar Mag Fhionnlaoich a scríobh é seo, agus do thug uaidh é mar aitheasc comhairle do mhuinntir Chraobh Ruaidhrí Uí Mhórdha i gCúl an tSúdaire i mí dheiridh an Fhoghmhair anuraidh. Tá brígh i gcainnt Pheadair, agus fuinneamh fóghanta léi. Fear críochnamhail is eadh é, agus Gaedheal seasmhach. Níor mhisde do Ghaedhlaibh na hÉireann a chomhairle do mheabhrughadh agus rud a dhéanamh air. IRELAND'S IDEAL an ainm atá ar an darna leabhrín, agus Louisa E. Farquharson, bean-uasal ó Albain a scríobh é, agus do léigh os comhair buidhne de Ghaedhlaibh ó Albain i Lunndain. Is fada nár léigheamair ó láimh dhuine iasachta cur síos ní ba thaithneamhaighe ná ní ba fhírinnighe 'ná é seo ar chúrsaibh na hÉireann, is ar obair Chonnradh na Gaedhilge. Tugann sí catsúil siar ar stair na hÉireann agus mínigheann go soiléir cad fé ndeara dho mhuinntir na tíre seo bheith sa riocht 'n-a bhfachtar fé láthair iad. Deir go bhfuil misneach ag teacht ortha, go bhfuil a filleadh dhon tsean-spréidh, agus gurab é obair Chonnradh na Gaedhilge fé ndeara é. Sé bun is bárr na bpaidreach aici gur mhaith léi, go ndeanfadh Gaedhil na hAlban aithris orainn-na, agus connradh nó cumann a chur ar bun dóibh féin, cumann go mbeadh a phréamhacha ar leathadh aige ó cheann ceann na hAlban. Go n-éirighidh leó go geal.
19 Dawson Street, Dublin 2
D02 HH58 +353 1 676 2570 info@ria.ie
Cookie Use
Website developed by Niall O'Leary Services
