Corpas

<N JCLAS001_01>
<L 41>
<B 1904>
<C Filíocht>
<M 8>
<T Journal of the County Louth Archaeological and Historical Society - Comhluchd Seandachta Lughmhaighe>
<U Daniel Lynch and Domhnall O Loinsrigh>
<F County Louth Archaeological and History Society>
COMHLUCHD SEANDACHTA LUGHMHAIGHE.

Gluaisimís feasda 'n ár slóightibh
A bailiughadh sean-sgeolta an Mhágha 
Ó Bhrúgh aedhrach Aenguis cois Bóinne 
Go Caol-Uisge 'dteorainn Iúbhair
Trágha;
Ná fágaimís túr ann gan taisdeal,
Ná fágaimís leacht ann 'ná lios,
Ná fágaimís caisleán 'ná caiseal
Gan cúis a mbunúdhais chur i bhfios.

Is fialmhar, feuramhuil Magh Mhuir-
thimhne
Is ór-buidhe 'n t-arbhar ann san
bhfoghmhar,
Acht i dteannta na mbarraí ó'n ithir,
Ta saothar sean-ghaodhal ann go leor:
Tá uaimheanna théidheann cúrsaí fada
Faoi'n dtalamh, 's leacacha dá ndíon,
Is séomraí gan aol in-a mballaibh
In a gcomhnuidheann gan mhairg
sluagh-shidhe.

Deir úghdair deagh-mhúinte in ársacht
Gurbh iongantach tar bhárr iad sean-
Ghaoidhil
Go fonnmhar thóg dúin suas anáirde
Agus túrtha gan áireamh san tír;
As feuch ar an roilig atá 'guinn,
Cois Bóinn' is golám le n-a taoibh,
Is draoi-leac chun íodhbhairt págánach,
Go díreach le láimh Rois na Ríogh.

A's ca bhfuil an té ná béadh bród air
Do théidheann do'n Mheadóig ins an
gcúm,
I n-ar mhair, i n-ar oibrigh go glórmhar
Ins an aimsir fad ó, na Naomh-Úird?
Infhiúchtar gach doras is áirs ann,
Is na clocha tá geárrtha gan bhéim,
'S beidh iongna, dar lioms', ar gach
sár-fhear
Faoi rún-shlachd is cheárduígheacht na
nGaodhal.

Agus théidhmís go Mainsdir Bhuíthe
I n-ar mhair Flann na laoidhthe fad ó
'S ná fágaimís cros gan craobh-
sgaoileadh,
A míniughadh gach brigh bhaineas leo;
Is cuardaimís uaimh atá lámh leis
An mainisdir ársa na naomh,
Agus scríbhmís do'n mhuíntir nar tháinig
Ar chroidhe-chion is chráibhtheacht na
nGaodhal.

Ná fágam an t-áth i n-ar threasgair
Cúchulainn,'na phéarsain an treon,
Is d'fhág 'guinn dá bhárr san mar ainm
Áth'rdí ar ár mbaile go deo;
Ná fágaimís cuais ann cois leasa —
Ná bíodh ann áit catha, ná gleoidh —
Ná clocha árd-dhíreach 'na seasamh
Gan tuairisg le cad a bhain leo.
Historical Irish Corpus
1600 - 1926

Comhluchd Seandachta Lughmhaighe

Search Texts

Historical Irish Corpus1600 - 1926

Comhluchd Seandachta Lughmhaighe

Search Texts

Historical Irish Corpus
1600 - 1926
