Corpas

<L 26>
Crosánacht do rinneadh le fear 
na páirce.

Beannuigh, a Dhé, mo leabhar
Ins an mhaidin;
Mo sheadh 'gá chur ar meabhair
I gcéim laige.

Ní céim laige dhúinn bheith 'leanmhain
Ar an tslighe
Atá againn do dhíon ar n-anmann
Ó Rígh nimhe.

Ó Rígh nimhe atá na briathra
Ar a ndearcadh
Chuireas i gcéill dúinn an riaghail
Sin d'á cleachtadh.

Cleachtthar linn léaghadh an leabhair
Moch is anmoch,
'Cur urnaighthe Mhic Dé ar aghaidh
Do dhíon ar n-anmann.

Do dhíon ar n-anmann atá soiléir
Do shíol Ádhaimh
Léaghadh sa n-éisteacht an tsoisgéil,
'Cur re crábhadh.

Ag cur re crábhadh bíodh gach duine
Ar gach slighe;
Gheabha sé gach uile mhaith shíreas
Ó Rígh nimhe.

Ó Rígh nimhe atá gach uile
Mhaith ré' chosnamh;
Tugmaois gach urraim is onóir
Dhó so ar thosach.

Ar tús rinn Dia an saoghal uile
Do réir a thola;
Chuir sé a shaothar fó smacht dhuine:- 
Cóir a mholadh.

<L 27>
Cóir bheith ag moladh Dhé gach aon-lá
Is bheith 'gá leanmhain: - 
Do rinn an duine le a mhíorbhuil
De dhust talmhan.

De dhust talmhan rinn Dia an duine,
É 'na aonar;
Thug asna as a thaoibh is é 'na chodladh,
Rinn dhe Éabha.

Do rinn sé Éabha dhó mar chuideacht
Ins an tsaoghal;
Bhí siad araon naomh gan tutim
Ar a gcaomh-chaomhnadh.

Caomh-chaomhnadh rinn Dia an t-Athair,
Parrthas bunaidh:
Daingneachadh déise 'na chathair
Mar aithne duthain.

Mar sin chuir Dia Éabha is Ádhamh
'Na gháirdín oinigh;
Thug aithne dhóibh mar dob' áil leis
Iad bheith cuimhneach.

Chuimhnigh an t-aidhbheirseoir cealgach.
Iad bheith 'sa' gháirdín;
Táinig 'má gcomhair go mealltach,
Mar so thárla.

Leabhair riú as an chraoibh i riocht nathrach:
"Ithidh de'n mheas-sa;
Comh cumhachtach re Dia na cathrach
Beidh sibh-se."

Thug Éabha lámh ins an chraoibh,
Do bhain di ubhall;
Chuaidh Ádhamh léi ar a comhairle -
Dhóibh budh phudhar.

Dhóibh budh phudhar briseadh aithne
Dhé gan easbhaidh
Le caitheamh an ubhaill go dána
Nach raibh cneasda.

Daoirse rinn Dia an t-Athair
Ar an tsaoghal
Do bhrosnadh gach neich de shíol Ádhaimh
Atá i mbaoghal.

Tá sinn i mbaoghal ó pheacadh
Nar gcéad athar
Bhris ar fonn Dhé i bhflaitheas
É 'na chathair.

Cathair ainglidhe Dhé a Pharrthas
Na n-uile aoibhneas;
Ní féidir le neach nartha
Mar tá a chaoimhneas.

Tá a chaoimhneas gnáth-athramhail
Ag dortadh saidhbhris
Orainn síol Éabha agus Ádhaimh
Is sinn daidhbhir.

Tá sinn daidhbhir do thaoibh creidimh
I n-ar gcroidhe,
Gan ar meabhair bheith ag freagra
D'ar ndlighe.

Dlighe gach neich ins an tsaoghal
De shíol Ádhaimh
Bheidh ag guidhe Mhic Dé d'á saoradh
Ó gach gábhadh.

Rí na Páise sinn as gach cás
D' ar ndíon ó'r mealladh
An té chruthuigh sinn 's do cheannuigh
A ainm bíodh beannuighthe.

Beannuigh, a Dhé, agus c.
Historical Irish Corpus
1600 - 1926

Filidheacht. Crosánacht do rinneadh le fear na páirce.

Search Texts

Historical Irish Corpus1600 - 1926

Filidheacht. Crosánacht do rinneadh le fear na páirce.

Search Texts

Historical Irish Corpus
1600 - 1926
