Corpas

Conchubhairín agus Cornéilisín.

Title: Conchubhairín agus Cornéilisín.
Author(s): Ó hArgáin, Pádraig,
Compiler/Editor: Ó Donnchadha, Tadhg
Composition Date: 1909
Publisher: Connradh na Gaedhilge

Search Texts

Conchubhairín agus Cornéilisín.

Timcheall dachad bliadhain ó shoin do chomhnuigh, i bparóiste 
Thuath na nDromann, baintreabhach bhocht.  Bhí aon mhac amháin aici 
dá'r bh'ainm Conchubhar.  Conchubhairín a tugtí air, acht ní le 
droichmheas ná le n-a laighead a bhí ann de, acht le mórghrádh 
agus neart ceana.  Do cuireadh ar scoil é chun béarla d'fhogh-
luim, agus b'é b'fhada le n-a mháthair, an chéad lá dá ndeaghaidh 
sé ann, go dtáinig sé a-bhaile, féachaint cionnus ar éirigh leis.

Tháinig sé a-bhaile.

"Airiú! a Chonchubhairín," ar sise, "connus ar éirigh leat 
indiu? - nó cad dubhairt an máighistir leat?"

"D'éirigh go seóidh liom, a mhamaí," ar seisean, "agus dubh-
airt an máighistir liom gan aon charabhuais ná eagla bheith orm,
acht teacht chun scoile gach lá, agus go múinfeadh sé féin mo 
dhóthain Béarla dhom, agus chun tosnuighthe dubhairt sé go gcaith-
finn atharrughadh a dhéanamh ar m'ainm."

"A thiarcais! a Chonchubhairín," ar sise, "cad chuige an 
t-atharrughadh?  Ar ndóin ní fhéadfadh seisean ná éinne eile thú 
ath-bhaisteadh."

"Bhíos chun é sin, díreach a rádh leis," arsa Conchubhairín,
<L 353>
"acht do scríbh sé m'ainm síos i leabhar mór a bhí aige, agus 
dubhairt, "Ní Conchubhairín t'ainm feasta, acht Cornéilisín"."

"Mhuise, mo ghrádh mo gharsúinín!" ar sise.  "Chuaidh sé ar 
scoil uaim n-a Chonchubhairín, agus tháinig sé a-bhaile chugham n-a 
Chornéilisín."

B'in í an chéad cheacht do fuair Conchubhar bocht ar scoil 
Thuath na Dromann.

PÁDRAIG Ó hARGÁIN.

Historical Irish Corpus1600 - 1926

Conchubhairín agus Cornéilisín.

Search Texts

Historical Irish Corpus
1600 - 1926