Corpas

Tuireamh Mic Thíre ar Phádruig 
Ua Laoghaire,

Ag smuaineadh dhó ar chuairt do thugadar 
le cois a chéile ar Dún Baoi, tá roinnt 
bliadhan ó shoin ann.  Ar mbeith do'n 
déantúsaidhe ag cur Laoidhe Laighne Mhóir 
i n-eagar i gcomhair an Irisleabhair, tháinig 
uaigneas agus an-chumhaidh air, agus thuit sé comh
mór sin i mbrón do dhíth a bhioth-charad agus a
bhuan-choigéile gur ghlac a pheann i n-a 
láimh, agus do ghabh ag deachtughadh dáin go 
ndeárna an laoi.

Och! a bháis ón och! a bháis,
Nach dtug dá anam iomad spáis:
D'fhuaduighis leat i lár a lae
An fear ó n-a bhé, a bháis.

Do chuaidh d'éag, och! do chuaidh d'éag
Lóchrann lasánta na séad:
Ní deargtha dúin é go bráth;
A mhúchadh d'fhúig tláith an tréad.

Ionmhuin cuairt dúinn ar Dún Baoi,
Ar a léightear linn 'san laoi:
Och ón! nár bh'iongnadh linn gach leac,
Gér mhór, mar do cheap i gcaoi.

Ionmhuin lámh ón ionmhuin lámh;—
Minic do bhreacadh damh an bán:
Is iomdha sin amhrán binn
Do sgríobh le n-a linn an lámh.

Ionmhuin liom sin, ionmhuin liom
An breacadh úd, dar brígh na mionn:
Iomdha litir líomhtha dheas
Do thóg díom an ceas dá chionn.

A fhir an fhuilt ba chasda ciar,
Mo chara caomh budh tusa riamh;
Cráidhteacht liom do cheann fá'n bhfód,
Is t'fhionnfadh dubh ba chórach ciabh.

Och! a chinn ón och! a chinn,
'N-a raibh lán na mbriathar mbinn:
An chealg leat níor cumadh riamh;
Mo chreach tu 'san gcriaidh, a chinn.

Ionmhuin béal ón ionmhuin béal;-
Minic do sgaoileadh chugainn sgéal:
Do éirigheadh leat gach uair go geal,
Is tú ag friotal seal le séan.

Och! a chos ón och! a chos;-
Minic do bhuail an ród a bhos:
Ag lorg gach dáin dó gan duais,
Mórchuid díobh dá chluais ba chlos.

Ionmhuin peann ón ionmhuin peann;
A sgríbhneoireacht nach lugha leam:
Tapaidh luath do bhíodh a lámh,
'S é ag breacadh páir le peann.

Ionmhuin bán sin ionmhuin bán,
Is trasna tríd an dubh ó'n dámh:
Fá n-a dhreoghadh má's déanta tuar,
Díth liom féin nach buan an bán.

Ní'l aon dán dá raibh dom' dhíth
Nach gcuireadh chugam gan sgíth:
<L 177>
Ar sgríobh de litribh lán atá
De'n chaint is deise bláth is brígh.

Sgoith na suadh ón sgoith na suadh;
Sgríobhadh a sgéalta leis níor dhuadh:
Fuidheach mo chaoi ó 'chuaidh le fán;
Dá éis nocha slán an sluagh.

Och! a bháis ón och! a bháis,
Nár chuir ann-san casnadh cáis:
Aonar mé ded' sgiob gan iocht,
'S ní abraim acht och, a bháis.

Och.

An Ceangal.

A chara dhil dár radas-sa mo ghrádh go buan,
Ba thaitneamhach do pheannaireacht ar pár 
le stuaim,
'S dá cleachtadh agat an teanga shuilt 
fuair bárr is buaidh
Le healadhnaibh na seanchadh, na ndámh 's na 
ndruadh.
Historical Irish Corpus
1600 - 1926

Tuireamh Mic Thíre ar Phádruig Ua Laoghaire.

Search Texts

Historical Irish Corpus1600 - 1926

Tuireamh Mic Thíre ar Phádruig Ua Laoghaire.

Search Texts

Historical Irish Corpus
1600 - 1926
