Corpas

<N CS1904_12_10_06>
<L 06>
<B 1904>
<C Prós>
<M 8>
<T An Claidheamh Soluis>
<U Ní fios>
<F An Claidheamh Soluis>
An Claidheamh Soluis
Áth-Cliath, Mí na Nodlag 10, 1904

Cóiriughadh an Tighe.

Má theastuigheann uainne ár dtal-
amh beag dúthchais a chur chun cinn is
éigin dúinn san gcéad dul síos
cromadh ar an obair go dícheallach as
ár ngustal féin.  Is éigin dúinn sinn
féin a ullmhughadh & a chur i dtreo
ceart, chun cúram náisiúntachta is
gach a mbaineann léi a ghlacadh ar
láimh.  Cad a dhéanfadh an bhean mhaith
tighe dá mbeifidhe chun cuaird a
thabhairt uirthi?  An bhfágfadh sí corcán
nó stailicear cathaoireach i lár an
urláir, & drongáin nach iad scaipthe
ar fuid an tighe?  Ní fhágfadh go
deimhin.  Chuirfeadh sí na corcáin is
na cathaoireacha is na húirléisí eile i
leath-taoibh; do nighfeadh is do ghlan-
fadh an séiní is an troscán, & do
scuabfadh an t-urlár.  Ní bheadh sí
sásta ná ní stadfadh dhá shaothar go
dtí go mbeadh gach éin-nídh fé dhíon
tighe ag féachaint go néata is go
piocaithe.

Ar an gcuma gcéadna táthar chun
cuaird a thabhairt orainn sa oileán
so an iarthair.  Ní fios cahuin a thioc-
far, acht tá Clanna Gaedheal ar éin-
intinn go dtiocfar.  Fiafruighmís
dínn féin, i n-ainm Dé nUile-Chómh-
acht, an bhfuilimíd-ne ullamh, nó cad é
an treo atá ar ár dtigh.

An bhfuil stailicir chathaoireach ar
fuid an urláir againn?  Tá.  Seoin-
íní, Gall-Ghaedhil, coláistí Gallda,
páipéir nuaidheachta, feisirí, dochtúirí,
& i gcead díbh, cuid dár gcléir.  Tá
tuilleadh nach gábhadh a n-áireamh ann.
Táid scaipthe síos suas ar fuid
urláir Inse Fáil.

Táid ag cur cosc linn.  Dálta na
mná tighe is an troscáin is éigin iad a
chur i leath-taoibh.  Caithimís cuid aca
amach an doras nó cuirimís na loch
amach iad; cuirimís an cuid eile aca
fá'n ndriosúr nó i mball iargcúldha
éigin dá shamhail.  Dár ndóigh, má's
féidir éin-earradh dhíobh a ghlanadh,
glantar é: annsoin féadfar é chur
suas i radharc an tsaoghail.

'Na dhiaidh soin, nightear an troscán,
is scuabthar an t-urlár.  Is beag
duine againn ná go n-oirfeadh nighe
dhó.  Is 'mdhó earradh go gcaithfear é
nighe fá dhó is fá thrí de bharr gach a
bhfuil cionntach ann i n-aghaidh Éireann.
Annsoin nuair a bheidh ár dtigh ullamh
againn, é go piocaithe is go glan, is
cuma linn cia bheidh chughainn nó uainn
dá mb'é Rí na Spáinne féin é.
Beimíd-ne ullamh 'na chomhair.

Féachaimís chughainn féin, a Ghaedheala.
Cuirimís ár dtigh féin i gcóir, & ná
bacaimís le gnó daoine eile.  Beifear
chughainn gan amhras.  Ná beirthear
orainn fá dhroch-chóir.  Dá dtagthaoi
chughainn, & gan againn acht an droch-
chóir, is súil le congnamh iasachta,
caidé mar do meallfaidhe sinn!
Scriosaimís ar na drongánaibh &
cuirimís slacht ar an dtigh gan moill.
Annsoin ní baoghal go mbéarfar i gan
fhios orainn.
Historical Irish Corpus
1600 - 1926

Cóiriughadh an Tighe

Search Texts

Historical Irish Corpus1600 - 1926

Cóiriughadh an Tighe

Search Texts

Historical Irish Corpus
1600 - 1926
