Corpas

<N IWAIL1898_01_08>
<L 8>
<B 1898>
<C Prós>
<M 10>
<T Irish World and American Industrial Liberator>
<U Patrick Ford (eagarthóir)>
<F Irish World and American Industrial Liberator Co.>
Irish World and American Industrial Liberator, 
Nua Eabhrac, 8-1-1898:8, 
Eagarthóir, Patrick Ford.

Gaelic Address to Maude Gonne, 

The Gaelic Address to Maude Gonne

From Ladies' Committee representing Irishwomen of New York.

Díleagra

Do'n mhnaoi uasail Maud Gonne, ó chomhlachd
na m-ban Éireannach, chomhnuigheas i Nuadh Eabhrac.

A bhean uasail urramaigh,

Sinne a tá in ár n-díseartachaibh as oileán
dhíl na naomh agus na n-ollamh, beannuighmíd dhuit!

Is feasach dhúinn an obair mhór atá tú ag deunadh, eadhon,
do mheudughadh agus do leathanughadh aondachda imeasg Chlann na nGaodhal;
do aith-bheodhughadh agus do bhuanughadh ár d-teanga mathardha, teanga
mhín mhilis na h-Éireann; agus faoi dheoidh agus faoi dheire, do shaoradh ár
m-bráthrach ó chuibhreachaibh diura (?) i g-carcar na Sacsan.

Tá tú chomh fialmhar fonnmhar soin ag cur na h-oibre
sin chum cinn, nach misde rádh gur thoirbhir tú do bheatha go h-uile agus
go h-iomlán do chuis ár d-tíre.

Tá cuid mhór le deunadh agat agus ag do chomh-oibritheóraibh
fós.  Tar éis iomad bliadhan de ghéir-leanamhain agus eig-ceart tríd
dlighthibh feallta na Sacsannach, is trom-chroidheach a táid mhuintir na
h-Éireann.  Caithfear iad d'árdughadh suas agus do mhunadh gur ó n-a
stáir féin agus ó na litridheacht féin is córr dhóibh dul air lorg eisiompláir
is iomairbhe (?) iad do bhrosdughadh do chum neitheadh glórmhar óirdhearc do 
chomh-líonadh.

Lean ort do'n obair luachmhar so, agus go m-budh fada seunmhar 
a bheidheas do laetheanta; agus go mairidh tú slán no go bhfeicfidh tú Éire
ár Máthair 'na Náisiún imeasg na Náisiúnthadh, 'sé guidhe do
shiúrach is an g-cúis.

Barbar Ní Chathasaigh - Uachdarán.
Caitlín Ní h-Ainmhreach (?) - Cléireach.
Máirgréad Ní Ghallchobhair - Cisdeoír.

Mí Nodlag, 27adh 1897.
Historical Irish Corpus
1600 - 1926

Gaelic Address to Maude Gonne

Search Texts

Historical Irish Corpus1600 - 1926

Gaelic Address to Maude Gonne

Search Texts

Historical Irish Corpus
1600 - 1926
