Corpas

<N CS1914_09_12_18b>
<L 18>
<B 1914>
<C Prós>
<M 8>
<T An Claidheamh Soluis>
<U Úna Ní Fhaircheallaigh>
<F An Claidheamh Soluis>
Litir ó Úna Ní Fhaircheallaigh.

A Chara,

Goidé an cinéal cainte é seo chím sa
“Chlaidheamh” le cúpla seachtmhain nó
bhfuil sibh as bhur gcéill ar fad?

An gcreideann duine ar bith agaibh
go mbéinn-se ar taobh muinntir óg 
na tíre seo do chur isteach san arm
Shacsanach nó iad do chur fá smacht na
Sacsan?  Má chreideann tá mearbhall
air.  Táim-se díreach i n-a choinne sin
agus labhras go láidir i n-a choinne ar an
gcruinniughadh so a bhfuil sibh ag trácht
air.  Thárla an cruinniughadh is na Trí 
Liaga cúpla lá i ndiaidh fuagra Chitsener
do bheith is na páipéaraibh.  Thaisbéan
mé an páipéar do na hÓglachaibh agus
d'iarras orra ar son Dé gan dul isteach
san arm, gur bheag a thuill Citsener
uainne i ndiaidh a ndearna sé i n-ár
gcoinne tamall ó shoin agus gur bheag
a thuill na Sacsanaigh uainne agus na
chaoi i n-a bhfuil an tir bhocht seo fa
láthair.

Dubhras fosta do bhfuil na hÓglaoich
uile do dhíth ar Éirinn féin agus gur chóir
dhóibh seachas gach ní do bheith dílis dí-se.

Rud eile adubhras agus deirim arís é
- nach ceart dúinn a leigint do thír
choimhthigheach eile brúghadh isteach orainn
nó sinn do chur fá chois.  Ba cheart sean-
eolas a bheith againn ar a leithéid.
Maidir le bheith ag cainnt ar gur cheart
dúinn fáilte do chur roimh stáinséaraibh
ar bith ní sclábhuidheach go dtí é.  Ní
chum saoireacht do thabhairt dúinn a 
thiocfadh.

Ní abróchainn mar sin féin nach
gcreideann na daoine cheapas sin go 
dtéidhfeadh sé chum tairbhe na hÉireann
dá dtuiteadh sin amach.  Cead ag gach 
duine a rogha smuaointe a bheith aige
i n-a thaoibh sin fhad is tá sé dílis d'Éirinn.
Acht ní fhuil sé ceaduigheach do dhuine ar
bith crut mí-cheart do chur ar an ní
adeirtear ar chruinniughadh.  Is amaideach
mar fhogha é óir bhí na mílte daoine i
láthair agus cluas le héisteacht orra.

A fhad is atá daoine i n-ar measg
bhaineas pléisiúr as droch-mheas do
chaitheamh ar a gcomharsabaibh ní thig linn
bheith ag súil le beannacht Dé anuas ar
ar gcuid oibre.

Mise.
Úna Ní Fhaircheallaigh.
Gort a' Choirce.
6.ix,1914.

[Ní raibh aon tuairisg sa Chlaidheadh
ar an gcainnt a rinne Úna Ní Fhair-
cheallaigh.  Na daoine a rinne tagairt
do'n chainnt sin níor innsigheadar céard
dubhradh.  Tá adhbhar casaoide ag ar
gcaraid gur deineadh éagcóir uirthi
agus tá súil againn nach ndéanfar a 
leithéid arís. F. an Ch.]
Historical Irish Corpus
1600 - 1926

Litir ó Úna Ní Fhaircheallaigh

Search Texts

Historical Irish Corpus1600 - 1926

Litir ó Úna Ní Fhaircheallaigh

Search Texts

Historical Irish Corpus
1600 - 1926
