Corpas

Clódhanna Nua

AN LONDUBH: Dá amhrán déag iar n-a gcur le
chéile ag Maighréad Ní Annagáin agus Séamus
Clainndiolúin.  Ar n-á chur amach do Chonnradh na
Gaedhilge, i mBaile Átha Cliath.  Scilling a fhiacha.

Is fada atáimíd ag feitheamh ar leabhar éigin dá
shaghas so.  Sa chéad áit, gheibhmíd amhráin na ndaoine
féin, agus san darna áit táid siad curtha síos i
dteannta an cheóil do réir mar thuiteadar a béal
sean-amhránuidhthe.  Deir gach éinne go bhfuil nós
áirithe amhrántachta i measc na nGaedheal.  Is fíor
é leis, agus tá somplaí dhe sin go flúirseach san
leabhar so.  Tá súil againn nach fada go mbeidh
leabhar eile mar é seo againn ó sna hughdair chéadna.
Amhránuidhthe is eadh iad, agus fíor amhránuidthe 
gan amhrus.  Is fearr de ceól a theacht uatha-san, mar
féadfam ionntaoibh a bheith againn as.  Ní bhfuighmíd
aistriughadh ann fé mar do-chítar a ndiaid na
"-gceóltóirí" seo atá againn.  Táimíd go mór i
n easnamh deagh-amhrán.  Tá dhá cheann déag díobh
san leabhar so is ní fearr ceann aca ná a chéile,
Badh chóir go mbeadh ceannach mór air.

GÍRLE GUAIRLE: Dráma leis an Athair Padraig Ó
Duinnín.  M. H. Gill agus a Mhac, Baile Átha Cliath,
1904.  Réal gan lacáiste. 

Sid é an leabhar is déigheannaighe tháinig ó láimh an
Athar Pádraig Ó Duínnín.  Dráma gairid is eadh é,
agus dalta gach éin-nídh tháinig ó láimh an Athar
Pádraig, tá Gaedhilg bhreagh bhríoghmhar ann, agus
scóip ghreanta litridheachta.  Tá scéal "Gírle 
Guairle" chomh hársa le Sliabh Luachra féin.  Tá sé i 
mbéalaibh na ndaoine leis na cianta agus do bhuaidh 
a lán duaiseanna ar na feiseanna i gCúige Mumhan 
anuraidh.  Ní chailltar pioc de bhrigh an scéil san 
nua-innsint seo a thugann an tAthair Pádraig air, 
acht in' inad-san gheibhmíd seóid bheag san mbreis
annso is annsúd ann.  Tá rud éigin dá shaghas ag
teastabháil ó chraobhcha beaga fé'n dtuaith ná féadfadh 
dráma fada a chur ar árdán.

An Dochtúir: Dráma Greannamhail i ndá ghníomh. 
Séamus Ó Beirn do sgríobh.  Ar n-a chur amach do 
Chonnradh na Gaedhilge i mBaile Átha Cliath, 1904.
Sé pingne. 

Sid é an tarna ceann de sna "Drámanna 
Bunadhasacha" atá dá gcur amach ag Connradh na
Gaedhilge.  Bhíomair ag éisteacht leis an chéad uair 
a tháinig sé go Baile Átha Cliath agus níor stadamair de
gháiridhe ó thosach deireadh.  Ní féidir mholadh nios
fearr a thabhairt air.  Tá súil againn go scríobfaidh
Séamus Ó Beirn tuilleadh dá shaghas.  Beidh glaodhach
an "An Dochtúir" ní fhuláir.
Historical Irish Corpus
1600 - 1926

Clódhanna Nua.

Search Texts

Historical Irish Corpus1600 - 1926

Clódhanna Nua.

Search Texts

Historical Irish Corpus
1600 - 1926
