Corpas

Guth na mBárd - Ar Thráigh Bhinn Éadair

Title: Guth na mBárd - Ar Thráigh Bhinn Éadair
Author(s): Cuimín Ó Cualáin,
Pen Name: Cuimín Ó Cualáin
Composition Date: 1905
Publisher: An Claidheamh Soluis

Search Texts

<N CS1905_09_09_05>
<L 05>
<B 1905>
<C Fil.>
<M 8>
<T An Claidheamh Soluis>
<U Cuimín Ó Cualáin>
<F An Claidheamh Soluis>
Guth na mBárd.

Ar Thráigh Bhinn Éadair.

(Cara leis an bhfile d'imthigh do'n
bhFrainnc.  Iarrann an file air
cuimhniughadh anois is arís ar na
háiteachaibh do thaithighidís i bhfochair a
chéile).

1.
Ar thráigh Bhinn Éadair
Briseann tonn le fuaim;
Sgreadann faoileán aonrach
Os cionn an chuain.

2.
Ó lár an léana
Le hais Glas Naoidhean
Labhrann an traona
Ar feadh na hoidhch'.

3.
Tá ceileabhar éanlaithe
I nGleann na Smól,
An lon 's an chéirseach
Ag cantain ceoil.

4.
Tá soillse gréine
Ar thaoibh Sléibh' Rua,
'S an ghaoth ag séideadh
Ó n-a bhárr anuas.

5.
Ar chuan Dún Laoghaire
Tá bád is long
Fá sheoltaibh gléasta
Ag treabhadh na dtonn.

6.
Annso i nÉirinn
Dom féin, a bhrá'ir,
Is tusa i gcéin uaim
I bPáras áigh, —

7.
Mise ag féachaint
Ar chnoc is cuan
Ar thráigh Bhinn Éadair,
'S ar thaoibh Sléibh' Rua.

8.
'S tusa go réimeach
I bPáras mór
Na ríogh-bhrugh n-aolda
Is na dtreathan-slógh, —

9.
Sér'd táim a éileamh
Ort féin, a ghrádh,
I bhfad i gcéin duit
Go smaoinir tráth.

10.
Ar phort an traona
Le hais Glas Naoidhean,
Ó lár an léana
Ag labhairt san oidhch';

11.
Ar ghlór na héanlaithe
I nGleann na Smól,
Go sásta séiseach
Ag cantain ceoil;

<L 6>
12.
Ar thráigh Bhinn Éadair
Mar a mbriseann tonn,
'S ar chuan Dún Laoghaire
Mar a luasgann long;

13.
Ar an ngréin ag sgéitheadh
Ar thaoibh Sléibh' Rua,
'S ar an ngaoith a shéideas
Ó n-a bhárr anuas!

Cuimín Ó Cualáin.

Historical Irish Corpus1600 - 1926

Guth na mBárd - Ar Thráigh Bhinn Éadair

Search Texts

Historical Irish Corpus
1600 - 1926