Corpas

Fórnocht.

Donnchadh Ó Ceallacháin ro-chan.

[Táilliúir b'eadh é.  Do ruaigeadh a 
mhuinntir as a bhfeilm timchioll dá fhichid 
bliadhan ó shoin.  Do chomhnuigheadar i n-áit 
ar a dtugtar Fórnocht, baile puirt i bhfogus 
do Dhomhnach Mhór agus timchioll deich 
míle ó Chathraigh Chorcaighe. — Donnchadh 
Pléimionn.]


Mo shlán-sa cuirim chum Fórnocht, 'sé baile 
beag an tséin,
Mar is ann do tógadh go hóg mé gan 
uireasba puinn sa' tsaoghal,
Go dtáinig chughainn le fórsa, 'sé Seoirse  
Braediur Cré,
A's do ruagair sé na comharsain dob' 
fhearr do shiubhluigh féar.
Dá maireadh mo dhearbhráthair Domhnall, 
bheidheadh acu malairt sgéil,
Mar dá mbeidheadh a sheilbh tógtha, do 
gheobhaidís grán a's p'léir;
<L 84>
Tá a thigh anois go huaigneach 's é féin ag 
tabhairt an fhéir,
A cháirde gaoil dá ruagairt a's iad i bhfad 
i gcéin.
Agus báthadh agus basgadh 's múchadh ar lucht 
stiúrtha Braediur Cré,
A chlann go n-imthighid 'sna cúigidhibh le cros 
a's le mí-ágh an tsaoghail;
Gach milleadh dá ngabhaidh chúcha go n-iúcaidh 
iad go tréith,
'S nár cuirtear choidhche i n-úir iad acht a 
leigheadh mar dhrúcht le gréin.
Is deas an baile Fórnocht, is breagh é a 
aer 's a sgéimh;
Bíonn Aifreann lá Ríogh an Domhnaigh ann,
's an sagart go humhal dá léigheadh;
Bíonn an siúinéir a's an gabha ann, an 
gréasuidhe 'gus an saor,
An smólach binn 'san ngleann ann a's 
inseacha chum féir.
Dá siubhlóchainn-se go hEochaill, as sain go 
ciumhais Loch' Léin,
As sain go dtí Tigh Mhóiridhe, 's as sain go 
talamh an Éisg,
Go Mainistir na nOrdadh, 's as sain go 
dúithch' Uí Néill,
Aon bhaile beag mar Fórnocht ní bhfuighinn 
im' shiubhal go léir.
Historical Irish Corpus
1600 - 1926

Fórnocht.

Search Texts

Historical Irish Corpus1600 - 1926

Fórnocht.

Search Texts

Historical Irish Corpus
1600 - 1926
