---

L. 108

A BHÉITH NA BHFÓD nGLAS.
Uilliam Englis, cct.

Fonn - Póiní an Leasa.

A bhéith na bhfód nglas ródach rannach,
Thréadach sheodach chródha chathach,
Ba tréine fóirne
Faobhrach fórsach,
An t-éag id bheól muna bpósair feasta.

Is baoth do ghlórtha, is dóith nár mheathas,
Cé gur phósas Eoghan is 'athair;
is gléigeal snódh
Mo ghéag ar nóin,
Is mé im mhéirdreach óg ag Seoirse i mBrea-
tain.

Mo léan, mo bhrón do ghlórtha meabhail,,
A chéile choir na leoghan lannach.
A ghné mar rós,
is baoth an gnó
Dhuit géill ná góbháil le stróinse smeartha.

D'éis na móide, a stóir, do gheallais
D'Éibhir mhór 's do phór Ua Dheaghaidh,
is d'Éiriomhón
Ba ghéire slógh,
Na laochradh leoghan ó Bhóinn na mbratach.

Níor raobas móide, a shórt ná habair,
Acht craos is ól do bhreóidh mo bhalla,
Claonta nó
Is Gaedhilge leó,
Gur'b éigean góbháil le Seoirse Breatan.

Féach, a óigbhean mhómhrach mhaiseach,
Téinigh feóidhte is ceó ar do cheallaibh,
an chléir go deórach
Baoghlach brónach;
Tréig-se Seoirse is gheobhair a mhalairt.

Cia hé an t-óg 'san Eoraip fhairsing?
Cé gur mór í, gheobhadh mo mhealladh,
Is an laoch do leónadh
I bplé na Fódla
I gcéin gur seóladh fós tar calaith.

Atá Caesar óg 'san Róimh 'na bheathaidh,
Aon do'n phór úd phósais cheana,
Ag gléas a shlóighte,
Ag téacht tar bóchna,
Is é nóchar Phóiní an leasa.

Tagra.
Fóirne = foirne (iolradh); foireann (uathadh). Na
laochradh: tá an focal so anois i n-a iolradh, agus is mar
sin do "ghasradh" agus d'"éanlaith" leis; uathadh is
ciall dóibh ó bhunadh. Góbhail = gabháil, go háirithe i
dTuadh-Mhumhain agus i gConnachtaibh. Nó = nua. Mhómh-
rach = mhodhmharach. Téinigh? Gheobhadh: "ghéabhach" 'sa'
sgríbhinn. Cheana: "hanadh" 'sa' sgríbhinn. Nóchar =
nuachar .i. céile.

Sliocht leabhair de leabhraibh Phóil Uí Longáin an
t-amhrán so.