Corpas

NUID NA GAEDHILGE. - IV.

--  

Sin tall leathanach a láimscríbhinn do fuaireamair 
ar iasacht ó Shéamus Ó Casaide, leabharlannuidhe na
hÁrd-Chraoibhe.  Tá urmhór de'n scríbhneóireacht ann 
ar fheabhas.  Ní leabhar aosta é.  Níl sé thar céad
bliadhain is b'éidir ná fuil puinn tar leath-chéad. 

Sidé‚ adhbhar an leathanaigh i gcló:
 
FÁISTINE MHIC AMHLAOIBH.
 
Beidh ráib is biolar i n-ionad na mónadán, 
Ón Ráith go Sionainn 's go Doire na seólta, tráth;
Beidh fás na coille ag tuitim 's ag feódh de ghnáth,
Beidh fáscadh ar uisce agus muilte go leór n-a ghábhadh.

Beidh an Franncach gan amhrus i nÉirinn seal,
Is ramhar-aicme Gallda dhá dtraochadh ar fad; 
Beidh seann-deachmhadh ag seann-sagairt aosda abhfad 
Is seann-laidean gan amhrus is Gaedhilg fras. 

Beidh scéalta dhá n-éisteacht 's dá luadh go fuin, 
'S na céadtha 'Sliocht Éibhir dá ruagadh thar muir; 
Beidh sléibhte dhá réidhteach is buach (buaic) na gcnoc 
Ag baothlaigh ar saothar fá thuairim stuic. 

Tuitfidh géar-thuile ó shléibhte do bháithfeas dreacht;
Beidh méith-mhuca daor agus tál n-a lacht; 
Beidh éigse gan dréachta is lucht dánta seasc; 
'S beidh Gaedhealaibh n-a dhéidh-sin go bráth go maith. 

--

M'atuirse féin mé déarach danardha dubhach,
Fir Seanaide ó'n nGréig iad léigthe marbh san úir; 
M'fhalluing do réabadh féach mo hata 's mo thriús, 
'S go meastar mé féin fím éadach chun leabtha 's chun 
búird. 

***

Lóchán gaoithe an saoghal so, a rath ná pós;
Comhrádh caoin gach naoimh glac mar stór; 
Brón-pháis Chríost do chaoineadh is maith an nós,
'S go mbeidh do chroidhe gan bhrigh, gan phreab, gan 
glór. 

***

Ar eagla na heasbhadh, 
Is maith bheith coimeádthach
Acht ní abraim leat-sa 
Bheith leamh ná spadánta

--
Historical Irish Corpus
1600 - 1926

Nuid na Gaedhilge IV.

Search Texts

Historical Irish Corpus1600 - 1926

Nuid na Gaedhilge IV.

Search Texts

Historical Irish Corpus
1600 - 1926
