Corpas

San Gheimhreadh ag tuitim na h-oidche (Dhán tuaithe)

Title: San Gheimhreadh ag tuitim na h-oidche (Dhán tuaithe)
Author(s): Corcamruadh,
Pen Name: Corcamruadh
Composition Date: 1899
Publisher: An Claidheamh Soluis

Search Texts

<N CS1899_12_09_612a>
<L 612>
<B 1899>
<C Fil.>
<M 8>
<T An Claidheamh Soluis>
<U Corcamruadh>
<F An Claidheamh Soluis>
San Gheimhreadh ag tuitim na h-oidche
(Dhán tuaithe)

Tá an foghmhar breágh imthighthe 's éagtha
Is cruadhas a' teacht ins an ghaoith,
Tá uaigneas ar chnuic is ar shléibhte
San gheimhreadh ag tuitim na hoidhche.

Cá ndeachaidh na héiníní aoibhne
Thug ceol binn is lúthgháir dhár gcroidhe?
Táid éaluighthe roimh fuacht agus easbaidh
San gheimhreadh ag tuitim na hoidhche.

Tá na beithidhigh ag glaodhach is ag géimnigh
Bhíodh san fhéar glas go suanmhar 'na luighe,
Is na daoine cruinn thart ar an teallach
San gheimhreadh ag tuitim na hoidhche.

Is cluintear go hárd an gé fiadhain
A' sgreadadh go tréan ar an ghaoith
An naosg is an pilibín aerach
San gheimhreadh ag tuitim na hoidhche.

Tá an ghrian 'sleamhnughadh síos faoi na sléibhte
'S an spéar ina thimcheall glas buidhe
Tá measgadh 'gus dubhchan 'sna néaltaibh
San gheimhreadh ag tuitim na hoidhche.

Is gearr uainn oidhche fhada an tsaoghail seo
Tráth nach feicfear an lá geal a choidhche
Bíodh muid ullamh mar sin faoi n-a coinne
San gheimhreadh ag tuitim na hoidhche.

Corcamruadh

Historical Irish Corpus1600 - 1926

San Gheimhreadh ag tuitim na h-oidche (Dhán tuaithe)

Search Texts

Historical Irish Corpus
1600 - 1926