Corpas

CLODHANNA NUA.

AN MODH RÉIDH leis an nGaedhilge do mhúnadh, 
do scríobh Pádraic Mac an Fhailghe.  Baile Átha 
Cliath: An Cló-Chumann.  Sé pighne ar fad. 

Seo leabhar ar shlighe nua chun na Gaedhilge a 
mhúineadh.  Tá ana-chuid suime á chur i múinteóireacht
an Gaedhilge le déidheannaighe; táthar ag aighneas is
ag díospóireacht go héachtach i dtaobh na ceiste seo.
Ní héan droch-chomhartha é sin mar taispeánann go
bhfuilimíd dáríribh chun na Gaedhilge a leathadh ar
fuid na tíre go léir agus gur mhaith linn fios
d'fhagháil ar an gcuma b'fhearr chuige.  Ná síltar go
mbeidh éin-cheann díobh ag déanamh cumhangthais ar an
gceann eile.  Beidh slighe a ndóthain dóibh go léir
ann.

Leabhairín ana-thairbheach is eadh an leabhairín seo an
Mhodh Réidh.  Ní labhartar éin-nídh ó thosach bárra
leis na scoláirí acht Gaedhilg.  Ní bhíd i bhfad ag
foghluim ar an gcuma so nuair bhíonn a gcluasa
oilte go leór ar fhuaim na teangan, agus as cuma dhóibh
cad do bhuailfidh umpa as soin amach.

Do réir deallraimh, is deacair rudaí simplidhe a
sholáthar chun tosnughadh ar theangaidh ar an gcuma so.
Bheidh cuid de na habairtibh go crapathe agus go haindeis
i n-indeóin díchill duine.  Tá rudaí crapaithe san
leabhairín seo; acht ní fhágann soin é gan bheith n-a
áise mhaith chun na Gaedhilge a mhúineadh acht é chur i
láimh dhuine go bhfuil a fhios aige cad do bhaineann 
le múinteóireacht.  Is iad muinntir An Cló-
Chumainn a chuir i gcló é, agus go deimhin ní holc a
chuireadar chuige.
Historical Irish Corpus
1600 - 1926

Clodhanna Nua.

Search Texts

Historical Irish Corpus1600 - 1926

Clodhanna Nua.

Search Texts

Historical Irish Corpus
1600 - 1926
