Corpas

<N CS1906_09_22_06>
<L 06>
<B 1906>
<C Prós>
<M 8>
<T An Claidheamh Soluis>
<U Ní fios>
<F An Claidheamh Soluis>
An Claidheamh Soluis

Áth Cliath, Meadhon Foghmhair 22, 1906.

Na Páistí.

Leag an Árd-Fheis de chúram ar an
gCoiste Gnótha rud éigin do dhéanamh
chum na páistí do mhealladh isteach i
gConnradh na Gaedhilge.  Is maith
linn go bhfuil tosnuighthe ar an obair
seo ag an gCoiste cheana féin.  Tá
sé i n-am agus, dá n-abramuis, thar am
againn cuimhneamh ar an aos óg.
Támuid ag gabháil do na sgoileannaibh
le deich mbliadhnaibh, agus gan mórán
againn dá bhárr.  Ní hé amháin go
bhfuil mór-chuid — an chuid is mó, go
deimhin — de na sgoileannaibh amuigh
uainn, fós, acht, rud is measa 'ná sin,
an méid díobh atá ag cabhrughadh linn agus
ag múineadh na Gaedhilge ar a
ndícheall, is minic nach i dtaibhre do'n
Gheadhilg théidheann a chuid oibre ar
chor ar bith.  Múintear beagán Gaedh-
ilge do'n leanbh ar sgoil; i gceann
cúpla bliadhan fágann sé an sgoil, agus
— cad imthigheann air?  Ní fheadar:
ní fheadar éinne.  Ní cloistear uaidh
ag Feis ná ag Airidheacht ná ag
sgrúdughadh; ní thagann sé isteach i
gConnradh na Gaedhilge.  Cailltear
ar an gConnradh agus ar Éirinn é.  Seo
é an sgéal atá fá'n gConnradh a
leigheas.  Caithfear é leigheas, nó is
beag an mhaith dhúinn bheith a d'iarraidh
an Ghaedhilg do chur ar bun ins na
sgoileannaibh.  An t-aos óg do dhlúth-
cheangal le Connradh na Gaedhilge agus le
hÉirinn, — sin é atá uainn.  Cionnus
is féidir an méid sin do dhéanamh?
Badh mhaith linn dá ndéanfadh gach
duine dár léightheoiríbh machtnamh ar an
gceist sin go ceann seachtmhaine.
Historical Irish Corpus
1600 - 1926

Na Páistí

Search Texts

Historical Irish Corpus1600 - 1926

Na Páistí

Search Texts

Historical Irish Corpus
1600 - 1926
