Corpas

<N CS1904_04_23_06>
<L 06>
<B 1904>
<C Prós>
<M 8>
<T An Claidheamh Soluis>
<U Ní fios>
<F An Claidheamh Soluis>
An Claidheamh Soluis
Áth Cliath, Aibreán 23, 1904.

Caitheamh Aimsire

Is minic sinn á chur i n-umhail do
léightheóiribh an CHLAIDHIMH nach fuláir
rudaí eile seochas síor-mhúineadh a
chur ar siubhal i gcraobhachaibh Chonnartha
na Gaedhilge nó ní mhairfidh na
craobhacha féin.  Chíonn gach éinne
féachann ar obair na gcraobh é sin.
Chíd timthirí an Chonnartha é, & chíd an
mhuinntir a chuir craobhacha ar bun is
ná fuil a n-ainmneacha ar an áireamh
anois, an rud céadna.  Is iomdha
craobh a chuireadh ar bun ná fuil tásc
ná tuairisc uirthi anois.  Tá an rud
céadna ar siubhal i gcomhaidhe —
craobhacha á gcur ar bun an-ghnó &
an-fhothrom á dhéanamh aca ar feadh
scathaimh, is annsoin éirighid tuirseach
dhe is stadann gach éin-nídh.

Ní fuláir féachaint chuige seo i
n-am & é leigheas má's féidir.  Cuir-
tar craobh ar bun; bíonn sí ar siubhal
go buacach is go neamh-spléadhach ar
feadh scathaimh.  Cad chuige go n-éirgh-
eann daoine tuirseach dhi?  An mhúin-
teoireacht fá ndearr soin go minic is
dóigh linne.  Is fuirist droch-mhúin-
teoireacht d'fhágháil.  Acht uaireannta
bíonn breis múinteoireachta againn.
Dhéanfadh soin éinne corrtha.  Nuair
a chíonn duine & duine fásta go
háirithe, ná bíonn éinnídh roimis i
gcraoibh de Chonnradh na Gaedhilge acht
bheith ag foghluim is ag síor-fhoghluim,
dá mhéid é a dhúil san dteangain, is
gearr go mbeidh sé tuirseach de'n
tsaothar.  Theastóchadh greann is sult
is caitheamh aimsire éigin eile ó n-a
leithéid is mara bhfuighidh sé i gConn-
radh na Gaedhilge iad geobhaidh leath-
smuigh dhe.

Do mholfaimís rinnce & ceol na
hÉireann go gach craoibh.  Is maith an
rás iad chun daoine a chongbháil le
chéile.  Badh chóir go mbeadh fuireann
báire ag baint le gach craoibh & go
mbeadh comórtais idir chraobhachaibh go
minic ar chuma go gcuirfidís aithne ar
a chéile.  Ná déintear dearmad ar
rinnce ná ar cheol ná ar chleasaibh lúith
ár sinnsear a choimeád ar siubhal i
ngach craoibh is beidh feabhas ar an
gcraoibh dá bhárr.  Acht os a gcionn
soin go léir ní fuláir nó d'fhéadfadh
craobhacha an Chonnartha mórán a
dhéanamh ar son déantúisí beaga a
chur ar siubhal ar fuid na tíre.
Táimid á chur romhainn beagán a rádh
mar gheall air seo & badh mhaith linn
comhaltas déantúisí a fheicsint ar
bun i ngach craoibh de'n Chonnradh.
Historical Irish Corpus
1600 - 1926

Caitheamh Aimsire

Search Texts

Historical Irish Corpus1600 - 1926

Caitheamh Aimsire

Search Texts

Historical Irish Corpus
1600 - 1926
