Litir an Athar Seumas
MacPháidín,
Sagart Pobail Gaoith Dobhair.

Cathair Naomh Phroinsís,
California,

An fichead lá Bealtaine, 1897.

A athair dhílis mhic Niallghuis

Bheir sé dhamh lúthgháir do-labhartha a
chloisdin go bhfuil sibh ag dul do
chuimhniughadh na tríomhadh céad féile déag
d'ár naomh oirdhearc, Colum Cille, ar an
mball talmhan céadna i rughadh é agus
do bheannuigh agus do choisrig sé le
soineanntacht agus naomhthacht a óige, le
mórán de shollamhnacht agus de chráibhtheacht.

Beannuighim le mo chroidhe go hiomlán
an té do smuain ar dtús onóir do
thabhairt d'ár naomh ghlórmhar, agus do'n áit
i n-ar tógadh é, le sollamhnughadh oireamh-
nach críostamhail mar so.

Budh chóir do mhuintir Thíre Conaill
fáilte chur roimh an lá so le holl-
gháirdeachas mhóir agus le cruinniughadh na
mílte ar bhruach locha Gartáin le n-a
choimhéad.

Briseann sé mo chroidhe nach féidir liom
bheith i láthair ins-an gcolainn. Acht san
spiorad béidh mé ann.

Nach ághamhail go dtárla an fhéile an
t-am i bhfuil suidheachán naoimh Adhamhnáin
líonta le hEasbog de phór ríoghamhail Uí
Dhálaigh.

Tá an tEasbog Ó Domhnaill 'na
leantóir fiúntach do “Cholum na Cille” i
n-a theas-ghrádh le teampoll Dé do
thógbháil suas.

Do thóg suas ar sinsir i laethibh sean-
ghlóire Tíre Conaill Ráith Bhoth d'
Adhamhnán agus do Cholum Chille. Tá sinne,
thárla ann i n-a dhiaigh, ag árdughadh áird-
teampuill i Leitir Cheanainn do'n té
iomchuireas go measamhail bachall ar
bhfairche ársaidhe Rátha Bhoth.

Níor fhág siad-san ar naoimh ghlórmhara
gan maoin; agus is cóir dhúinne cabhair do
thabhairt d'ár nEasbog uasal mar an
gcéadna.

Tá dóchas agam go ndéanfaidh an
naomhadh lá de Mheitheamh adhbhar ath-chruinn-
ighthe mhóir d'fhearaibh Tíre Conaill, le
honóir do dhéanamh do'n naomh ba mhó
d'ár gCondae, agus a ndílseacht do thais-
beanadh go soiléir do'n Easbog atá indiu
againn i dTír Chonaill.

Tá mé seacht míle míle as baile,
i gcathair Naoimh Phroinsís, ag déanamh mo
dhíchill, im' mhodh umhal féin, le cúis Coluim
Chille do chur ar aghaidh. Milsigheann sé
so, i modh éigin, an searbhas mhothuighim nach
mbéidh sé im'chumas bheith in bhur láthair ar
lá na féile.

Beannacht Dé ar bhur n-obair. Tá
dóchas agam go mbéidh séan agus sonas oraibh
go léir.

Fanaim go deo' deo'
im charaid fíor dhuit,

Seumas MacPháidín.