Historical Irish Corpus
1600 - 1926
Historical Dictionary of Irish
Search the corpus
Browse the Text Archive 1600-1926
Aisling Phádraig Uí Chruadhlaoich.
Title
Aisling Phádraig Uí Chruadhlaoich.
Author(s)
Ní fios,
Compiler/Editor
Ó Donnchadha, Tadhg
Composition Date
1908
Publisher
Connradh na Gaedhilge
Téacs
Comhad TEI
Gnáth-Théacs
Comhad ePub
Search Texts
Enter word/phrase
Search Type
Headword
Standardised
Exact match
Phrase
Word Type
All
Adjective
Noun
Preposition
Pronoun
Verb
Verbal Noun
Poetry/Prose
Both
Prose
Poetry
Set Dates
1600
1926
Aisling Phádraig Uí Chruadhlaoich. Araoir dam im aonar cois Laoi Go déadhnach i gcoill chluthair bhláith, Ag cuimhneamh ar chlaontas an tsaoighil Gan aon bhraith go bhfillfinn go lá, Taoibh liom i ngaorthadh an ghlasgeimhinn Tig spéirbhean go híogmhar im dháil; Míonlacht is maordhacht a gnaoi Rug céim ar na mílthe eile 'e mhnáibh. Bhí a dlaoithe go craobhach cas buidhe Go slaodmhar go slíogach ag fás; A braoithe deas caola mar scríob Peann cléirigh nuair scaoilenn ar phár; N-a caoinleacain aolmhair do fríth Caora agus lítis go báidheach; A mínchneas mar scéimh eala chím Ar léigibh na groidhe mara ag snámh. Fíorfachtaim scéalta ón mnaoi Cá taobh nó cá tír ann gur fás; Nó ar bh'í do sciob laoch leis don Traoi Is chuir léan guirt ar chroidhe Mheneláus; Nó ar bh'fhíor gur bh'í Déirdre Naois' Thug léirscrios ar Chraoibh Uladh 's ár; Nó an ríogan de phréimh chirt na ríogh Thug Déarmaid fá choilltibh dá grádh. Is caoin d'fhreagair mése gan mhoill Insna bréithribh seo chífir in dheáidh: "Ní díobh-san ar aonchor me mhaoidhis, Ní shéanfainn ort fírinne is fáth, Acht sídhbhean ó thaobhaibh na Laoi Tá im aonar gach oidhche agus lá, Ag caoineadh mo ghaolta do bhí I réimeas na gcríocha so tráth. Is díth liom a dtréine dhul síos; Is saoth liom gur chríochnuigh a gcáil; 'S a ríoghbhroga aolmhar' gan díon Ó Bhaile Aodha thoir go dtídh go Cloch Dáith; Ní'l flaith go Léinloch an ghrinn; Sin Béarra gan taoiseach de bhárr An ghríbh lannaigh thréig me i nDún Buidhe 'S nár théarnaimh le tigheacht chughainn ón Spáinn." <L 535> Rith díleann de dhéaraibh go fuidheach Gan taoladh ortha síos léi go bán A caoinrosca réghlasa bhí Le géarruide líonta go bárr; Do síneadh me tréimhse fá scím Ag éisteacht le sídhghol na mná, 'S ar fhíorbhreacadh an lae thoir do thigheacht Seadh d'éaluigh sí arís uaim chun fáin. MaghCromdha, 15/11/'08.
19 Dawson Street, Dublin 2
D02 HH58 +353 1 676 2570 info@ria.ie
Cookie Use
Website developed by Niall O'Leary Services
