Historical Irish Corpus
1600 - 1926
Historical Dictionary of Irish
Search the corpus
Browse the Text Archive 1600-1926
Clodhanna Nua.
Title
Clodhanna Nua.
Author(s)
Ní fios,
Compiler/Editor
Ó Donnchadha, Tadhg
Composition Date
1903
Publisher
Connradh na Gaedhilge
Téacs
Comhad TEI
Gnáth-Théacs
Comhad ePub
Search Texts
Enter word/phrase
Search Type
Headword
Standardised
Exact match
Phrase
Word Type
All
Adjective
Noun
Preposition
Pronoun
Verb
Verbal Noun
Poetry/Prose
Both
Prose
Poetry
Set Dates
1600
1926
CLODHANNA NUA. MION-CHAINT: Cuid III. An tAthair Peadar Ó Laoghaire dho scríobh. Dublin: The Irish Book Company. Réal a fhiacha, nó seacht bpinginne tríd an bpost. Is í seo an tríomhadh cuid de Mhion-chaint an Athar Peadar. Tá cruinneas an ughdair le feicsint i ngach leathanach san leabhar. Tá sé ag taispeáint dúinn cionnus usáid do dhéanamh de sna táth-fhocail mar is 'n-a dtaithighe sin is mó bhíonn an tuathal ar lucht foghlumtha na Gaedhilge. Is í ár gcomhairle do gach léightheóir an leabhairín seo do cheannach; leathanach dhe do mheamhrughadh gach lá; agus síor-thaithighe do dhéanamh de sna ráidhtibh atá ann. Ní fada go mbeidh Gaedhilg aige - agus Gaedhilg fhóghanta leis. Tháinig na ceachtanna so amach i "St. Patrick's" ar dtúis. Is maith an rud iad do bheith ar fagháil i n-éin-leabhar amháin anois againn. Beidh ceannach mór ar an leabhar so gan amhrus. "AN SOÍSGÉAL AS LEABHAR AN AIFRINN." An tAthair Peadar Ó Laoghaire do chuir Gaedhilg air; agus "The Irish Book Company, 35 Upper O'Connell- street, and 6 D'Olier-street, Dublin," atá da chur amach. Réal a fhiacha; nó seacht bpinginne tríd an bpost. Is é an tAthair Peadar do scríobh an leabhairín gleóite seo. Is leór soin dúinne. Ní féidir dó gan bheith go maith, dálta gach éin-nídh thagann ó n-a láimh-sean. Is minic do chonncamar go léir mar thógfadh sagart leabhar an Aifrinn agus dhéanfadh aistriughadh ar an tsoíscéal dá léigheamh amach os comhair an phobail, Sin é go díreach an rud do dhein an tAthair Peadar agus é ag scríobhadh an leabhair seo. Níor bhac sé le héan- cruaidh-cheisteannaibh acht chuir sé gach éin-nídh síos go cruinn deas soiléir agus ar chuma go dtuigfeadh gach éinne é. Is áluinn ar fad an chainnt atá ann, dar linn féin. Féach air seo: "Agus thug sé soluíd dóibh: Féucaigh ar an gcrann fige, agus ar na crannaibh go léir. Nuair a bhíon a dtoradh acu d'á chur amach is eól daoíbh go mbíon an samhra buailte libh. Mar sin daoíbh-se; nuair a chídhfidh sibh na neithe seo ag teacht bíodh a fhios agaibh rígheacht Dé bheith buailte libh. Abraim libh go deimhin ná beidh an tsliocht so imighthe go comhlíonfar na neithe seo go léir. Rachaidh an spéir agus an talamh ar neamhnídh, ach ní rachaidh mo bhréithre-se ar neamhnídh. Bheidh an leabhar so 'n-a áise mhóir do'n Chléir; agus go deimhin do b'fhiú dhúinn go léir é cheannach agus é léigheamh arís agus arís.
19 Dawson Street, Dublin 2
D02 HH58 +353 1 676 2570 info@ria.ie
Cookie Use
Website developed by Niall O'Leary Services
