Historical Irish Corpus
1600 - 1926
Historical Dictionary of Irish
Search the corpus
Browse the Text Archive 1600-1926
Stories from the Tain. III.
Title
Stories from the Tain. III.
Author(s)
Strachan, Professor J.,
Composition Date
1904
Publisher
Connradh na Gaedhilge
Téacs
Comhad TEI
Gnáth-Théacs
Comhad ePub
Search Texts
Enter word/phrase
Search Type
Headword
Standardised
Exact match
Phrase
Word Type
All
Adjective
Noun
Preposition
Pronoun
Verb
Verbal Noun
Poetry/Prose
Both
Prose
Poetry
Set Dates
1600
1926
STORIES FROM THE TAIN. BY J. STRACHAN. III. HOW CUCHULINN SLEW THE SMITH'S HOUND, AND HOW HE GOT HIS NAME. "Rofetammar ém in gillae-sin," ol Conall Cernach, "ocus ní messa de fria fhiss, is daltae dún. Nípu chían iarsin gním adchuaidh Fergus indossa con-der- géni-som bét n-aile. 'Dia forgéni Caulaind cerdd óigedacht do Chonchobur, asbert Cauland iarom ná bad sochuidhe noberthae cucci, air nípu du thír ná ferunn dó a fuirec dorigni acht do thorud a dá lám ocus a tharnguir. Luid Conchobor iarom ocus cóicae carpat imbi do neoch ga shruithem ocus ba airegdam inna caurad. "Adell Conchobor laiss iarom a cluich- mag. Ba bés dano dó dogrés a n-adall ocus a tadhall oc tect ocus oc tuidecht do chuindchid a bendachtae cosna maccu. Canaccai iarom Coinculaind oc áin líath- róte frisna trí cóictea macc, ocus birt a róena forru. Intan ba n-áin phuill dognítis, solínad-som in poll dia líathrótib, ocus ní cumcaitis in maicc a irchlige. Intan batir héseom uli dobidctis in poll aracliched-som a óinur conná téged cid óen liathróit ind. Intan ba n-imthascrad dognítis, dorascrad- som na trí cóictea macc a óinur, ocus ní comricced imbi-seom lín a thascartha. Intan dano ba n-imdírech dognítis, do-sn- érged-som uli co m-bítis tornocht ocus nícon-ructis-som immurgu cid a delg assa brot-som nammá. "Ba amrae la Conchobor anísin. As- bert-side in-etarbíad a gnímu acht tísed dóib co áis ferdatad. Asbert cách etar-da-bíad. Asbert Conchobor fri Coinculaind: 'Tair lem,' olse, 'dond fhleid dia-tíágam, ót óigi.' <L 463> 'Nída sháithech dom chluichiu beós, a phopa Chonchobuir,' ol in gillae. 'Rega-sa i far n-diáid. "Ó ráncatar uli iarom dond fhleid, as- bert Cauland fri Conchobor. 'In frithalid nech i far n-diáid?' olsé. 'Náthó,' ol Conchobor. Nírbo chuman laiss dál a daltai inna déad. 'Attá árchu lem-sa,' ol Cu- land; 'teora slabrada fair ocus triar cacha slabraide. Léicther de dáig ar n-ndile ocus ar cethrae ocus dúntar in less.' "Tic in gillae foshodin. F-an ópair in cú. Nofethed-som a cluiche colléic. Focerded a líathróit ocus focerded a loirg inna diáid co m-benad in líathróit. Níbo móo in band oldaas a chéle. Ocus foceird a bunsaig inna n-diáid, con-da- gaibed ré tothim. Ocus ní rothairmesc a cluche imbi, ce rodbói in cú occa ascnam. Torbáis Conchobor ocus a muin- ter anísin, connárbo eter leó a n- glúasacht. Inda leó ní faircbitis im- bethaid ara cinn cid ersloicthe in less. Intan didiu dolluid in cú cucci-som, foceird-seom úad a líathróit ocus a loirg, ocus frisindle in coin cona díb lámaib, .i. dobeir indala láim dó fri ubull brágat in chon; dobeir araili fria chúl; bentai frisin coirthe inna arrad, co sescaind cach ball de a lethe. Mad iar n-arailiu, immurgu, is a líathróit solá-som inna béolu cor-ruc a inathar trít. "Conérget Ulaid ara ammus, araill díib for less, araill for dorus liss. D-am-berat i n-ucht Conchobuir. Focertar armgrith mór leó, .i. macc sethar ind ríg do fholmaissiu a báis. Dotéit Culand issa tech lasodain. 'Fochen duit, a macc- áin, fodéig cridi do máthar. Messe, im- murgu, ní mad-airgénus fleid. Is bethu immudu ocus as trebad immaig mo threbad i n-degaid mo chon. Conaggaib ainech ocus anmain dom-sa,' olsé, 'in fer muintire ruccad úaim .i. mo chú. Robo dín ocus dítiu diar feib ocus ar n-indili. Ropo imdegail cacha slabrae dún eter mag ocus tech.' ' Ní mór brígh sin trá,' ol in gillae. 'Ebéltair cuilén din chúain chétnai lem-sa duit, ocus de cú- sa do imdegail do chethrae ocus dot im- degail féin colléic co-rása in cú hísin ocus corop ingníma. Ocus imdius-sa Mag Murthemne ule; nícon-bérthar úaim-se éit na almae ass, manip aurr- derg lim-sa.' 'Bid Cú chulaind t'ainm- siu iarom,' ol Cathbad. 'Maith lem cid ed mo ainm,' ol Cúchulaind. Fer dorigni sin amdar lána a shé blíadni, nipu machdad ce dorónad-side dag-gním intan atá lána a shecht m-blíadni déach," ol Conall Cernach.
19 Dawson Street, Dublin 2
D02 HH58 +353 1 676 2570 info@ria.ie
Cookie Use
Website developed by Niall O'Leary Services
