Corpas

Músglaidh, a Sgríbhneoirí!

Title: Músglaidh, a Sgríbhneoirí!
Author(s): Ní fios,
Composition Date: 1906
Publisher: An Claidheamh Soluis

Search Texts

<N CS1906_04_07_06>
<L 06>
<B 1906>
<C Prós>
<M 8>
<T An Claidheamh Soluis>
<U Ní fios>
<F An Claidheamh Soluis>
An Claidheamh Soluis

Áth-Cliath, Aibreán 07, 1906

Músglaidh, a Sgríbh-
neoirí!

Tá Seachtmhain na Gaeilge i leath-
taoibh.  Má tá, tá Seachtmhain mhór-
bhríghe eile chugainn, .i. Seachtmhain an
Oireachtais.  Béidh sí buailte linn fá
cheann ráithche eile.

Tá súil againn go bhfuil Gaedhil ag
soláthar i gcomhair na Seachtmhaine sin.
Go mór-mhór tá súil againn go bhfuil
ár sgríbhneoirí, idir sean agus óg díobh,
ag obair ar a ndícheall.  Ní mór
ráithche chum aiste chiallmhar, nó sgéal
bríoghmhar, nó stair fhoghanta do
sgríobhadh agus do bheachtughadh, agus do
chríochnughadh amach i gceart.  Is beag
ráithche féin chum cnuasach sean-fhocal
nó dorn sean-sgéalta, nó beart sean-
amhrán do bhailiughadh.

Tá na céadta de sgríbhneoiríbh cliste
againn anois.  Deimhnigheann na Feis-
eanna an méid seo. Támuid ag
braith ar togha agus rogha na sgríbhneoirí
seo d'fheicsint ag iomaidheacht le chéile
ag an Oireachtas.

A fhile úd thíos i gCiarraidhe, dúisigh
as do chodladh agus bí ag canadh amhráin
dúinn!  A sgéalaidhe óig thiar i
gConamara, glac do pheann i láimh, agus
bí ag ríomhadh sgéil!  A sheanchaidhe ó
na Gleanntaibh nó ó na Rosaibh, bros-
tuigh ort: is fada sinn ag fuireach le
sgéalaibh uait!

Músglaidh, a sgríbhneoirí: tá an
tOireachtas chugainn!

Historical Irish Corpus1600 - 1926

Músglaidh, a Sgríbhneoirí!

Search Texts

Historical Irish Corpus
1600 - 1926