Corpas

<N CS1908_03_21_07a>
<L 07>
<B 1908>
<C Fil.>
<M 8>
<T An Claidheamh Soluis>
<U Ní fios>
<F An Claidheamh Soluis>
Guth na mBárd.

Eilís Ní Neachtain.

I.

'Eilís Ní Neachtain, a stáid-bhean mhaiseach,
Ba tú 'b'fhearr leaca 's méin mhaith,
Gur chum an tAthair gan gruaim thú ná easbhaidh
Agus gach ball dhíot ag teacht 'un a chéile.
An dá fholt ghlana ag fás go talamh,
Agus a mbarra ag casadh go craor-bhuidhe,
'N-ar ghártha an fasgadh is an lá ag cur sneachta,
Ar a sgáth dá seasfadh an t-aonach.

II.

A Eilís, nach buadhartha an tráth,
A d'fhágaidh tú do mháithrín dílis,
Gan suan le fágháil aon oidhch' nó lá,
Acht i mbuaidhreamh ag mnáibh do chinnte,
An fhaoileann bán de'n fíor-fhuil bhreágh,
A shiolruigh ó nádúir an fhíona,
'Sé mo léan 's mo chrádh, mar is tú a bhí i ndán,
Do'n fhear nach raibh binn aige ar aon mhnaoi!

III.

I gCaisleán na Finne nó i nInis ar chois Dúin (?)
Tá an ainnir a bheir buaidh thar táintibh
Go bhfuil fighe na finne de ghile i n-a gruaidh, —
Bruinneal gan stuaim í an stáid-bhean,
Tá píob mar an sneachta — gan codladh ar
an dún —
Agus a leaca mar rós i ngáirdín,
A malaidh caol donn mar sgríobhfá le peann,
'S gur ó fhíor-sgoith ómra a d'fhás sí.

IV.

Tá ceathrar 's céad ag seinnm ar théad'
I dteach Neachtain Uí Néill sa bpárlús,
Agus ceileabhar na n-éan ar bharraibh na gcraobh
Ag méadughadh ceoil agus dánta.
Tá an fiadh bán 's an gadhar donn
Ag seilg fó ghleanntaíbh fásaigh.
Níl iasg ar linn nár thóg a cheann,
An tráth ag ghluais sí linnne — an stáid-bhean.

Sgríobhas an t-amhrán so ó Pheadar Breathnach, Gort an
Tuair.  Tá dó nó trí ceathramhna eile de caillte.

Cumadh an t-amhrán so fá mhnaoi uasail óig darbh'
ainm Eilís Ní Neachtain.  Phós sí Gall darbh' ainm
Pámar.  Fá cheann trí bliadhna i ndiaidh a phósta, thréig
sé í.  Fuair sé dháréag dá chuid tionóntaí a mhionnuigh i
n-a h-aghaidh.

M. Ó D.
Historical Irish Corpus
1600 - 1926

Guth na mBárd - Eilís Ní Neachtain

Search Texts

Historical Irish Corpus1600 - 1926

Guth na mBárd - Eilís Ní Neachtain

Search Texts

Historical Irish Corpus
1600 - 1926
