Corpas

<N CS1906_07_07_06>
<L 06>
<B 1906>
<C Prós>
<M 8>
<T An Claidheamh Soluis>
<U Ní fios>
<F An Claidheamh Soluis>
An Claidheamh Soluis

Áth Cliath, Iúl 07, 1906.

An Riaghaltas Suarach.

An té dhéanfadh a mhuinighin as
Riaghaltas Shasana, is baoghalach gur
lag an baránta do bheadh aige.  Mí
ó shoin dubhairt an Riaghaltas so le
Bord an Oideachais Mheadhonaigh go
gcaithfidhe atharrughadh do dhéanamh ar
a riaghlachaibh.  D'eitigh muinntir an
Bhuird go dána.  Dubhradar nach
mbacfaidís leis na riaghlachaibh.
Munar mhaith le Riaghaltas Shasana
iad do chur i bhfeidhm mar bhí siad
nach mbeadh aon sgrúdughadh ann an
bhliadhain seo chugainn.  Go gcuirfidhe
obair na sgol tré n-a chéile.  Go
stadfaidhe de'n mhúineadh.  Agus
gurab ar Riaghaltas Shasana bheadh
a mhilleán soin ar fad.  Cad do rinne an
Riaghaltas?  'Sé dhéanfadh aon Riagh-
altas eile a “pháipéir bhóthair” do
thabhairt do'n Bhord mí-urramach.  An
ndearna Riaghaltas Shasana soin?
Ní dhearna.  Cad do rinne sé?  Ghéill
sé do'n Bhord!  Tharraing sé siar gach
a ndubhairt sé.  D'iarr sé párdún ar
na Coimsinéiríbh neamh-urramacha.
Dubhairt sé go raibh dearmad déanta
aige, agus go raibh brón mór air faoi, agus
nach ndéanfadh a léithéid choidhche
arís!

Tá an lámh i n-uachtar fágtha
ag Bord an Oideachais Mheadhonaigh ar
Riaghaltas Shasana.  Agus tá an
Ghaedhilg ar lár, dá satailt fá chosaibh
na beirte.

Cad déanfaidh Gaedhil?

Historical Irish Corpus
1600 - 1926

An Riaghaltas Suarach

Search Texts

Historical Irish Corpus1600 - 1926

An Riaghaltas Suarach

Search Texts

Historical Irish Corpus
1600 - 1926