Corpas

Anecdota from Irish MSS. VI.

Title: Anecdota from Irish MSS. VI.
Author(s): Féach bailitheoir,
Compiler/Editor: Ó Gramhnaigh, Eoghan
Collector: Meyer, Kuno
Composition Date: 1892
Publisher: Connradh na Gaedhilge

Search Texts

ANECDOTA FROM IRISH MSS.

VI.

Leabhar breac, p. 255, marg. inf.

9.
Ná bágaid a hecna úag,
Núal cen ecla chrabáid gúir!
Lib ní derb ós betha bríg
Retha in ríg ro dealb cech n-dúil.

10.
ib., p. 40, marg. inf.

A riboit choitchind chráesaigh,
Nachar cháemhain er en olc,
Aimleas do chuirp is t-anma,
Mairg eir a tarla a dhénam!

11.
ib., p. 91, marg. inf.

Fouarus-sa
Luss no íccgad in slúag sa:
Secc maic Dé ocus a oman,
Miscais don doman trúag sa.

12.

Cid maith mellchai nó rebai,
Ferr coibsen gela glan:
Is cummai ocus ór buide
Dúine tráethas a thalai.

13.
ib., pl. 100, marg. inf.

Crábud cen úaill, cen shecdai,
Cen sommatu, cen bochtai,
Ól cen ítu, cen mescai,
Proind shéim cen sáith, cen gortai.

<L 134>
14.
ib., p. 168, marg. inf.

Ach, cer thinn a fulachtadh
Tucad er chnes meic Mhuire,
Tinne leis a dubhachus
Do bhí uirraidh-si uime.

15.
ib., p. 225, marg. inf.

Fuil trí ní
Do ná buidech mac Dé bíi:
Crábud úallach, coisced serb,
Écnach duine mad inderb.

16.
ib., p. 236, marg. sup.

Is é techta in iresaig:
Coná derna sé
Nach maith ar admoladh
Ó neoch for beith ché.

17.
Stowe MS., p. 992 fo. 64b., 1.

Mairg chuindgius ní for carait,
Minab lainn leis a tabairt,
Is é déde nostá de:
Miscais ocus oirbire.

18.
Leabhar laighneach, p. 122, marg. sup.

Ni bia a chland la nech in-nirt
Cipé basgand breth ar bocht:
Na n-dénat na aithre d'ulc
Don lucht assa n-aithle is olc.

Historical Irish Corpus1600 - 1926

Anecdota from Irish MSS. VI.

Search Texts

Historical Irish Corpus
1600 - 1926