Corpas

<N CS1903_12_12_04>
<L 04>
<B 1903>
<C Prós>
<M 8>
<T An Claidheamh Soluis>
<U Ní fios>
<F An Claidheamh Soluis>
An Claidheamh Soluis
Áth-Cliath, Mí na Nodlag 12, 1903.

Buidhne Léighte

Seo chum na ceiste arís sinn, & fuadar
fúinn.  Tá áite ann fós & ní heól do na
daoine áitigheas iad go bhfuiltar ag cur
chum an Ghaedhilg d'aithbheódhughadh.  Níor dhochar
an-mhór ar fad é sin, meireach gur ins na
háite seo atá an Ghaedhilg bhríoghmhar.  'Sé an
feall ar fad nach bhfuil na daoine ag a bhfuil
an Ghaedhilg chomh bríoghmhar tapa misneamhail
is badh dhual sinnsir dóibh a bheith.  An té chuir-
feadh “Buidhean Léighte” ar bun i mbaile de'n
tsaghas soin, is mór an maitheas thiocfadh leis
a dheánamh.  Is maith leis na sean-
Gheadhilgeóirí Gaedhilg chloisint dá léigh-
eadh.  Cuirtar “buidhne léighte” ar
bun ins na háite seo.  Acht cogar.  Caithfar
breith go bog ar na Gaedhilgeóirí.  Ceapann
cuid aca go bhfuil a bhfuil aca féin gan bhéim gan
locht.  Má chloiseann siad canamhaint chúige eile
is gnáthach leó a rádh gur aisteach an chainnt í
sin.  Má cuirtear buidhne léighte ar bun, caith-
fear Gaedhilg a gcúige féin a léigheadh.  I
gcionn tamaill gheobhaidhe a gcuid fuatha ar
chainnt cháich eile a laigheadughadh & d'réir a
chéile thiocfadh briseadh maide ionnta, & bheidís
géilleamhnach do na stróinséirí & dá gcainnt.
Bíonn an-chaitheamh i ndiaidh nuaidheachta ag na
sean-daoine, & is iad a chuireas an chluas le
héisteacht orra féin nuair airighid siolla nó
dhó dá dteangaidh féin.

Tá Gaedhilgeóirí eile ann, & creidid go
daingean nach gcuirtear rud ar domhan ins
na leabhara acht an rud atá i gceart, & nach
bhfuil aca féin acht dríodar.  Easbhaidh léighinn
fá ndearr é seo, & dá mbeadh na daoine seo
i n-ann an teanga léigheadh bheadh a mhalairt
de thuairim & de mhuinighin aca asta féin; ní
dheineann éinne rud ar bith gan muinghin bheith
aige as féin.  Seadh, & bheadh an t-aos óg
timcheall an teinnteáin, & faid do radhairce
de chluais le héisteacht orra á phiocadh suas.

Ní theastuigheann ó na Gaedhilgeóirí acht
eólas — eólas na leabhar.  Tá tabhairt suas
mhaith aca, & tá meamhair iongantach aca.  Tá
an léigheann de dhíth orra; 'sé an feall é.  Is
mairg a bhíos gan léigheann; caithfeam an
sgéal soin a leigheas.
Historical Irish Corpus
1600 - 1926

Buidhne Léighte

Search Texts

Historical Irish Corpus1600 - 1926

Buidhne Léighte

Search Texts

Historical Irish Corpus
1600 - 1926
