Corpas

<N CS1908_09_26_03a>
<L 03>
<B 1908>
<C Prós>
<M 8>
<T An Claidheamh Soluis>
<U Tórna>
<F An Claidheamh Soluis>
Ar Faithche na hImeartha

An Mór Shiubhal

D'fhág Cumann na Lúithchleas an Domhnach
saor i gcóir Mhór Shiubhail na Gaedhilge i mBaile
Átha Cliath.  Go deimhin ní misde mórshiubhal
a glaodhach air.  Ana-thabhairt amach a b'eadh
é.  Bhí an aimsir bagarthach a dhóthain ar maidin;
acht do stad an fhearthainn timcheall a naoi a
chlog ar maidin agus ar adhbharaighe an tsaoghail
d'fhan sé tirm an chuid eile dhen lá.

Roinn na Lúithchleas

Is do Roinn na Lúithchleas is mian liom
tagairt annseo amh.  Bhíodar ann n-a sluaightibh,
fir bhreaghtha calma, camáin ag a bhfurmhór ar
iomchur, agus badh leigheas ar an bhfonn duit acht
féachaint ortha.  I measc na suaicheantus a
bhí i n-áirde aca thugas fé ndeara: “I(mported)
C(rawlers) A(ssociation)” agus, “Play soccer
and imitate Englishmen.”  D'fhéachadar go
háluinn sa ghluaiseacht, iad ag céimniughadh go
bog éascaidh, a gcroidhthe go héadtrom agus an
fhuil go beódha insna cuisleannaibh aca.  Leanaidh
don chamán, a cháirde.  Ní baoghal ná go mbeidh
a rian oraibh an dá lá shaoghail a chaithfe sibh
abhfus.

“Aonach” i mBaile Átha Cliath

Is dóigh liom gur mhaith an rud do Chumann
na Lúithchleas aithris a dhéanamh ar Chonnradh
na Gaedhilge agus tabhairt amach éigin a bheith
aca uair sa bhliadhain i mBaile Átha Cliath.
Mara ndéanfadh soin acht a thespeáint don
tsaoghal a líonmhaireacht atáid do b'fhiú é a chur
ar bun.  Do féadfaidhe aonach a chur ar bun an
tráth céadna go mbeadh cinn gach cleasa ag
iomaidh ann.  An chuma n-a bhfuilimíd fé láthair
cuireann sé i gcuimhne dham an rud adubhairt
an file:

Tulaigh Uí Róigh mórdha
Na mbúithreadh mbeann
Gan cuire gan spórt seólta
Gan lúbadh lann.

Cuirimís-na “spórt seólta” agus “lúbadh
lann” ar siubhal arís agus beidh a rath ar
Chumann na Lúithchleas is ar ioghair Chláir Néill.

Peil i Leath Chuinn
Tá Craobh Cho. Lughbhaidhe ag na “Rangers”
agus craobh Cho. na Midhe ag Baile an Chaisleáin.

Tórna
Historical Irish Corpus
1600 - 1926

Ar Faithche na hImeartha - An Mór Shiubhal

Search Texts

Historical Irish Corpus1600 - 1926

Ar Faithche na hImeartha - An Mór Shiubhal

Search Texts

Historical Irish Corpus
1600 - 1926
