Corpas

<N CS1904_09_24_06>
<L 06>
<B 1904>
<C Prós>
<M 8>
<T An Claidheamh Soluis>
<U Ní fios>
<F An Claidheamh Soluis>
An Claidheamh Soluis
Áth Cliath, Meadhon Fóghmhair 24, 1904

Cur na gCrann

Tamall ó shoin do bhíodh “An Poc-
aire” ag scríobhadh mar gheall ar
chrannaibh.  Ní cuimhin linn i gceart
cad dubhairt sé, acht ar éan-chuma
thug sé comhairle mhaith do Ghaedhilgeo-
iríbh i dtaobh na ceiste seo.  Is mór
an truagh Éire bheith chomh maol & tá sí
is dá mbeadh pioc ar domhan de sprid
fhóghanta 'na daoinibh go mb'fhuirist
dóibh a cás a leigheas.

Is amhlaidh mar atá an scéal
againn i nÉirinn, tá an oiread ceist-
eanna le réidhteach againn & is deacair
aire thabhairt dóibh go léir san am
gcéadna.  An fhaid a bhitear ag tabh-
airt aire do cheann aca, deintear
dearmad ar cheannaibh eile.  Ní fuláir
dúinn ár ndícheall a dhéanamh ar gan
faillighe a chur i n-éin-cheist ná i n-éan
obair a raghadh chun leasa na tíre.  Sid
í uair an tsaothair.  Is iad na daoine
a thiocfaidh i n-ár ndiaidh-ne a bhain-
fidh toradh ár saothair.  Is beag
orainn an té ná cuimhnightheann ortha so
a thiocfaidh 'na dhiaidh.  Ar an adhbhar
soin ní misde dúinn an tseisreach a
ghléasadh is an pháirc a threabhadh.  Ná
deintear dearmad ar an ama ná ar
cholltar an chéachta.

Do léigheamair i United Irishman
na seachtmhaine seo ghabh tharainn aiste
mhaith chiallmhar ar an gceist seo na
gcrann ó láimh Thomáis P. Ó Nualláin,
M.E.  Dob' fhiú do gach éinne a chuireann
suim san gceist seo aiste Thomáis a
léigheamh.  Cuireann sé síos go cruinn
tuairme daoine go raibh eólas thar
barr aca ar chrannaibh, ar an méid
airgid a chosnóchadh sé chun riascaigh &
sléibhte neamh-thairbheacha na tíre a chur
fé chrannaibh.  Do chosnóchadh sé ó £3
go dtí £8 an t-acra chun na crainn a
chur.  I gcionn chúig mbliadhna fichead
annsoin do bheifidhe ag fágháil ó £33
go dtí £78 an t-acra as.

Deir ughdar eile go bhfuil os cionn
cheithre milliún acra de thalamh na
hÉireann fé láthair gan éan-tairbhe
dá fhágháil as.  Má tá soin amhlaidh;
& ní fuláir nó tá, is diail an náire do
mhuinntir na hÉireann é.  Deir an
t-ughdar céadna ná cosnóchadh sé
puinn thar fiche milliún punt chun
crainn a chur ar an dtalamh so & é
thabhairt chun críche éigin.  Fé chionn
trí bliadhain d'eis a churtha do thosnó-
chadh an teacht isteach.  I gcionn deich
mbliadhna fichead bheadh díolta go
maith aige as féin.

Is maith linn go bhfuiltear ag cuimh-
neamh ar na crannaibh.  Beimíd ag
súil le haistíbh eile ó Thomás Ó
Nualláin.  Ní fuláir nó tá sé ag
déanamh stuideir doimhin ar an
gceist.  Is éigin an cheist seo a
choimeád os comhair na ndaoine go dtí
go bhféachfaidh ár gComhairleóirí Conn-
taethe chuige go ndéanfar seift
éigin chun maoile na hÉireann a
chlúdugadh.  Leanadh Tomás air.  Tá
muinntir na Gaedhilge laistiar dhe ar
éan-chuma.
Historical Irish Corpus
1600 - 1926

Cur na gCrann

Search Texts

Historical Irish Corpus1600 - 1926

Cur na gCrann

Search Texts

Historical Irish Corpus
1600 - 1926
