Historical Irish Corpus
1600 - 1926
Historical Dictionary of Irish
Search the corpus
Browse the Text Archive 1600-1926
Scoil na Suadh - Mo Shlán Chun Carraig na gCaol-Fhear.
Title
Scoil na Suadh - Mo Shlán Chun Carraig na gCaol-Fhear.
Author(s)
Féach bailitheoir,
Collector
Ní Raghallaigh, Anna
Composition Date
1903
Publisher
Connradh na Gaedhilge
Téacs
Comhad TEI
Gnáth-Théacs
Comhad ePub
Search Texts
Enter word/phrase
Search Type
Headword
Standardised
Exact match
Phrase
Word Type
All
Adjective
Noun
Preposition
Pronoun
Verb
Verbal Noun
Poetry/Prose
Both
Prose
Poetry
Set Dates
1600
1926
<L 410> MO SHLÁN CHUN CARRAIG NA gCAOL-FHEAR. Gléas F. Go maordha binn. Anna Ní Raghallaigh, do sholáthruigh. Mo shlán chun Carraig na gCaol-fhear, Mar chaitheas-sa teárm 'om Aoir, Gan gábhadh gan easbaidh san tsaoghal so Ach a' magadh sa' scléip leó bhínn. Do gheobhthaidhe aifireann Dé ann, Is teagasc ar bhréithre Chríost, 'S níl <L 411> fán ar ár sagart san naomhthacht, Tá a ghairim fé réim san tír. Do-gheobhthaidhe ainnir mhodhmhail mhaordha ann Bheadh leanbhach faobhrach mín, Is báidh go dtabharfadh dhon chéad-fhear Dhá nglacfadh sé léi mar mhnaoi. Do thógfadh mairig is léan díot Le binneas a béilín bhinn, Is gnó 'gus maitheas dá réir sin I mbruinnil na gcraobhfolt mbuidhe. Do-gheobhthaidhe gasra thréan-fhear ann Calma tréitheach groidhe Badh ró-bhreagh an taca lá aonaigh Chum bagairt nó glaodhach i mbruighin; I mbáire ar mhachaire tréadtha Ní fheicim go staonfaidís; Agus barr do-bheirim san bhféileacht Do Charraig na Séimh-fhear mín. Do-gheobhthaidhe capaill is caoirigh 'nn Ba boga laoigh is uain; Do-gheobhthaidhe muileann ar linn ann Is leabaidh do'n rígh chum suain; Do-gheobhthaidhe an fiolar 's an faoileann An druid an chearc fraoigh 's an chuach Agus éanlaith na cruinne san ngeimhreadh Do chruinnigheann san gcoill ó'n bhfuacht. Do-gheobhthaidhe an cuilleann ag fás ann Pluma breagh áirne 's ubhall An fhuinnseóg gharbh 's an cárthann Is bile breagh áluinn iubhair; Tá adhmad luinge nó báid ann Do fhanfadh ar bhárr na dtonn; Na craínn ag briseadh fé bhláth ann 'S a dtortha le fagháil ar drúcht. Dá gcasfaidhe bacach thar 'dtír chughainn Nó seanduine críonna dreóil, Máighistir scoile no rinnce No siollaire a dheinnfeadh ceól, Thar barr gó deireadh na treidhse Ar na leinibh ag roinnt an eóil 'S siúd fáilte is fiche ins gach teaghlach Gan mhairg fí mheidhir n-a gcóir. 'S do-gheobhthaidhe aiteas is aoibhneas ann Maidin bhreágh aoibhinn fhoghmhair; Do-gheobhthaidhe siolla as an bpíp ann Is baraille dighe le n-ól; Bheadh cuideachta shultmhar 'ár dtimcheall Do ghlanfadh gan maoidheamh an scór; 'S go bráth ná curtar san gcill me Go gcasfaidh mé arís n-a dtreó.
19 Dawson Street, Dublin 2
D02 HH58 +353 1 676 2570 info@ria.ie
Cookie Use
Website developed by Niall O'Leary Services
