ECTRA CONDLA CHAIM MAIC
CHUIND CHECHATHAIG IN SO.

(L. U. p. 120.)

1. Cid dia n-apar Art Óenfer? Ninsa. Lá
ro bói Condla Ruád mac Cuind Chetchath-
aig for laim a athar i n-uachtor Usnig,
co n-acca in mnaí i n-etuch anetargnaid na
dochum. Asbert Condla: "Can dodeochad,
a ben? or se. "Dodeochad-sa," for in ben,
"a tirib beó áit inna bí bás, nó peaccad, na
iomorbus. Domelom fleda buána can rith-
gnom, cáin comrac leind cen debaid. Síd
mór itaamm, conid de suidib nonn ainmig-
ther aés síde." "Cia, a gillai," ol Cond fria
mac, "acailli?" uair ni acca nech in mnaí
acht Condla a óenur.

2. "Ro recair in ben. (Retoric)(4) "Adglad-
adar mnaí n-óic n-alaind socheneoil nad
fresci bás na sentaid ro charus Condla Ruád
cot-gairim do Maig(5) Mell inid rí Boadag
bid suthain, ri cen gol cen mairg inna thír
ó gabais flaith. (R.) Tair lim, a Condlai
Ruaid, muin(6) brec cainel derg barr
bude(7) fordotá oás gnuís corcorda bid
ordan do rigdelbae ma chotum-éitis ní
chrínfa do delb a hóitiu a haldi co bráth
brindach."(8)

3. 2. "Ro recair in ben. (Retoric)(4) "Adglad-
adar mnaí n-óic n-alaind socheneoil nad
fresci bás na sentaid ro charus Condla Ruád
cot-gairim do Maig(5) Mell inid rí Boadag
bid suthain, ri cen gol cen mairg inna thír
ó gabais flaith. (R.) Tair lim, a Condlai
Ruaid, muin(6) brec cainel derg barr
bude(7) fordotá oás gnuís corcorda bid
ordan do rigdelbae ma chotum-éitis ní
chrínfa do delb a hóitiu a haldi co bráth
brindach."(8)

3. Asbert Cond fria druid, Corán a ainm
side, ar ro chuálatar uili an ro rádi in ben
cén co n-acatár. (R.) "Not álim, a Chorán
mórchetlaig(9) (Gloss, canas chetla), mor-
danaig forbónd(10) dodom-anic as dom
moó airli as dom moo cumathu(11) nith
náchim thánic o gabsu flaith mu imchomruc
delb nemaicdide(12) cotom-éicnigidar immum
macc rocháin d'airchelad tre thoath bandu
dí(13) laim rígdai brechtu ban m-berir.(14)

Do chachain iarom in druí forsin n-guth
inna mná connach cúala nech guth na mná
ocus conna haccai Condla in mnaí ond úair
sin.

4. In tan trá luide in ben ass re rochetuí
in druad do chorastár ubull do Chonlu
Boi Condla co cend mís mís(15) cen mir
cen dig cen biád. Nir bo fíu leis nách
tuára aile do thomailt acht a uball. Ní díg-
bad ni dia úball cacha tomled de acht bá
ógshlan beus. Gabais eóchaire íorom inní
Condla imon mnaí atconnairc. Allá bá lán

a mí baí for láim a athar im-Maig(16) Arch-
ommn inti Condla, conn-aca chuci in
mnaí cétna a n-asbert fris:

(R.) "Nallsuide(*) saides Condla eter
marbu buthainai oc idnaidiu éca úathmair.
Tot-churethar(17) bíi bithbi at gérat do
daibib Tethrach(18) ar-dot-chiat cach dia i
n-dálaib tathardai eter dugnathu immaini."

5. Amal ro chuala Cond guth na mna,
asbert fria muinti: "Gairid dam in drúid
atchíu doreilced a tenga di indiu." Asbert
in ben la sodain:

(R.) "A Chuind Chetchathaig, druídeacht
nís gradaigthér ar is bec ro sích for messu
ar Trág Máir firién co n-ilmuinteraib ilib
adamraib motát-icfa a recht conscéra brichta
druád tardechta ar bélaib demuin duib
dolbthig." Ba ingnad tra la Cond ni con
taidbred Condla aithesc do neoch acht tísad
in ben. "In deochaid," ol Cond, "fot men-
main-siu a radas in ben a Condlai?" As-
bert Condla: "Ni reid dam sech cach
caraim mo dóini. Rom gab dano eolchaire
immon mnai."

6. Ro frecart in ben and-side, co n-epert
ins so:
(R.) "Teathut airundur(19) alaib fri toind
t'eólchaire o fhadib.(20.)

Im loing glano condrísmaís ma róismais
síd boadaig.

(R.) Fil tír n-aill nad bu messu do saigid.
"Atchíu tairnid(21) in gréin n-gil cid cían
ricgam ría n-adaig.

(R.) "Ised a tír subatar menmain cáicht
dodomchela.
"Ni fil cenel and nammá acht mná ocus
ingena."

7. O tharnic dond ingin a haithesc, foceird
Condla iar sudiu bedg uádib com-boí insind
noi glano, il isin churach comthend, com-
maidi glanta. Atchonnarcatar uádib mod
nad mod, il, in fat ro siacht in radairc a roisc.
Ro raíset iarom in muir uádib ocus ni
aicessa o sin ille ocus ní fes cid dollotar.
A m-bátar for a n-imrátib insind airiucht co
n-aicet Art chucu. "Is a oenur d'Art indiu,"
ol Cond, "dóig(22) ni fil bráthair." "Buád-
focol an ro radis," or Corán, "issed ainm
forbia co bráth Art Oenfer," conid de ro len
in t-ainm riam o sin immach.

[Finit. Amen].