Historical Irish Corpus
1600 - 1926
Historical Dictionary of Irish
Search the corpus
Browse the Text Archive 1600-1926
Nuala.
Title
Nuala.
Author(s)
Mac Árdghaile, An t-úcaire,
Compiler/Editor
Laoide, Seosamh (Lloyd, Joseph H.)
Composition Date
1899
Publisher
Connradh na Gaedhilge
Téacs
Comhad TEI
Gnáth-Théacs
Comhad ePub
Search Texts
Enter word/phrase
Search Type
Headword
Standardised
Exact match
Phrase
Word Type
All
Adjective
Noun
Preposition
Pronoun
Verb
Verbal Noun
Poetry/Prose
Both
Prose
Poetry
Set Dates
1600
1926
NUALA An t-úcaire Mhac Árdghaile ro chan. I. Dá dtiocfá liom, a Nuala, badh bhuan bhéidheadh m'aigneadh slán, 'S a liacht barraidhe buadhach a bhuail tú le saighdibh grádh'; Ná claoidh níos mó de'n uaisle, 's tabhair fuasgailt dom' osnadh báis, Is gheabha tú leaba shuaimhneach de chlúmh beag na n-éan gan smál; Béidh do longphort nighte suaithnidh De'n aol is deise snuadh geal; Béidh cléir agus uaisle ag teacht ar cuairt chum do chathair; <L 47> Béidh fíon is cuirn 'gá ruagadh le suailce ar gach taobh de'n stáid, Báird ag cruinniughadh, Draoi 'teacht ar cuireadh, Fós éigse is lucht dáin. II. 'S a Nuala, nach truagh leat Mághnus gach Lá breagh ar slighe bheith 'gcréidh? A chúil na dtrioplann fáinneach, is tú is áille 's is deise gné: Is deise thú 'ná Bláthnaid, nó an t-áilleagán fá'r sgriosadh an Ghréig — 'Sí sin Helen a chuaidh ar sáile — , nó Ábsolom a d'imthigh i dtréas. Ní ar Úr-chnoc Chéin mhic Cáinte dob' áil liom do chur i gcéim, Acht i n-áirde ar hallaíbh bána ag imirt táiplisg 's ag pronnadh séad; Béidh síoda leat 'na sgáinntibh gach lá síos go barraíbh méar, Buabha bainne, Cruacha troma, Is aoibhneas gan léan. III. A Nuala chaoin na bpéarla, a ghéig ghloin mar eala ar tuinn, A chúil na dtrioplann péacach, dá n-éalóchá ar sáile liom, Gheabhfá síoda Gréagach, 's má fhéadaim gheabhair beóir is lionn, 'S gach nídh a bhfuil do spéis ionn le pléisiúr is aigneadh grinn. Cá fáth do mhnaoi bheith 'dréim léi, Oir thug sí an chliú go léir léi Le bárr ar mhaise is méin mhaith, le sgéimh agus le fonn, Is dhealbhadh le cumas léighinn ghloin Gach ealta faoi na spéarthaibh, Glóir gan toibheann, Luing is foireann, Is iasgar na dtonn. IV. Is iomdha gaige beadaidhe bréagach chuir céad bean ó chrích go bráth; A Nuala, tuig mo sgéal-sa 's tabhair éisdeacht d'a bhfuil mé 'rádh: An tulaigh úd gé aereach, níl méad ionn nó plúr ar chlár, Acht dúnán rithte faobhtha gan phléisiúr acht cual dhubh chnámh. A chuach, má's binn do bhéilín, Ní beo bheas mé 'gad fhéachaint, Le fuaim cheart na ngadhairín is Brian béarnach 'san ált, 'S ar mo philleadh a bhaile 'na dhéidh sin, 'Nuair imthigheas deireadh an phléisiúir, Badh suamh mo chodladh; Ag luighe ar leabaidh, A ghéig ghil gan smál. V. Ar thaobh an fhasgaidh, a dhé-chroidhe, i léigmid ar gcomhrádh i bpáirt, Léig Nuala a rún indé liom, 's do mhéaduigh sí mo ghean 's mo ghrádh; Is geárr anois go bhféadaim A rádh gur liom an spéirbhean A bhfuil uaisle cheathrair fuaighte i n-a héadan gan smál: Tá [a] maise mín gan chlaonadh — Mar réalt rae dorcha an néamhainn; Tá teagasg file is éigse ag réabadh uaith' gach tráth Le meabhair, le tuigse, méin mhaith, Is staideir chiuin dá réir sin, Ciall is foras, Rialt gan chorruighe A dhúbluigh mo ghrádh!
19 Dawson Street, Dublin 2
D02 HH58 +353 1 676 2570 info@ria.ie
Cookie Use
Website developed by Niall O'Leary Services
