Corpas

<N CS1907_11_30_05a>
<L 05>
<B 1907>
<C Prós>
<M 8>
<T An Claidheamh Soluis>
<U Ní fios>
<F An Claidheamh Soluis>
Ar Faithche na hImeartha

Báire ag An nDíon

Do bhuaidh na Fágaigh ar fhuirinn Chúchulainn
i mbáire a bhí eatortha ag an nDíon Dia Domh-
naigh.  Cheapas go bhfeicfinn ann imirt nísa
bhfearr 'ná mar bhí ann.  Shamhluigheas ar chuma
éigin ná raibh a gcroidhe san obair ag aon
taobh aca.  Ní raibh anam ná sprid san imirt.

Uireasbha taithighe

Sa tarna bobhta dhein fuireann Chúchulainn
iarracht nó dhó ar an leathar a bhualadh mar
badh chóir acht níor éirigh leo puinn a dhéanamh.
Go deimhin, chun na fírinne d'innsint, is mó
de dheallramh oibre a bhí ortha-san 'ná mar bhí
ar an bhfuirinn eile.  Is baoghal liom ná fuil
taithighe agá bhfuirinn ar bhualadh as a chéile.
Nuair a chuireann tú an liathróid uait níor
mhiste dhuit tuairim a bheith agat den áit
i raghaidh sí.  Bhí an cúl báire ar fheabhus aca,
ámh, agus níor bh'olc é an duine a bhí ar a
bhéalaibh.

Cá bhfuil an Ghaedhilg?

Bhí Mac Cormaic i n-easnamh ar na Fágaigh.
B'fhéidir gurab é sin an fáth nár oibrigheadar
chomh dian 'ná chomh misneamhail is ba ghnáth
leo.  Ba ghreannmhar liom-sa scriosaire
d'fhear ghroidhe láidir 'n-a sheasamh i leathtaoibh
na láithreach agus é ag léigheamh amach mar
seo: “Can't ye play the ball, lads;” agus
arís: “Look! 'tis looking at the ball they
are instead of playing it.”  Badh chóir nár
ghábhadh bheith ag truaigínteacht leo ar an
gcuma soin.  Níor bh'iongnadh liom-sa dá
gcloisinn fó-fhocal de'n Ghaedhilg ag gach fuir-
inn báire.  Is mithid a bheith ag súil leis.

Craobh Átha Cliath

Ag Bóthar Mhic Seoin, Dia Domhnaigh, do
fearadh dhá cheann sna hiomaidheachtaibh i
gcóir chraobh Chonntae Bhaile Átha Cliath.  Do
bhuaidh na Commercials ar na Rábairíbh san
mbáire; agus bhuaidh na Ciceamaigh ar na
“Gearaltaigh” sa pheil.

Historical Irish Corpus
1600 - 1926

Ar Faithche na hImeartha - Báire ag An nDíon

Search Texts

Historical Irish Corpus1600 - 1926

Ar Faithche na hImeartha - Báire ag An nDíon

Search Texts

Historical Irish Corpus
1600 - 1926