Corpas

RÉALT EOLUIS NA FÁNAIDE.

Mo léan géar! a Ghráinne, nach bhfuil mé
's tú i nGáigín,
Fá shléibhte dubha Bheárnais, ná i gcoillte
Loch' Iasg,
'S gan fios ag ar gcáirde cá ndéanfamuist 
fárus,
Ná ag éinneach 'san áit sin, go gcaithfea-
muist bliadhain;

Acht is measa mar atá mé, tá m'órdughadh-sa
déanta,
'S ní bhfuighinn cead mo lámh a chur tharad
aniar;
Is éigin domh a ráit leat, mo chúig beannacht
slán leat,
'S is siocair mhór báis domh-sa d'fheiceáilt
ariamh.

M'óch! óch! a ghrádh dhílis, nach bhfuil mé 's
tú i n-éinfheacht,
Ag éalódh 'gois íseal fríd shléibhte Mhín-
Bó,
Gan romhainn acht mic tíre, 'gus cearca
fraoigh ag éirghe,
Ins a' ghleanntán i mbíomuist i gcuideacht
gach neoin;
'S gan fios a bheith ag éinneach, cé an lóistín
i mbéamuist,
Ar leabaidh chúmhang chaonaigh faoi bhrataibh 
a' tsróil,
Síntí lé chéile, a chiuin-mhaiseach bhéasach,
Mé a' pógadh do ghrís-bhéil 's an oidhche
uilig romhainn.

I n-íochtar sin Fhánaid tá an rígh-bhean is 
bréaghaichte,
D'ár shiubhail ariamh sráid liom 's go 
droichead Átha Cliath,
Ó Shligeach go Málainn 's ó Dhoire go 
hAontruim,
Mac-a-samhail mo Ghráinne ní'l thoir ann
's ní'l thiar;
Réalt eoluis na háite, a fuair mór-chuid 's
áiriughadh,
Gur'b uirthi a thráchtfainn, dá gcreidfidhe
mo sgéal,
Gur fíor-ghile a bráighe ná an fhaoileann a 
shnámhas,
'S a chorcur-ghrís áille, is tú a scánnruigh
mo chiall.

Tá dhá chích chorra ghléigeal' nár milleadh lé 
sméaracht,
Ar chlár-ucht a cléibhe 'na seasamh mar
chnodh,
<L 25>
'S ní leacántaighe an méid sin ná gach ball
di a' cur lé chéile,
'Sí bainríoghan na sgéimhe í, creididh mo 
ghlór;
Gach deallradh gath gréine, is duibhe í ná
sméartha,
'S go bhfisneochainn gach éan-bhall dá
craiceann go bróg;
Is leat a shiubhailfinn i n-éinfheacht cúig chúige
na hÉireann,
A ghnúis mhilis bhéasach, fort orm le póg.

Fuair mé an t-abhrán seo ó 'Liam Mac Cailín as 
Mol-na-Mine, Condae Dhúin-na-nGall.  Tá port 
breágh deas leis an abhrán seo, agus bhéarfainn a' leabhar
gur'b é "Pláinéid Mhaigheo" é.  Téidheann a' port
céadna le abhrán Pheadair Bhreathnaigh, "Stocaidhe na 
Bainríoghna."

D. Ó M.
Historical Irish Corpus
1600 - 1926

Réalt Eoluis na Fánaide.

Search Texts

Historical Irish Corpus1600 - 1926

Réalt Eoluis na Fánaide.

Search Texts

Historical Irish Corpus
1600 - 1926
