Corpas

<L 158>
CEISTEANNA

Continued.

10.
Chidhim chugham trís an ngleann
Inghean an ríogh agus í go teann;
Rud beag óir ar bhárr a baise,
Agus cúl a coise trí n-a ceann.

F. Tuagh.

11.
Bíonn sí thiar;
Bíonn sí i ngáirdín Bhaile Átha Cliath;
Is mó é a greim 'ná greim capaill,
Agus ní itheann sí an féar.

F. Speal.

12.
Chidhimse agus ní chidheann tusa é, agus is giorra
dhuitse é 'ná dhamhsa.

F. Cúl do chinn.

13.
Dhá chois ar talamh;
Ceithre cosa ar talamh
Ceann le tóin,
Agus tóin ar talamh.

F. Duine bheadh ag crudh caorach.

14.
Ceithre slata míne réidhe ag siubhal an
tsléibhe 's a mbéal fútha.

F. Ceithre shine (no sinidhe) na bó.

15.
Ceathrar ar ruith;
Ceathrar ar crith;
Beirt ag tabhairt an eolais
Do Mhac Uí Ghioblacháin ag ruith 'na ndiaidh.

F. Bó bheadh ag rith; an t-earball Mac
Uí Ghioblacháin; (an dá shúil); na
ceithre sine; na ceithre cosa.

16.
Lán páirce de bhuaibh bána, agus bó dhearg
eatorra istigh.

F. Sin é do bhéal, agus t'fhiacla agus do
theanga.

17. Sin é insa' chúinne, agus pus air.

F. An chroch.

Notaidhe.

12.  Ní fada ó bréagnuigheadh go ceart lom díreach
mé i leith "ní chím" do bheith dá rádh i n-aon áit i
gCúige Mumhan.  Dubhairt beirt nach mbíthí dá rádh
riamh ann, agus is é rud adubhairt duine de'n mbeirt seo
ná mé féin da chumadh!  Bíodh lán a súl aca feasda de
"ní chidheann" atá ins an cheist seo, má's léir dóibh é.
Ba dheimhin liom go gcuala an radh, acht ní raibh a fhios
agam an uair sin é bheith thíos agam.

15.  O Gioblacháin; ar n-a chumadh as "giobalach."
16.  Chuireas "bhuaibh" i n-áit "bha."

Seosamh Laoide.
Historical Irish Corpus
1600 - 1926

Ceisteanna. Continued.

Search Texts

Historical Irish Corpus1600 - 1926

Ceisteanna. Continued.

Search Texts

Historical Irish Corpus
1600 - 1926
