Historical Irish Corpus
1600 - 1926
Historical Dictionary of Irish
Search the corpus
Browse the Text Archive 1600-1926
Loingeas Mac n-Uisleand andso.
Title
Loingeas Mac n-Uisleand andso.
Author(s)
Ní fios,
Compiler/Editor
Coimín, Dáithí
Composition Date
1883
Publisher
Connradh na Gaedhilge
Téacs
Comhad TEI
Gnáth-Théacs
Comhad ePub
Search Texts
Enter word/phrase
Search Type
Headword
Standardised
Exact match
Phrase
Word Type
All
Adjective
Noun
Preposition
Pronoun
Verb
Verbal Noun
Poetry/Prose
Both
Prose
Poetry
Set Dates
1600
1926
Loingeas Mac n-uisleand andso. (1.) Cid diambai Longos Mac nUisnich. Batar Ulaidh ic ol i tig Feidlimthi Mic Daill .i. scelaigi Conchobhair. Bai din, ben in Fheidhlimthi oc airiuc do'n tsluagh os a cind ocus si torrach. Tairmchell cornn ocus cuibhreand, ocus ro lasat gáir mescai. Ambatar do lep- thugad doluid in banscal dia lepaidh. Oc dul di dar lar in tigi, ro grech in lenap inna broind co clos fon leas uili. Atraig cech fear dialailiu istig lasin screich hisin, combatar cind ar chind isin tig. As and adragart Seancha, mac alaind Aililla: na cuirid cor dib arse. Tugthar chucaind in ben co feastar cid dia ata an deilmse. Tucad iarum in bean chuco, (2.) Is and asbert in fili a celi .i. Feid- limid: cia delm dertreathar a bean, arse, dremnus fot broind buiredaich bru, it cluassaibh cluinethar gloimm itir do da thoib tren tormait, mor nuath adnaigethar, mo cridi crechtnaigethar cruaidh. O'Flanagan's Text agreeing with Egerton MS., 1782 Loingeas Mac n-Uisnigh. (1.) Cid dia mbui loingeas mac n-Uisnigh? Ní ansamh. Bhadar hUlaidh ac ól a tig Fedlimidh mic Daill scelaighi Conchubhair. Bui dan bean ind Fhedlimidh sin ac airecc don tsluag os a cind acas si torach. Tai- rinchell chorn acas chuibhrenn, acas ro lasatt gair meuscco. A mbatar do lepthughadh. Luidh in bhen di au h'imdai. Ac dul di dar lár in tighe ro grech in lenup in a bruinn co clos fo'n les uli. Attraig cech rer di alaliu is in tigh las an greich co mpatar cinn ar chinn. Is ann hidrupuirt Achtcho mac Ailillu, ná cuirid cor dibh a óccu. Tugthar chucainn in bhen ol se co fiasmais cid dia tá in deilm si. Tuc- cud chucu iarum in bhen. (2.) Is ann isbert Fedlimidh a celiu, Cia deilm dremon derdrethar, a bhen, ar se, dremnus fot bruinn, buirethar bruidit, cluasaibh cluinethar, gloim do dathuip tren tarmairt, mor nuath ata na aigthar, mo cruadi cru crechnaigthar. Windisch's Text, from the Book of Leinster. Loinges mac n-uisnigh. (1.) Cid dia m-bói Longes mac n-Uisnigh? ní insa. Bhátar Ulaidh oc ól i taig Fheidlimthi maic Daill scelaige Conchobhair. Bái dana ben ind Fheidlimthe oc airiuc don t-slúag os a cind, is sí thorrach. Tairmchell corn ocus cuibrend, ocus ro lasat gáir mesca. A m-bátar do lepthugad, dolluid an ben dia lepad. Oc dul di dar lár in taige ró grecha in lenab ina broind, co closs fón less uile. Atraig cach fer di alailliu is tig lasin screich í sin co m-bátar cind ar chind is taig. Is and adragart Sencha mac Ailella: “Na cuirid cor dib,” or se, “tucthar cucund in ben, co festar cid diatá a n-deilm sea.” Tucad iarom in ben chucu. (2) Is and asbert a ceile .i. Feidlimid: Cia deilm dremun derdrethar [a ben, or se] Dremnas fot broind búredaig Bruit cluasaibh cluinethar. Gloim eter do da tháib tren tormaid Mór n-uath adnaigethar Mo chride crecht- aigedar cruaidh. <L 379> O' Curry's Text, &c. — continued. (3.) Is and ro lasi co Cathbadh ar ba fisid side. Cluned Cathbad coemainech caín, mol, mind, mor, mochtaide, brogthar tre druidechta druadh. Ornad lem fein find- focla frismberad Fedlimid fursundad fiss, ar nad fidir badscal cia fo bru bi cid fom chriol brond becestair. (4.) Is and atbert Cathbad: Fot chriol bronn becestair be fuilt buidi buidichais, segdaib suilib sellglasab sian, a gruaidi gormchorcrai, fri dath snechta samlamair set[,] a deitgein di-anaim niamda, a beoil partlaing derga, 'be diambiat il-ardbe itir Ultu erredaib. Geissig fot bru [.] bur- ether, [, sic ded vide vers. vern] be fhind, fhota, fholt-lebar, imma curaid cossenat, immat ardrig iarfaidset, biat iar tur trom- thorthaib, fochli coicid Chonchobair, biat a beoil partar-deirg, immo deta nemanda, fris mbat formdig ard-rigna fria cruth ndigrais ndi-anim. (5.) Dorat iarsuidiu in Cathbad a laimh for brind i na mna co ro dertreastair in lelap fo láim. Fir, arse, ingen fil and ocus bid Deirdriu a h-ainm, ocus biaid olc impi. Acus ro genair ind ingen iarsin, ocus dixit Cathbadh. O'Flanagan's Text, &c. — continued. (3.) Is ann ro laadsi co Cathbhadh ar ba fisidh-sidhe. Is ann ispert Cathbhadh, cluidid Cathbhadh caemoinech, caín, mal min mor moch- taige broghtar tria druidechtao druadh; fris imbert Fedlimid, ór nat lem fein finn fhoccla fursunnod fis, ar nad fidir bann scalui cid fo bruinniu bith fod criol bruin beggustar. (4.) Is ann isbert Cathbhadh [,] fot criol brunn becustair bee fhuiltt buidiu buidi- chair, segaib suilibh, seall gluasaibh sian, a gruaidh gormcorcra, fri dath snechta sam- luimsi sed a deidgin dia-nim niamdo [,] a beoil partuingderg, be diambed ilairtbe etir Ultaibh; esnaduibh seisis, fot bru buirethar; bee fhinn fhota foltlephar, imat curudh coisneat, imat airdrígh iarfaigseat, bhiaidh iartur trumtorthaibh focli choiccid Chonchubhair, biat a beil partuingderg im a detaí memunto [,] fris muformdigh aird- rígo fria a cruth ndigrais ndiainm. (5.) Dorat iarrsuidiu in Cathbadh a lamh for bru na mna, gur ro deirtristar in lenb fo a laimh. Fír, or se, ingin fil ann, acas bid Deirdre a h-ainm, acas biaid olcc uimpi. Acas do genuir ind ingin iaramh, acas isbert Cathbadh laídh. Windisch's Text, &c.- continued (3.) Is and ro la ri co Cathbath, ar ba fissid side: Cluied Cathbad cóemainech cáin Mál mind mór mochtaide m-brogthar Tre druidechta druad Or nad fil lem féin findfhocla Fris m-berad Fedlimid Forsunnud fiss Ar nád fitir banscál Cia fo brú Cid fom chriol brond becestar. (4.) Is and asbert Cathbad: Fot chriol brond becestar Be fhuil budichass. Ségdaib sellglassaib Sian a grúadi gormchorcrai. Fri dáth snechtai samlamar Set a détgni dianim. Niamdai a beóil partardeirg. Bé dia m-biat ilardbe Eter Ulto erredaibh. Geisid fót brú búrithar be fhind fhotha fholtebor. Imma curaid cossenait Immat ardríg iarfassat. Biat iarthur tromthoraib Fó chli chóicíd Chonchobair. Biait a beóil partardeirg Imma deta nemanda. Fris m-biat form-dig ardrígna Fria crut n-digraiss n-dianim. (5.) Dorat iarrsuidiu in Cathbath a láim for a broind na mna, co ro derdrestar in lelap fo láim. “Fír” ar se, “ingen fil and, ocus bid Derdriu a hainm, ocus biaid olc impe.” Ro genair ind ingen iarsin, ocus ro ráid Cathbad: <L 380> O'Curry's Text, &c. — continued. A Deirdriu manderamar Diamsa coemainech cloth-ban, Cessfaitit Ulaid red re, A ingen fhind Fedlimthé. Biaid etach cid iardtain, Dod daig, a be fri lasair, Is it aimsear cluintisé, Loingeas trí mac nUislinde. Isit amser, gnim dremuin, Gentar iarum in nEamuin, Bid aithrech a coll chid iartain, Fofoesat meic rig roghmair. Is triut, a be combail, Longes Feargusa o Ultaib, Ocus gním or choemsad guil, Guin Fiacha mic Chonchobuir. Is at chin, a be combail Guin Gerce mic Iladain, Ocus gnim nad lugu smacht, Orcain Eogain mic Durthacht. Dogena gnim ngranda ngarg, Ar fherig ri n-Uladh nard, Biaidh do leachtan inad nach dú It scel nairrdric a Dheirdriu. A Deir. O'Flanagan's Text, &c. — continued. A Dheirdre ma ndéra már, Diamsa coémainech clothbán; Cerfaitid Ulad red' re, A ingiun fhinn Fhedlimedh. Biadh étech cad iartain, Dod daig a bhé fri lasáir; Is it aimsir cluinte se; Luingius tri mac n-Uislinne. Is at aimsir, gnimh dremun, Gentar iarumh ind Emhuin; Bid at drech coll, cid iartain, Do foesat min righ rogmair. Is triut, a bhé combail, Luingius Fergusa o Ulltaib, Acas gnimh ar coémhsat tair, Guin Fiacha Mhic Conchubhair. Is at chin, a bhé combail, Guin Erge mhic Illadain, Acas gnimh nat luga smacht, Orgain Eoghain mhic Durthacht. Do dena gnim ngranna ngarg, Ar feidhim rí n-Uladh nadh ard; Biaid do lechtán inach dú, Bid scél nardircc a Dheirdriu. Windisch's Text, &c.- continued A Derdriu manidera már Diamsa ceomainech cloth bán, Cesfaitit Ulaid rit ré, A ingen fhial Fedlimthe! Biad etach cid iartain Dot daig a be forlassair Is it amsir cluinti se Longes tri mac n-ard n-Uisle. Is it amsir gním dremuin Gentair iarom i n-Emain, Bid aithrech a coll chid iartain Ro fhóisam main Roig rogmair. Is triut a bé co m-bail Longas Fegusa ó Ultaib Ocus gnim ar cóimfed guin Guil Fiachnai maic Conchobair. Is it chin a bé co m-bail Guin Gerrce maic Illadain, Ocus gnim nad lugu smacht Orggain Eogain maic Durthacht. Dogena gnim n-granna n-garg Ar fheirg fi rígh n-Uladh n-ard, Biaidh do lectan innach dú Bid scel n-airdairc a Derdriu. A. <L 381> O'Curry's Text, &c. — continued. Marbthar ind ingen or on óig. Ni thó or Concobar, berthar limsa ind ingen imbarach, or Conchobar, ocus ailibthar dom reir fein, ocus bid si ben bias am fharad; ocus nir lamatar Ulaid a coicert iarum. Do gnithear on din. Ro alt la Conchobar combo si ingen as mór áilliu bai in hErind. Is a lis fo leith ro alt conach acced fer di Ultaib cosin nuair na faod le Conchobar, ocus ní bai duine no lecthe isin leassin acht a haitisi, ocu a buimi ocus din, Lebarcham, ar ni heta gabail disidhe ar ba ban chainti. (7.) Fecht and din, bui a haiti na ingine oc fennad loig fhothla for snechtu immaig isin gaimriud, dia fuini dissi. Conaccasi in fiach ic ol inna fola forsin snechta. Is and asbert fri Leabarchaim; robadh inmain oenfher forsa mbeitis na tri datha ucut .i. in folt mar in fiach ocus in gruad mar in fuil, ocus in corp mar in snechta. Ordan ous toccad duit, ar in Lebarcham, ni cian uait ata istaig it farrad .k. Noisi mac Uisnig. Nimbam slansa am, or sisi, conaid naiciursa hé. (8.) Fecht and din, baiseom, inti Noisi, a oenur for doe inna ratha .i. na hEmna, ic andord. Ba binn, imorra, andord Mac O'Flanagan's Text, &c. — continued. Marbhtar ind ingen, or ind oicc. Nithó, ol Conchubhar, berdar liumso ind ingen imbuaruch acas ailfither domh dóm reir fein, acas bid si ben bias im fharrudh. Acas ni ro lamhsat Uladh acoicceart. Do gnid ón amlaid iarumh, co mbo sí ingen is móráillim [Sic in Eg. teste Windisch, et apud O'F.] ro bui ind Eiru, a lés fo leth ro nalt co nach faiccid nech d'Ulltaibh gus an tan no foad la Conchubhar, acas ní búi nech no lectí is ind lis acht a h'oite, acas a mmuimiu ha h'ingenu don, acas Lebarcham ar na h-étagabhail disidi, ar ba bancháinte. (7.) Fechtus din bui a h-aitisi ag fennud loig fothlai for sin snechta amoigh is in ngamriuth dia fhuini disi co nfhacosi ni an fiach hicc ól ina fola for sin snechta. Is ann isbert si fria lebharchaim ro badh inmain em fer fors' mbeis na teoru datho uccut, iodhon, in folt amhail in fiach, acas in gruaidh amhail in fhuil, acas in corp amhail in snechta. Ordan acas toccad duit, ar Lebharchaim, ní cian uait, ata his toigh hit farrud, iodhon Noísi mac Uisnech. Nimbam slan slai am, ol sí, con facar. (8.) Fecht nand den bui sim in tí Noísi a aen for dóe in aradanna, h'Emno hic an dord — ba binn imorro in dord mac n-Usnech. Windisch's Text, &c.- continued (6.) “Marbthar ind ingen” ar ind óic. “Ní thó” or Conchobar. “Berthair lim-sa ind ingen imbarach” or Conchobar, ocus ailedthair dom réir féin ocus hid sí ben bías im fharrad-sa” ocus ni ra lamatar Ulaidh a chocert immi. Do gnither ón dana. Ro alt la Conchobar co m-bó sí ingen as morailliu ro bói i n-Erinn. Is i liss fo leith ro alt co nach acced fer di Ulaib hí cosin n-úair no fhoad la Conchobar, ocus ní búi duine no lecthe issin leis sin acht a haiti-si ocus a mummi, ocus dana Lebarcham, ar ní éta gabail disside, ar ba banchainte. (7.) Fecht n-and din bái a haite na ingine oc fennad lóig fhothlai for snechtu immaig issin gemrud dia fhuni dissi, con fhacca si in fiach oc ól na fola forsin t-shnechtu. Is and asbert si fri Leborchaim: Ro pad inmain oenfher forsa m-betis na tri dath ucut .i. in folt mar in fiach ocus in gruadh mar in fuil ocus in corp mar in snechta. “Ord- dan ocus tocad duit,” ar Lebarcham, “ni cían úait atá is taig it fharrad .i. Nóisi mac Usnig.” “Ni pam slan-sa ám,” or issi, “conid n-accur saide.” (8.) Fecht n-and din búi seom intí Nóisi a óenur for doe narrátha, .i. na hEmna oc andord. Ba bind imorra a n-andord mac n-Usnig. Cech bó ocus cech míl ro chluined, <L 382> O'Curry's Text, &c. -continued. nUisnech. Cach bo ocus cachmil do chluineadh, nom bligdis do trian blechta d'imarchraid uaidib. Cech duine nod cluinead ba leor sithchairi ocus airfided doib. Ba maith a ngaisced din. Cia no beith coiced Uladh in noen baili impu, acht co ro chuiread cach dib a druim friaraili, ni bertais buaidh diib, ar febas na hurrsclaidi ocus na h-imditen. Bat comluatha din fri conaib oc tafonn. No marbdais na fiada ar luas. (9.) Amboiseom din aenur, inti Noisi, immaig, nosetlann si chuici immach amail bith dul secha ocus nid nadhgeóin. Is cain, or seiseom, in tsamaisc theit sechund. Dleagar,or sisi, samaisce is an baile na bit tairb. Ata tarb cid in coicid lat, or seisem .i. ri Uladh. Nada thoghfaindsi etruib far ndis, ar sisi, ocus no gebaind tairbnin oc amaltra. Ni tho, or seiseom, cith fo bithin faitsine Cathbad. In dom femidsa deirisi sin [ol sisi]. Bid do ioarro, or seisem. Lasodain focher erind bedg chuce co ro gab a da no foa a chind. Da no mele ocus cuitbeda indso, olsí, mani mberasa. Airg uaim a ben, orse. Rot bia on or sisi. Atracht la sodain a andord ass. Amail ro chualatar Ultu innnund in nandord,ataig cech fear dib dialailui. O'Flanagan's Text, &c. — continued. Cech bó acas cech míol at cluiniuth no mblígh- tís dá trian mblechtai d'forcraid, cech duine no cluiniuth balór sithchuirid acas oirfitigh doibh. Ba maith eim a n-gaiscidh don. Cia no beth coiciuth Conchubhair h'ind aen baili impo acht cor ro chuirid chach dibh a ndruim fria naili ní berdais buaidh dibh ar febus an urslaidhi acas an h'imdítin; ba comluith din fria conuibh oc tofhunt, no marbdais na fiado ar luas. (9.) Am buisium don a aénar in tí Noísi amuig nus étlann Deirdriu chucui amail bid do dul seocha acas nisnaith geoin. Is caein ol seisium, in inghen teti seochuind. Dle- gar, ol sisi, ingena séimhe baile na bíth oigfhir; a tá fer in coiccidh latsa, olseisium. No togfuinnis etruibh ar ndís, ar sisi, acas no geduinn fer óag amaltsa. Nitho, ol sesium, cid fo bíthin faitsine. Is dom fémedso a deirid sin, ol sisi. Bid do imorro, ol seisium. Lasoduinn fo cerd si bedg chuice co rugaph adano for a chinn. Dano mele acas cuidbuitho innso, ol si, man o mberusa. Aircc uaim, a bhen, ol se; rot mbia ón, uar sisi, do mber lasoduin ara ndordnas acas shin. Amhail at chualatar Uladh anonna andord, a traig gach fer dóbh dia'aile. Windishch's Text, &c. — continued. no-mbligtis da trian blechta d'immarcraid uadib. Cech duine nod chluined, bo leór síthchaise ocus arfitiud doib. Ba maith a n-gaisced dana: cia do beith coiced Ulad uile impu i n-oenbaile acht co ro chuired cách díb a triur a druim fri araile, ni bertais buaid díb air fhebas na ursclaige ocus na imdíten. Bat comluatha dana fri conaib oc taffond, no marbdais na fiada ar lúas. (9.) A m-buí-sium din a óinur intí Nóisi immaig, mor etlann si cuci immach, amal bid do thecht secha, ocus nis n-athgeóin. “Is cáin,” or sei-seom “in t-shamaisc téit sechond.” “Dlegtair” or sisi “samaisci móra bale na bít tairb.” “Ata tarb an chóicid lett,” or sei-seom, .i. rí Ulad.” “No thogfaind-se etruib far n-dís,” ol sisi, ocus no gebaind tarbín óc amal tussa.” “Ni thó” ol sei-seom ... Lasodain focheird bedg cuce, corra gaib a da n-ó for a chind. “Da n-ó mele ocus cuitbiuda andso,” ol si, “manim bera-su latt.” “Eirgg uaim, a ben” ol se. “Rot bia” sisi. Atracht lasodain a andord ass. Amal ro chualathar Ulaid innund in andord, atraig cech fer díb di alailiu. <L 383> O'Curry's Text &c. — continued. (10.) Lotar meic Uisnig immach do tharmeasc a mbrathar. Cid no tai, ar seat, na ma ngonadh Ultaig it chinaidh. Is and atchuaidh doib an do rondad ris. Biaidh olc de, or ind oicc. Cia beidh nocha biasa fo mebail, cen bemitne i mbethaidh. Regmaitne lee i tir eile. Ni fil in nEiri ri na tibre failte dun. Batar eat a co- mairle. Ro imgetar in naidchisin .i. tri LLL. laech doib, ocus tr. LLL. nan, ocus tri. LLL con, ocus trí LLL. gilla, ocus luidsi din .i. Deirdriu, i cumusc caigh combai eturru. (11.) Batar for fhoesamaibh cen moir tim- chell h-Erenn, co triallta a ndith co menic, tria indleada ocus celga Conchobhair. Otha Easruaidh timchell siar-deas co Beind Etair sair-thuaidh iterum. Araidi tra condar aifnetar Ulaid tairis i crich nAlban, con- gabsad ind ndithruib and. Onduair ro scaith doib fiadach in tslebe, do ellsad for ceathra fer nAlban do thabairt chuctu. Do chotar side dia ndilgiund in noen ló. Condechadar dochum rig Alban, conda ragaib a muinterus, ocus co ro gabsad amsain aici, ocus ro shuidigsead a tigiu sin aidchi. Im deigin na h-ingine do ronta in tigi, conna aiced nech leo hi ar daigh na ro marbtais impi. O'Flanagan's Text, &c. — continued. (10.) Lotar mic Uislinn himach do tairmesc a mbrathar “Cid no dotai,” ol iat, “nach not gonuto Uladh at chinuidh.” Is ann at chuaidh dóibh a ndorónud fris. “Biaidh olcc de” ol in oicc. “Cia beth nochu biaso fo mhebhail céin bemm i m-bethuidh. Ragmaini lea hi tír n-ailiu. Ní fil inn Eirinn rí na tibrí fáilte dúinn.” Batar eat a comuirle. Ro imthétar inn oídche trí chaeco laech doibh, acas trí chaeco ban, acas trí chaeco con, acas trí chaeco ngillo, acas Deirdre cuma cháich co mpui eturro. (11.) Batar for foesamaibh mor timchiull n-Erenn, co ro tríalta a ndicennad co menicc tria inleduibh Chonchubhair, ó ta Esraidh timchiull n-Éirend siaurdhes acas co Beinn Etair soir-thuaidh arís. Arai tra con do ro aisnitar Uladh tairis hi crich n-Alban, co ngaibsit i ndithrubh nann: ón duar ro scaith doibh fiadoch in t-sléibhe, do rellsat ar chetraibh fher n-Alban. Do chotar sidhe dia ndilgiunn inn oen ló; co ndeochatar do chum righ Alban con do ro gaibh i n-a mhuinterus, acas ro gaibh amsaini acca. Windisch's Text, &c. — continued. (10.) Lotar maic Uisnig immach do thairmesc a m-brathar, “Cid no tái,” ol seat, “nammongonad d'Ultaib it chinaidh!” Is and dochuaidh dóib a n-doronad friss. “Biaidh ol de” ar ind oic. “Cia beith no co bia-so fó mebail, céin bemmit-ni i m-bethaid. Régmait-ni lee i tír n-Aile. Ni fhil i n-hEirinn ríg na tibre falte dún.” Batar eat a comairle. Roimthigsetar indaidhchi sin, .i. tri cóicait laech doib ocus LLL ban ocus LLL con ocus LLL gilla, ocus Deirdriu leo. (11.) Batat for essama céin móir mórthimchell, co trialta a n-díth commenic i crígaib hErenn tria indle ocus chelga Conchobhair, otá Essrúaid timchell síardes co Beind etair sairtúaid daridisi. Araide tra co n-darfneter Ulaid tairis i crích n-Alban, co n-gabsat in dithrub and. Ond úair ro scáich dóib fíadach in t-sléibhe, do elsat for cethra fer n-Alban do thabairt chucu. Dochuatar side dia n-dilgiund i n-oen ló, co n-deochotar dochum ríg Alban, cona- dragaibh ina munteras ocus go ro gabsat amsai aice. Ocus ro shuidigset a tige isind fhichthi; imdáin na ingine do rónta na tigi, conn ahacced nech leo hí, ardáig no ro marbtais impi. <L 384> O'Curry's Text, &c. — continued. (12.) Fecht nand din, luidh in rechtaire maten moch go ro lai cor imma techsom, conacai in lanamain inna codlad. Do chuaidh iarsin cor duisich in rig. Ni fuar- amarni, or se, mnai do dingbalaso cosaniug. Ata i fil Noisen mic Uisnech bean dingbala rig iarthair domuin. Marbthar fochetoir Noisi, ocus faoth in ben letso, ol in rech- taire. Ac ar in righ, acht eirgseo dia guidi fo chleith. Do gnitheron. Anabered imorro, in rechtaire frieisi chadchi, adfedad si diaceli in naidchisin fochetoir. Uair na ro hetad fo di, no erptha for macaib Uisnigh dul i ngabthaib, ocus i cathaib, ocus i ndrobelaib ar daig co ron marbdais. Araidi badar sonoirtseom im cech nimguin conar fedad ní doib as na cathaibsin. (13.) Ro tinoilti fir Alban dia marbad,(.) iar na chomairle frisi. (,) (Videvers vern.) Id fetsi do Noisi in ni sin. Tiged as, or sise, meni theiset as innocht nod marbthar im- barach. Lotar ass indnaidchisin combatar in inis mara. Adfiadar do Ultaibh on. Is trog a Chobcobair, ar Ulaidh, tutim do macaib Usnig i tirib namat im daigin drogmna. Ba fearr a coimitecht, ocus a mbeadad ocus a nimguin, ocus tuidecht doib O'Flanagan's Text, &c. — continued (12.) Fechtus nann, din, luidhiu rechtairiu ind rígh matan moch gu ro lá cor ima tech- soin co n-fhacca ind lanamhuin inn a cotluth; do chuaidh iarumh go ro duisigh ind righ. Ni fuaramarni do dingbalaso do mhaoi gus a n-iumh, ar sé. Atá a fil Noisin mhic Uislinn dingbaló righ iarthar domhain do mhnai. Marbthar fo chétóir in tí Noisi, acas faoth ind inghín lat-sa, ol in rechtaire. Acc, ol in righ, acht eirccsi dia guidhi fo chlith. Do ghní- thar on; an at beriuth imorro ind rechtaire fria-si chaidchi. At fétad-sium dia celi an oidhchi fo chétoir. Ar na ro hétad ni di. No herptha fordaibh macuibh Uislinn, dola i ngaibhthibh acas hi cathaib, acus droibéluip, or dáigh gu ro marbtaís. Araidi bátar son air tisium iarumh co nar hetad ní dóib is na cathaibh sin. (13.) Ro thinólti firu Alban dia marbh- ad iar n-a chomhuirle friasi. Atfét si do Noisi. Imthidhigh as, or si-se; ma ni this- tai as hi nocht not marbtar i márach. Lo- tar as an aídhche sin co mbotar hind inis maro. At fiadar do Ultaibh óm. Is trogh a Chonchobhair, ol Uluidh, tuitim do macaibh Uislinn hi tíribh namhat im daigin droch-mhna. Ba ferr a comuitecht acas a mbiathadh acas hi n-imguin, acus toidecht dóib dia tir, Windisch's Text, &c. — continued. (12.) Fecht and din luid in rectaire matain moch corra lai cor imma tech-som, co n-accai in lanamain ina cotlud. Dochuaidh arsin go ro dúsigh in ríg. “Ní fhuaram-ni” or se “mnai do dingbala-so cosindiu. Ata i fail Nóisen maic Uisnig ben dingbala ríg iarthair domhain. Marbthar fochetóir Nóise ocus faod in ben let-so” ol in rectaire. “Acc” or in rí, “acht airg-siu dia guidi dam-sa cech laa foghlith.” Do gníther ón. A n-atbered imorro in rectaire chaidche fria-si, adféded si dia celiu in n-aidchi sin fochetóir. Uair na ro étad uadi, no erálta for maccaib Uisnig dul i n-gabthib ocus i cathaib ocus i n-drobelaib, ardaig co rommarbtais. Araide batar sonairte seom im cach n-imguin, connar étad ní dóib arsna amsib sin. (13.) Ro tinolta fir Alban dia marbad iarna chomairle frie-seon. Adfet si do Nóisin. “Imthigid ass,” ar si, “uair moni digsid ass innocht, no-bor-mairfither imbárach.” Lotar ass indaidchi sin, co m-batar i n-inis mara. Adfiadar do Ulaibh anísin. Is tróg a Chonchobair” ar Ulaidh “maic Uisnigh do tuitim i tírib námat tre chin drochmna. Ba ferr a comaitecht ocus a n-imguin ocus tuidecht dóibh dochum a tíre oldaas a <L 385> O'Curry's Text, &c. — continued. Dochum thiris oldas a tuitim lia naimdi. Tegat din ar Concobar, ocus tiagad cobam riarach [ocus tiagait commairge] friu. Berar chucu ind ní sn. Is fochen lind, arseat, regtair, ocus taet Fergus frind i commairce, ocus Dubthach, ocus Cormac mac Conchobair. Tiagait side congabsad a laimh di muir. (14.) Bui iarum din imchosnam im Fergus do chuiriud do chormandaib a comairle Concobair. Ar asbertatar meic Uisnig nach istais biad in n-Erind acht baidh Concho- bair i tosuch. Luid iarum Fiacha mac Fergusa leo ocus anaid Fergus ocus Dubthach, ocus do lotar min Uisnig combatar for faithchi na hEmna. Is and din tanic Eogan mac Durrthacht ri Ferndmaigi, do chórai fri Conchobar, ar ro bui i ndesid sris i ciana. Is eisidhen ro herbbad diammarbad ocus amsach Conchobair immi, conna tistais chuiciseom. (15.) Batar meic Uisnig ina sesam for lar na faidchi ocus inna mna inna suidib for tua na hEmna. Luid din Eogan cuctu inna thur iar sin faithchi. Dolluid, imorro, mac Fergusa combai for leth laim Naisen. Feraid Eogan failtiu friu, la beim forgama do gai mor ind Noisiu cor romid a druim O'Flanagan's Text, &c. — continued. oldás a tuitim lia a naimtiu. Tecut don ol Conchubhar, acas tagat gor b'amriaruch. Berar cuco indi-sin. Is fo chen linn, ol eat, acas ragthair acas taet Fergus frinn a chomuirci, acas Dubhthach acas Cormac mac Conbhubhair. Tiagait-sidhe co ngabhsat a llaimh di muir. (14.) Bui iarum himcosnumh im Fergus dia cuired do cormandaibh, a chomhuirle Conchobhair, arus mbertatar mac Uislinn nad conus nístaís biadh nErend ria m-biadh Chonchobhair. Luid iarumh Fiachadh mac Chonchobhair go Fergus leo, acas anuid Fer gus acas Dubhthach, acas lotar mic Uislinn co mbatar ar faithche n-Emno. Is ann tánicc Eugen mac Dertacht, rí Fernmoighe, do córa fri Conchubhar ar ro buí inn ésidh fris fri ciáno. Is hesidhein ro herbadh dia marbhadh acas amsach Chonchobhair ime co na tístáis chugi-sium. (15.) Batar, iommora, mic Uislinn i n-a se- sumh, acas ind amhsach i n-a suidhi for tua hinna h-Emno. Luidhe don Eoghen cucco inathuir iar sin faithchi. Do luidh imorro mac Fer- guso co m-bui for leth laímh Noisin. Fer- uid friu la béim fergamo do gai mor in Noisin cu ro imidh a druim trid. Fo cerd Windisch's Text, &c.- continued. tuitim la námtiu.” “Techt din,” ar Conchobhar, “ocus tiagat commarige friu.” Berair chucu anisín. “Is fochen lend,” or seat “regthaair, ocus taet Fergus frind i com- airge, ocus Dubthach ocus Corma mac Conchobair.” Tiatait sidhe, co raghbaiset alláma di muir. (14.) Bái imorro imchosnam im Fhergus da churiud do chormannaibh a comairle Chon- chobair, ar isbertatar maic Uisnig nach ístais biad i n-hÉrinn acht biadh Conchobair i tossuch. Luid iarum Fiacha mac Fergusa leo ocus anaid Fergus ocus Dubthach ocus dollotar maic Uisnig co m-bátar for fadchi na h-Emna. Is and dana tanic Eogan mac Durthacht rí Fernmaighe do chorai fri Conchobar, ar ro bói i n-essid fris i cíana. Is se side ro herbad do marbad mac Uisnig, ocus amsaig Conchobair immi cona tistais cuci-seom. (15.) Batar maic Uisnig ina sessom for lár na faidchi, ocus batar na mhnaa ina suidibh for dou na h-Emna. Dolluid din Eogan ina thur iarsind fhaidche, dolluid imorro mac Fergusa go m-bai for lethláim Nóisen. Ferad Eogan failti friu la béim <L 386> O'Curry's Text, &c.- continued. trit. Focheird la sodain mac Fergusa co tug a di laim tar Noisin, co tuc foi, ocus co tarlaic fair anuas, ocus is amlaid ro bith tria mac Feargusa anuas, agus ro marbtha iarsuidiu sechnon na faichdi; conna terno as acht a ndechaid do rind gai, ocus di gin cloidib; ocus rucad si sindund co Conchobar combai for a laim. Ro chum- righthe allama iar na cúl. (16.) Adcuas do Fergus iarum an ní sin, ocus do Dubthach ocus do Cormac. Tangadar side din co ndernsad gnima mora fo chetoir .i. Dubthach do marbad Mane mic Conchobair, ocus Fiachna mac Feidhlimthi ingine Conchobair, do guin dondoen fhorgab, ocus Fergus do marbad Graig-thréoin mic Traiglaiten [ocus a brathar,] ocus sarugad Concobair impu, ocus cath do thobairt eturru iarsin is in noen lo, con torchratar tri c.c.c. do Ultaib eturru; ocus ingenrad Uladh do marbad do Dubthach ria maitin, ocus Emain do loscud do Fergus. Ised do lotar iarum co hAilill ocus go Meidhb ar ro feadatar isi lanamain fo do roelsat. Ocus ni bu chul serce do Ultaib. Tricha cet ro be lin na loingsi, co cend se mbliadhain dec. Ni ro an gol na crith leo i n-Ultaibh, acht go ocus crith leo cech nén aithchi. O'Flanagan's Text, &c. — continued. lasodhuin mac Fergusa, co tuc a dhí láimh tar Naisin, co tucc foa acas tairis a n-uas acas isimne ro bithe tre mac Fergusa hi n-uas, acas ro marbhtha iarumh sethnon na faithche co na terno as acht a ndechaidh do rinn gai acas do giun claidhimh, acas tucad Deirdriu hi innond do Conchobhair co mbui for a láimh. Ro chuimrighthi a lámho iar n-a cul. (16.) At cuas do Fergus iarumh hin ni sin, acas do Dubhthach acas Cormac. Taedut sidhe con do ronsat gnimho móra fo cét-uair, idhon, Dubhtach do mharbhadh Maine mac Conchobhair acas Fiachno mac Feidhlimid mac ingine Chonchobhair do guin don oen forgom, acas Fergus do mharbhadh Traigtreoin mac Traiglethuin, acas sarugadh Chonchubhair im- paibh, acas cath do thaubhairt etaraib iarumh is in oen lou co ndrocratar trí chét do Ulltaib etarru, acas Emhain di lasccadh do Fergus. Isadh lotar iarumh co hAilill acas co Meidhbh; ar rus fhetatar ba sí lanamhain do foelsat, acas don nipsa chul serci di hUlltaib; tricha céd basadh allui in a luin- gius. Go cenn sé mbliadhain decc ní rus an gol, na grith leu inn Ulltaibh, acht gol acas grith leu gach n-aidhchi. Windisch's Text, &c.- continued. forgama do gai mór in Noisen, corraimid a druim triit. Focheird lasodain mac Fer- gusa, co tug dí láim dar Nóisen, co tuc fói ocus con atlaic fair anúas. Ocus is amlaid ro bíth Nóisiu tria mac Fergus anuas. Ro marbtha iarsein sethnón na faidhchi, conna térna ass acht a n-dechuid do rind gai ocus do gin chlaidibh; ocus rucad si innund co Conchobar co m-bái for a láim, ocus ro cumrigthe alláma iarna cúl. (16.) Atchuas do Fhergus iarom anísin ocus do Dubthach ocus Chormac. Tancatar side co dernsat gnima móra fchetóir; .i. Dubthach do mharbad Mane maic Con- chobair ocus Fiachna maic Fheidilmi ingine Conchobair dond oenfhargam, ocus Fergus do marbad Thraigthreoin maic Traiglethain ocus a brathar. Ocus sarugud Concho- bair impu, ocus cath do thabairt eturru iarsin isind oen ló, co torchratar trichét de Ultaib eturru. Ocus ingenrad Ulad do marbad do Dubthach ria matain iarom Emain do loscud do Fhergus. Issed lotar iarom co Ailill ocus Medb, ar ro fetatar issí lanamain ro fhailsad. Ocus dana ni bu chul serci do Ultaib. Trícha cét rop é lín nallongsi; co cend se m-bliadne déc ni ro an gol ná crith leo i n-Ultaib, acht gol ocus crith leo cechoenaidchi. <L 387> O'Curry's Text, &c. — continued. (17.) Bliadain disi tra i fail Conchobair, ocus in bliadain ni tib gen gaire ocus ni doidh a saith do biud na collad, ocus ni tuargaib a cend dia glun. In tan do berdis nah airfitig di is and asberedsi in regnisea sis. Cid cain lib in laechraid laind, Cengtha in Emain iar thochim, Ailliu do chingdis o taig, Tri meic adlaechda Uisnig. Noisi commid chomlan choin Folcad limsa do con tein Ardan co[ndam] no muic mais, As[g]lang Annle dar ard-ais. Cid milis lib in mid mas Iber Mac Nessa nithmass Ba haithnium riam ren for bru Biad minic ro bo millsiu. O ra sernad Noisi nar Fulacht for feada fian-chlar, Ba millsiu cach biud fa mil, Ara ralad mac Uisnich. Cid bindi lib in chach mi, Cuslindaig is cornairi Isi mo chubais indiu, No chuala ceol bid bindiu. O'Flanagan's Text, &c. — continued. (17.) Imtusa Dheirdri, blidain disi tra hi fail Chonchobhair, acas in bliadhain ni thib gen no gairriu, acas ni dóigh hi saith do biud na lungudh na chodluth, acas ní thuarccuib a cenn dia glun. In tan dot mbeirtis na hoirfitidh is a tech is ann is mberiuth si in recni si sís: Cid caín lib ind loechruidh luind Cengta ind Emhain iar tochuim! Airdiu do chindis dia tígh, Trí mic adlaechda Uisnígh. Noisi coimid comlan cain, Folccud liumso dó gonein; Ardán co n-aidm na mucc mas Ascclaig Aindli díar fherdas. Cid milis lip in mid mas Ipius macc Nesi nithmas Ba hibhnim riamh reim for biu, Biad macc ro badh millsiu. O ro sernad Noísi nár, Fulacht for fedhubh fian-chlár Ba millium gach biudh fo mil Ar araladh mic Uislinn. Cid binnim libh an caine, Cuslinniudh is cornaire; Is i mo cubas do'n righ, Ro cualo ceol budh binndí. Windisch's Text, &c.- continued (17.) Bliadain dissi trá i fail Conchobair ocus risin re sin ni ro thib gen n-gairi ocus ni doid a sáith do biud na chotlud ocus ní thuargaib a cend dia glún. In tan din do bertís na hairfiti di, is and atbered si: Cid cáin lib in laechrad laind Cengthai Emain iar tochaim: Airddiu do cingtis dia taig Tri maic adlaechda Uisnig. Nóisi comid chollan chain Folcud lim-sa dó con téin, Arddan co n-dam no muicc maiss Aslang Andle dar arddais Cid mils lib ammid mass Ibes mac Nessa nithmass Baithium riam rén for brú Biad menic ba millsiu. O ro shernad Nóisí nár Fulocht for feda fianchlar, Ba millsiu cach biud fo mil Araralad mac Usnig. Cid binni lib incachmí Cuslennaig no chornairi Isi mó chobais indiu, Ro chuala céol (sic) bad binniu. <L 388> O'Curry's Text, &c. — continued. Bind le Concobar fó ri, Cuslindaig is cornairi, Fa bindi limsa, clot nell, Sian no gebtis meic Uislenn. Fogar tuindi trom Noisi Ba ceol bind a bith-chloissi Coblach Dardain ro ba maith Andord Ainli dia uarboith Noisi, do ronad a fert, Ba dirsin in chomaidecht. Do ro dailis drong tria alt, In dig tonnaig dia nerbalt. Inmain berrthan ailli blai Tuchtach dune cid dindblai, Ba dirsand nad résco indiu, Mac Uislind do idnaidiu. Inmain menma chobsaig choir [no chair.] Inmain oclach ard imnair, Iar nimthecht tar feda Fail, Inmain costal i tignair. Inmain suil glas cardais mna Ba hamnus fri hecrata, Iar cuairt chailli, cumull soer Inmain adord tria dubraen. O'Flanagan's Text, &c. — continued. Binn la Conchobhar in rí, Cuslinniudh is cornairí; Ba binnim lem-so cloth nell, Sian no geibhtís mic Uislenn. Fogar tuinni trom Noisi, Ba ceol binn a bhithchloisi; Cobla Ardáin ro budh maith Fodrud Ainnli d'a urbhoith. Noisi do ronudh a fhert, Ba dirsin in comuitecht; Do rodalus drong tria alt, Do'n digh tonnaigh dia n-erbalt. Inmhuin berthan aille blai, Tuchtach duinne cidh dinnbhlai; Ba dirsin na tresco i n-iumh! - Mac Uisnigh doid naidiu! - Inmhuin cobhsuidh chair, Inmhain oglan ard imnair; Iar in-imthecht fudh moighi Fáil Inmhuin custad hi tuignair. Inmhuin súil glas chardís mna Ba hamnas gri h-echtra; Iar cuart coilli comull soer, Inmhuin a ndrud tria dubraen. Windisch's Text, &c.- continued Bind la Conchobar for rí Cuslennaig nó chornairi Binniu lem-so, clóth nell, Sian no gebtis maic Uislend. Four tuinni toirm Nóisi Baceol nind a bithchlóisi Coblach Arddain ro po maith, Adord A'ndle dia urbaith. Noisi ro noad a fhert Ba dirsan in comaitecht Do ro dalius drong tria alt In dig tonnad dia n-erbalt. Inmain berthán áilli a blai Tuchthach duine cid dinblai Ba dirsand nadresco indiu Mac Uisnig do idnaidiu. Inmain súil glass carddais mná Ba hamnas fri ecrata, Iar cuair chaille, comul sáer, Inmain andord tria dubraed. <L 389> O'Curry's Text, &c. — continued. Ni chollu tra [Ni chollu tra], Ocus ni corcu m'ingne, Failti ni thoet immairi Or nach taide meic Indle. In ni chollad[in ni chollad], Leth na haidche im ligiu, Focherd mo cheill im drungu, Seach ni longu nít ibiu. Failti indiu ni damuain, Indail lenda arcthar saír Na sid na suba na sam, Na tech mar, na cumtach cain. Cid cain. (18.) An tan dana, do bid Conchobar aga hilgnigud si, is and sin stbeiread si in regne seo sis:- A Chonchobair cid na toí, Do rurmais dam brón fo chai Issed tatham cein nom mair, Do seirc lim nim bo [ro] mair. Ni rop ailliu lim fo nim Ocus in rob inmainib, Rucais uaim, mor an bet, Connach aicidbsa commeg. O'Flanagan's Text, &c. — continued. Ni colla tra, Acas ni corcra mi n-gne; Foilte ni toed im aire, Or na taidet micc Uisle. Ni colladh Leth na haídche im luighiu; Fo ceird mo cheill im drungo, Sech ni lungo nithibiu. Failti hi n-iumh ni dom uain, Indail lenno erccar sair Na sídh na subho na sámh, Na tech mar na cumtach rígh. (18.) An tan don bui Conchubhar aca hil- gnudhadh si, is annsin at berith sí an recni- si sís: A Chonchubhair, cid nod taí Da rurmais dam bron fo choí, Is hedh im cein cein no mair Do scel lim ní bamair. Ní rob ailli lem fo nimh Acus ni rob inmhainib Rucuis uaim — mor in béd - Conach aiciubsa com ég. Windisch's Text, &c.- continued Ni chotlu trá Ocus ni chorcu m'ingne Fáilte ni thaet imm aire Or nach taide maic tindle. Ni chotlu Leth na haidche im ligu Focheird mo cheird imm drunu Sech ni lungu ní thibiu Failti indiu ní dam úain In dail Emna ercdair sáir, Na síd na suba na sámh Na tech már na cumthach cáin. Cid cain. (18.) In tan din no bid Conchobar oca halgenugudh-si, is and atbered si: A Chonchobair cid no tái, Da rurmis dam brón fo chái. Ised am cein nommair, Do sherc lim ní ba ro mair. In rop ailliu lim fo nim Ocus an rop inmainib Rucais úaim — mór in bét - Connach acciu com éc. <L 390> O'Curry's Text, &c. — continued. An ingnais is toirrsi lem Techt ama dar mhac Uislenn, Curnan cirdub dar corp ngel Fa suaichnich sech ilar fer. Da gruadh corcra cainiu srath Beoil derg, abra fo dael-dath, Deitgen nemandai fo li, Amail soer-dath sneachtaidi. Ba suaithnid a errad glan, Itir fianaib fher nAlban, Fuan cain, corcra, comul coir Cona thimtacmaing derg-oir. Inar srollda, set combrig, Immi, cet gem ilar min, For a imdenam is gle, Caeca unga findruine. Claideb or-duirn ina laim Da gai glasa co n-goth grain, Finden co mbil oir buidi, Ocus tul arggait fuirri Forruich rind Fergus find, Ar abairt darsan mor-lind, Ro rir a ainech ar chuirm Do rochradar a mor-gluinn. O'Flanagan's Text, &c. — continued. An ingius is torsi lium Techt im amar micc Usliunn; Curnan círdhubh dar corp n-gel, Ca suaichnídhe sech ilu. Da ngruadh corccra caíne srath Béil derg, abra fo dael dath; Dédgin nemonnta fo dí, Amhail séd dath snechtaidhí. Ba suachnadh a erradh glan Itir fhiann fer n-Alban; Fuan cain corcra, cumtach cóir Cona timtachmuing dergóir. Inar snóldo, — séd co mbrígh, Imbui cétt ngem ilarmhín; For a imdenumh is gle, Caeco uinge d'finnbhruinne. Claidem ordhuirn in a láimh Dá ghai glaso go ngothghráin; Finden co n-dat oír buídhe, Acas tul arccuit furri. For fuich rinni Fergus finn, Ar tabhuirt dar sin morlinn; Ro rir a oinech ar cuirm, Do rocratar a morgluinn. Windisch's Text, &c.- continued A ingnais is torsi dam Tucht dom adbat mac Uislen, Caurnan círdub dar corp n-gel Ba suachnid sech ilar m-ban. Da grúadh chorcra cainniu srath Beoil deirg, abrait fo daildath Detgein némanda fo lí Amal soer dath snechtaidi. Bá suachnid a eirred n-glan Eter fhianab fer n-Alban, Fúan cain corcra comul cóir Cona imthocmuing dergóir. Inar srólda sét co m-brigh I m-bui cét lám ilar mín, For a imdenam, is gle, Cóica unga findruine. Claideb órduirn ina láim, Da gai glassa co ngáethghráin, Finden co m-bil óir buidi Ocus taul argait furri. Forruich frind Fergus find Ar tabairt darsa morlind, Ro rir a einech ar chuirm, Dorchratar a morgluinn. <L 391> O'Curry's Text, &c. — continued. Cia no beitis forsin maig, Ulaid im gnuis Chonchobhair, Dos beraindse uili cen clith, Ar gnas Noisi mic Uislind. Na bris andiu mo chridhi, Mos ricub mo moch-ligi, Is tresiu cuma inda muir, Mo da eola a Conchobair. [Maddaeola a Chonchobair] .A. (19.) Cid as mo misais lat atchi, ar Concobar. Tusa uamh, orsi, ocus Eoghan mac Durrthacht. Biaso bliadain i fail Eogain din, ar Conchobar. Dosbert iarum for laim Eogain. Lotar ar nambarach do Oenuch Murthemne. Buisi iar cul Eoghain i carput. Do rairn- gertsi nach faicfead a da cili for talmain. Maith a Deirdriu ar Conchobar, suil chaerach itir da reithi gnisiu etrmsa ocus Eogan. Robai ail chloichi ar a cind. Do leigi a cend immon cloich, conderna brulig dia chind com bo marb. Longus Mac nUislind, ocus Longus Fergusa ocus Aided Derdrinni. Finit. O'Flanagan's Text, &c. — continued. Cian o betis for sin muigh, Uladh imgnúis Conchubhuir; Dos mberuinn ar gach leth Ar gnúis Noisi mhic Uisneach. Na bris hinnri mo chraidiu, Mus riccaib mu cochligiu; Is tresi comand a mair, Mo dae o la, Chonchobhair! (19.) Cid so mo misccuis lat at chi? ar Conchubhar. Tusa eimh, orsi, acas Eoghan mac Durtacht. Biasi blaidhain hi fail Eccuin don, ar Conchubhar. Dus mbert euram Conchubhar for laum Euccuin. Lotar iar na maruch do Énuch Muirthemh- niu. Bui si ar cul Euguin hi carpait. Do rairngirt si na h'aiccfiuth a dá celiu hi talmhuin. Maith, a Dheirdriu, ol Conchubhar, súil coeruch etir da rethi gnidhsi etrumsi acas Eugan. Ró bui oil cloichiu ar na cinn; ro leicci a cenn im mon cloich, go nderno bruirech dia cinn conadh ro marbh. Luingius mac n-Uislinn annsin, acus Fochunn luingius Fergursa, acus Agaidh Déirdre. Finit. Windisch's Text, &c.- continued Cia no betis forsin maig Ulaid im gnúis Conchobair Doberaind-se uile cen chath Ar gnais Noisi maic Uislean. Na briss indiu mo chride Mos ricub mo mochlige Is tressiu cuma inda muir Madda eola a Chonchobuir. (19.) “Cid as mó miscais lat atchi” ar Conchobar. “Tussu am,” orsi, “ocus Eogan mac Durthacht.” “Bia-so dana bliadain i fail Eogain” ar Conchobar. Dos bert iarom for láim Eogain. Lotar arnabárach do áenuch Macha. Búi si ar cúl Eogain i carrput. Dorarngert si nach fhacfed, a da céili for talmain in oenfhecht.” “Maith a Derdriu” ar Con- chobar, súil cháirech eter da rethi gnn-siu etrumsa ocus Eogan. Ro bái ail chloche mór ar a cind. Dolleici a cend immon cloich co n-derna brúrig dia cind, co m-bo marb. Longes Mac Usnig insin, ocus longes Fergusa ocus aided mac n-Uisnig ocus Derdrend. FINIT. A.F.
19 Dawson Street, Dublin 2
D02 HH58 +353 1 676 2570 info@ria.ie
Cookie Use
Website developed by Niall O'Leary Services
