Corpas

Bruadar, Smiot is Glin.

Title: Bruadar, Smiot is Glin.
Author(s): Ua Duinnín, Pádraig,
Composition Date: 1904
Publisher: Connradh na Gaedhilge

Search Texts

"BRUADAR, SMIOT, IS GLIN."

'Sé Seaghán 'ac Gearailt a scríobh an
sailm ar Bhruadar, Smiot, is Glin atá le
fagháil i nIrisleabhar míosa na Nodlag, agus
tá isteach 's amach le trí fichid bliadhan ó
cuireadh le chéile an mallacht sain.  Adeir-
tear gur thuit gach nídh amach i dtaobh
Smiot is Glin de réir guidhe an fhilidh.
Máighistir Tighe an Phuist i Mainistir na 
Féile i gCiarraidhe do b'eadh an Gearaltach,
agus do cuireadh an dlighe air i leith is gur
rinne sé nóta cúig bpúnt de nóta puint
le cleasaidheacht lámha.  'Sé Smiot a bhí mar
ghiuistís 'nuair a trialladh an cúis, agus b'é
Glin an peeler go dtráchtann sé air.  'Sa
deireadh thiar thall níor féadadh an gníomh
a dhearbhughadh i gcoinnibh an fhilidh, mar ná
raibh chuige acht an éagcóir.  File binn do 
b'eadh an Gearaltach, agus adeir Mac Uí
Bhrighin ó Chaisleán an Chnuic liom gur
mhinic d'airigheadh sé a athair féin ag canadh 
a chuid amhrán, agus dar ndóigh ba mhaith an
sás chum amhrán a chasadh é, óir is aige bhí
an guth breágh ceólmhar.

PÁDRAIG UA DUINNÍN.

Historical Irish Corpus1600 - 1926

Bruadar, Smiot is Glin.

Search Texts

Historical Irish Corpus
1600 - 1926