Historical Irish Corpus
1600 - 1926
Historical Dictionary of Irish
Search the corpus
Browse the Text Archive 1600-1926
Ar Faithche na hImeartha - Liathróid Láimhe
Title
Ar Faithche na hImeartha - Liathróid Láimhe
Author(s)
Ó Donnchadha, Tadhg,
Pen Name
Tórna
Composition Date
1908
Publisher
An Claidheamh Soluis
Téacs
Comhad TEI
Gnáth-Théacs
Comhad ePub
Search Texts
Enter word/phrase
Search Type
Headword
Standardised
Exact match
Phrase
Word Type
All
Adjective
Noun
Preposition
Pronoun
Verb
Verbal Noun
Poetry/Prose
Both
Prose
Poetry
Set Dates
1600
1926
<N CS1908_06_13_05> <L 05> <B 1908> <C Prós> <M 8> <T An Claidheamh Soluis> <U Tadhg Ó Donnchadha> <F An Claidheamh Soluis> Ar Faithche na hImeartha Liathróid Láimhe Is mór an truagh ná chuirid uachtaráin Chumann na gCleas Lúith breis suime san liathróid láimhe. Cleas breagh Gaedhealach is eadh é gan aon gó, agus ar an dtaobh amuigh de'n bháire féin ní dóigh liom go bhfuil i n-ár measc cleas a b'fhearr 'ná é chun na féitheacha a chruadhadh i nduine is chun é d'fhuineadh is a fáscadh mar badh cheart do gach Gaedheal a bheith. Ní ró-fhada ó shoin ó bhíodh “cúirteanna” liathróide coitchianta ar fuid na dúithche. Bhítí ag imirt i gcoinnibh binn tighe nuair ná bíodh cúirt ann chuige. Anois, ámh, ar an dtaobh amuigh dár gcoláistibh nó de bharraic connstá- blaithe, ar éigin is féidir cúirt liathróide d'fhágháil ó cheann ceann na tíre. 'Sé an náire dearg é. Cionnus é leigheas Orainn féin atá an locht. Do'n chuid is lugha dhe, tá i mBaile Átha Cliath féin leath-mhíle duine oilte go maith ar an gcleas so. An bhfuil ortha súd oiread Gaedheal is a chuirfeadh ar bun cumann liathróide láimhe i gcomhair Bhaile Átha Cliath? Ní fuláir nó tá. Thagaidís i bhfochair a chéile mar sin agus cuirtear an cumann ar bun. Na fóirne cleas atá i n-ar measc cuirid ar bun buidhean i gcomhair liathróid láimhe. Táim deimhnitheach dhe gur gearr go mbeadh buidheanta fóghanta ar siughal ag na Céitinnigh, is ag muinntir na hÁrd- Chraoibhe. Soláthar 'Sé an t-aon nídh amháin atá 'n-a gcoinnibh gan ionad oireamhnach chun imeartha a bheith aca. Níorbh' iongnadh liom dá mbeadh cúirt fé leith ag gach fuireann le cleasaibh lúith ní hamháin i mBaile Átha Cliath acht ar fuid na hÉireann. Níl fágháil air sin go fóill go háirithe. Nárbh' féidir a chur i n-umhail do'n Board of Works cad é an dualgas atá ortha i dtaobh cúirt bhreagh fhada a thógáil sa Pháirc i gcomhair an chleasa so? Soláthruighid siad ionad do gach shaghas cluichí ann, agus badh cheart dóibh cóir a sholáthar do'n liathróid láimhe leis. Dá ndéantaí fothrom i n-a thaobh badh ghearr go bhfeicfidhe ann cúirt go mbeadh leath-dhosaon seomra ar gach taobh dhe, agus soin i mball breagh cluthair. Athchuinge Badh mhaith liom scéala fhágháil ó dhuine éigin go bhfuil eolas nísa chruinne aige 'ná mar atá agam féin. Ocht mbliadhna ó shoin san mhí seo chughainn, do chuireamair “na Gaedhilgeoirí” ar bun sa tseana-“Stad.” Iad-san d'ath- bheodhuigh an báire i mBaile Átha Cliath. I n-ainm Dé, tréailimís an liathróid láimhe anois. 'Seadh a bháirdeacha is a Ghaedhilgeoirí, an bhfuiltí ullamh? Tá buaidhte againn. Má bhuadhaimíd an tarna ceann tá an lá linn. Tadhg Ó Donnchadha Baile Átha Cliath
19 Dawson Street, Dublin 2
D02 HH58 +353 1 676 2570 info@ria.ie
Cookie Use
Website developed by Niall O'Leary Services
