Historical Irish Corpus
1600 - 1926
Historical Dictionary of Irish
Search the corpus
Browse the Text Archive 1600-1926
A Song by Richard Barrett
Title
A Song by Richard Barrett
Author(s)
Bairéad, Riocard,
Compiler/Editor
O'Rahilly, T.F.
Composition Date
1819
Publisher
(B.Á.C.: Hodges, Figgis & Co. Ltd., 1912-1913)
Téacs
Comhad TEI
Gnáth-Théacs
Comhad ePub
Search Texts
Enter word/phrase
Search Type
Headword
Standardised
Exact match
Phrase
Word Type
All
Adjective
Noun
Preposition
Pronoun
Verb
Verbal Noun
Poetry/Prose
Both
Prose
Poetry
Set Dates
1600
1926
<N Gad 112-126> <L 121> <B 1819ob 19T> <C Fil.> <M 8> <T A Song by Richard Barret> <U Riocard Bairéad; eag. T.F. O'Rahilly> <F B.Á.C.: Hodges, Figgis & Co. Ltd., 1912-1913> Preab 'san ól. Is iomdha slighe do bhíos ag daoine A' cruinniú píosaí is a' déanamh stóir, Is a luighead a smaoinigheas ar ghiorra an tsaoghail seo, Is go mbéidh siad sínte faoi leac go fóil. Má's tighearna tíre, diúic nó rí thú, Ní cuirfidhear pighinn leat ag dul faoi'n bhfód: Mar sin 's dá bhrígh sin, níl beart níos críonna Ná bheith go síorruidhe 'cur preab san ól! Tá dream dho dhaoine le ba 's le caoire Ag dul chun aonaigh 's fagháil dochar mór, Dhá gcur chun cíbe 's as sin chun mínligh, - Puintí críonna do feicthear dhóibh. Ach déantar fiadhnuise ar a' mí seo Go mbéidh a' caoineadh is a' sileadh deór: Mar sin 's dá bhrígh sin, níl beart níos críonna Ná bheith go síorruidhe cur preab san ól! <L 122> An ceannuighe craosach níl meódhan ná slighe ar bith Le ór a dhéanamh nach bhfeicthear dhó, - An ráta is daoire ar an earradh is saoire, Is ar luach shé bpighne go gcuirfeadh cróin. Do réir chaint Chríosta is ní do-dhéanta An cámhall cíocrach a thabhairt thríd a' gcró: Mar sin 's dá bhrígh sin, níl beart níos críonna Ná bheith go síorruidhe cur preab san ól! An long ar sáile níl clúid ná ceárd I nach gcaithfeadh cáirde ar feadh an domhain mhóir, - Ó ríoghacht na Spáinne, suas Gibráltar, Agus annsan áit a mbíonn an Grand Seignior. Le gach cárgo líonfadh málaí Ní choinneóghadh an bás uaidh uair ná ló: Mar sin, a cháirde, níl beart níos feárr dhúinn Ná bheith mar tá sinn, cur preab san ól! Is olc a' tslighe bheith ag árdú cíosa, A' déanamh daoirse agus tacsaí mór, A' cur na ndaoine ó theach 's ó dhídean, Ní, foraor, tá cinnte dhóibh. An té a níons sin is dó is baoghluighe A bheith i níochtar dhá bhruith 's dá dhógh: Mar sin 's dá bhrígh sin, níl beart níos críonna Ná bheith go síorruidhe cur preab san ól! <L 123> Is measa choidhche ná ag árdú cíosa Gan a' deachmhadh a shuidheachan mar is cóir, - Tabhairt saothar Críostuidhe gan bhláth gan bhuidheachas Don chléir nach ndéanann aon tsaothar dóibh. Ní hé Críosta d'órduigh an dligheadh seo, Ní hé Peadar a mhínigh é, ná Pól: Mar sin 's dá bhrígh sin, níl beart níos críonna Ná bheith go síorruidhe cur preab san ól! Is geárr a' saoghal tá ag a' lili sgiamhach, Cé gur buidhe agus gur geal a gabháil; Agus Solamh críonna ina chulaidh ríoghmhail nach bhfuil baoghal air i náille dhó. Níl sa tsaoghal seo ach mar sionán gaoithe, Gath a sgaoiltear, nó slám dho cheó: Mar sin 's dá bhríhgh sin, níl beart níos críonna Ná bheith go síorruidhe cur preab san ól! Ach siúd é an Críostuidhe agus lámh na daonnacht, Maxwell dílis tá i naice an phóirt, A bhíos gan baosradh le boicht a thíre, Agus a bhainfeadh a bhríste dho Thóny Mhór. 'Sé a phléisiúr saoghalta dho ló is dh'oidhche Clann na saoithe bheith aige ar bórd, Beoir agus fíon a thabhairt dóibh go líonmhar, Cómhrádh saoitheamhail, - agus preab san ól!
19 Dawson Street, Dublin 2
D02 HH58 +353 1 676 2570 info@ria.ie
Cookie Use
Website developed by Niall O'Leary Services
