Corpas

<N CS1914_12_05_03>
<L 03>
<B 1914>
<C Prós>
<M 8>
<T An Claidheamh Soluis>
<U Cáit Ní Dhonnchadha>
<F An Claidheamh Soluis>
“Ní Críoch go gCuirtear Deire le Gach Gnó.”

Sean-fhocal é sin agus oireann sé comh maith don tsaoghal atá ann anois
nach miste dúinne machtnamh a dhéanamh air le súil go raghadh se chun toibhthe
dhúinn d'fhonn cóir chosanta do chur orainn féin ar son na hEireann.

Ní'l éinne ar an saoghal so na go mbíonn a gnó féin curtha roimpi ag Dia.
Tá ceangal uirthi i láthair Dé an gnó soin do dhéanamh go toilteannach gan
gearán: agus an duine ná hiompuruigheann an obair sin do réir reacht Dé
ní féidir di gan an mí-shuaimhneas do bheith dá crádh.  Is amhlaidh don duthaigh do
ndighiltear a lucht comhnuidhthe ó thaithighe na siabhialtachta.  Téidheann an treabh
soin chun dirigh mar caitheann siad a saoghal bun ós cionn le beathadh nádúra
an duine.

Cad é an sásamh a gheibhtear a saoghal a caithtear mar sin?  Cad é an
t-aoibhneas nó an tairbhthe nó an taitneamh a thagann as?  Níor chruthaigh Dia,
moladh go deó Leis, an duine chun a shaoghal a thabhairt mar sin.  Tá fáth éigint
eile leis an ngnó agus ní mór féachaint isteach ann agus ar saoghal do thabhairt
do réir mar a fhoilsightear dúinn é dhéanamh fé scáth Dé.  Ná bactar leis an
dtreibh go mbíonn súil i n-áirde aca le scléip agus caitheamh aimsire ó thúis deire.
Is leamh leó soin aon obair a dhéanamh thré ghrádh do'n obair.  Tagann doicheall
ortha chun an ghnótha a cuirtear n-a gcúram.  Mothuightear an patfhuaracht soin
níosa minicidhe i gcúrsaí saoghail an phobail le teacht na haimsire.  Féách an
bacrain go léir ata dhá dhéanamh ag an sclábaidhe i nÉirinn d'fhonn cos istigh
d'fhághil ar riaradh an riaghaltais.  'Sé ata uaidh, dar leis, ná é féin a bheith
comhpháirteach le lucht an ghustail i ngach gnó a bhaineann leis an dtír acht 'sé
toradh an bhachraim sin ná go bhfuil ceannfé agus náire ag dul don sclábhaidhe
mar an té a fhéachfadh isteach sa sgéal i gceart is lugha a ghoileann cúramaí
an tsaoghail air sin ná ar aon dream eile ar an bpoba.  Má dheineann sé a
ghnó lae mar badh dhual dó, beidh a aigne ar a shuaimhneas aige agus ar ndóigh
sin buadh saoghail an duine aigne suaimhneasach do bheith aige.  Má dheineann
sé faillighe ar a ghnó beidh toradh na bhfillighe air féin agus air an nduthaigh.

'Sé lucht an ghustail agus aicme le poilitidheacht atá ag séideadh fén
clábhaidhe agus dá chur bun ós cionn le n-a leas.  I bhfad uainn an Riaghaltas
go ngabhann gustal agus lucht poilitidheacht le chéile i ndálaibh na feise atá
ag brath ar a chomhairle.  Do bhí an bochtán agus lucht an ghustail i nÉirinn ón
gcéad lá.  Do tugadh moladh agus asmúchán do'n dá dhream soin do réir mar
do thuilleadar é i ngáthbheathidh na ndaoine.  Do b'in é teagasg an Ghaedhil
agus fuair sé an teagasc soin a dhoimhneacht le léighinn agus a corp diadhachta
a meóin agus a intinne.

'Sé an scrios é comhacht eolais agus cráibhtheacht do bheith ag dul i laige i
riaradh an tsaoghail indiu.  Tá saghas eolais dá dhéanamh amach againn i n-aghaidh
an lae atá dhá gcur chun cinn i seascaireacht agus i n-áise an tsaoghail acht i
n-éagmuis an eolais sin tá eolas eile ann — an -t-eolas a thagann ó Dhia don
chineadh a bhíonn umhal dó — agus  ní fuláir an t-eolas soin do bheith fighte isteach i
ngnáth-shaoghail an phobail agus a bheith n-a príomh thaca dá n-impur.

Cáit Ní Dhonnchadha.
Historical Irish Corpus
1600 - 1926

Ní Críoch go gCuirtear Deire le Gach Gnó

Search Texts

Historical Irish Corpus1600 - 1926

Ní Críoch go gCuirtear Deire le Gach Gnó

Search Texts

Historical Irish Corpus
1600 - 1926
