Corpas

BEARTA CRUADHA.

Seo giotaí beaga a fuaras ó Liam Ó Lúbhaigh, Árd 
Fhionáin, cúpla seachtmhain ó shoin.  Deir Liam liom 
go bhfuil siad age sna daoine go léir timcheall na 
háite.  Cheapas gur bh'fhiú iad a chur ag triall ort i 
gcóir an IRISLEABHAIR. 

Mise,

AN FEAR MÓR.

Bhí Eoghan Ruadh agus Cearbhall Ó Dálaigh a' dul 
'dtí gréasaidhe lá chun bróg a chur á ndéanadh.  Nuair 
a bhíodar i bhfoisgeacht pháirce dhen tigh bhaineadar 
chun reatha féachaint cé aca gheobhadh tosach.  Le linn 
dul treasna an mhacha d'Eoghan thuit sé, agus bhí an 
Dálach istigh roimhe.  Is dócha go raibh fhios ag an 
nGréasaidhe 'de'n sórt iad, agus gur theastuigh uaidh 
roinnt chainte a bhaint asta, mar 'sé dubhairt sé 
nuair a bhíodar araon istigh 'ná go dtabhrfadh sé 
tosach don té is fearr a thabhrfadh órdughadh dhó 
connus na bróga a dhéanamh.  Is deallrach gur aon-
tuigheadar le n-a chuid cainnte.  Annsoin d'fhiafruigh 
sé dhíobh ciaca a bheadh tosach an órduighthe aige. 

"Ó bhí tosach an doruis ag Cearbhall bíodh tosach 
na cainnte aige."

"Tá go maith," arsa Cearbhall, agus seo an t-órd-
ughadh a thug sé: 

"Bain an trách(t) as an áit is feárr is is righne 'n 
stéig, 
Cuir dhá bhálta bhreághtha dhíreach léi; 
Bíodh do phointe táidhte buidhe le céir, 
Bíodh sí bearrtha bláthmhar díonmhar caol." 

"Óch! dar muige, a Eógain, is baoghalach go bhfuil 
breall ort," ar san gréasaidhe, "nó an bhfuil aon 
rud le rádh agat?" 

<L 320>
"Is beag atá," ars' Eoghan:

"Dein iad daingean láidir dathamhail,
Fé dhó níos fearr 'ná bróga Chearbhaill."

LIAM DALL 

Bhí Liam Dall ag triall ar Sgoil na Suadh lá agus 
giolla le n-a chois.  Nuair a bhíodar ag dul tré choill 
chonnaic an giolla plánad ag dul isteach ag bun 
sean-chrainn daraighe agus d'innis sé soin do Liam. 
Dh'iarr Liam ar an ngiolla é thabhairt 'dtí an gcrann. 
Nuair a bhí sé ag bun a' chrainn bhain sé dhe a stoca 
agus chuir sé a lámh isteach ann, annsan chuir sé a 
lámh isteach sa sean-chrann agus tharraing sé amach 
an plánad, agus d'iompuigh sé a stoca amach air. 
Cheangail sé é, agus annsan chuir sé chuige an plánad 
istigh sa stoca.  Bhí go maith go dtí gur tháinig siad 
dtí'n sgoil agus nuair a dh'fhiafruigh duine éigint de, 
cad as do, sé seo an freagra thug sé ortha: 

"Do ghabhas anoir anair indé agus níor thug mé 
aon choiscéim ach adtuaidh" (do ghabhas an oir i ndair 
indé, &c.) 

Bhí Seán Clárach láithreach, agus labhair sé de gheit: 

"Cá'l sí?" ar sé sin.

"Mhuise, mo ghraidhin chroidhe thú, a Sheáin!  Seo 
dhuit í." 

Plánad .i. a weasel; oir, nó oirír, ainm eile ar 
weasel.
Historical Irish Corpus
1600 - 1926

Bearta Cruadha.

Search Texts

Historical Irish Corpus1600 - 1926

Bearta Cruadha.

Search Texts

Historical Irish Corpus
1600 - 1926
