Corpas

<N CS1903_07_11_04>
<L 04>
<B 1903>
<C Prós>
<M 8>
<T An Claidheamh Soluis>
<U Ní fios>
<F An Claidheamh Soluis>
An Claidheamh Soluis
Áth-Cliath, Iúl 11, 1903

Buntáiste Comhpháirteachais.

Tá leabhairín tar éis teacht amach le déidhea-
naighe & badh mhaith linn mórán dá shórt a
fheicsint óir cuireann sé síos ar cheist
go bhfuil eagla ar mórán tabhairt fúithi — sí
sin cómhpháirteachas.

'Sé Pádraig Ó Séaghdha an sgríbhneóir agus
ní misde a rádh ná gurab é do sgríobh go
bríoghmhar é.  Fear Pádraig a dheineas a
chuid mhachtnamh féin agus annsoin thugas a
thoradh dhúinn gan eagla, gan baoghal.  Ní
bhíonn sé ag rith i ndiaidh smaointe daoine
eile chum iad a ghoid uatha.  Níl Pádraig 'n-a
sheasamh ar nós daoine eile go bhfuil cosa
píopaí fútha, tá a chosa féin fé.

Tá aistriughadh ag gabháilt leis freisin ó
láimh Mháire Spring-Raois.  Tá an t-aistriughadh
déanta aici go rí-mhaith.  Tá an leabhairín seo
“lán de chiall” ó thús go deireadh.  'Sé an
feall nach bhfuil sé ag gach feirmeóir i
nÉirinn.  Dá meadh bheadh i bhfad níos lugha
donais & i bhfad níos mó sonais ar an tír mí-
ádhmharaigh seo.  Osglóghfadh sé súile na
bhfeirmeóirí amadántach & ní bheidís leath chomh
ceanamhail ar an ól & táid siad.  Níor cheart
a rádh is dócha gur dúil atá aca san ól acht
amháin mar adeir Pádraig níor mhaith leó bheith
sprionnluighthe.

Is rí-dheas an cur síos a dheineann sé ar
mhangadóirín na croise agus an tslighe a
mheallann sé na hamadáin.  Dá mbéadh aon
chiall aca-so, d'fhéadfaidís aithne a chur ar
cheannuidhthe i sean-Shasana a thabhrfadh luach
a gcuid earraí dhóibh i n-áit bheith ag rith
go dtí tighthe-tábhairne na gcros-bhóthar agus
ag teacht a bhaile ar meisge.  Dá mbeadh
comhpháirteachas i measg na bhfeirmeóirí, do
bheadh sé ar a gcumas feabhas mór do chur ar
a chéile seachas mar chuirid.  Támaoid cinnte
dá gcuirfidhe i n-umhail do na feirmeóirí na
buntáistí is féidir a bhaint as comhpháirteachas
oibre go ndéanfaidís iarracht ar chumainn dá
shórt a chur ar bun, acht tá cuid aca agus ní
chuirfidís aon tsuim i rud ar bith.

Cumann na Talmhaidheachta ba cionn-tsioca-
air leis an leabhairín seo a chur i gcló.
Historical Irish Corpus
1600 - 1926

Buntáiste Comhpháirteachais

Search Texts

Historical Irish Corpus1600 - 1926

Buntáiste Comhpháirteachais

Search Texts

Historical Irish Corpus
1600 - 1926
