Aithriseacht le haghaidh Feise Sráid-a'-Mhuilinn

Aoibhneas Thír na n-Óg

I.
"Geasa nach fulangaid fíor-laoich,
A Oisín fhéil, cuirim ad' chómhair
Teacht liom féin anois ar m'each,
Go righeam tar ais go Tír na n-Óg."

II.
"Sí an tír is aoibhne le fághail,
Is mó cáil anois fá'n n-gréin;
Crainn ag cromadh le torrtha 's bláth,
A's duilleabhar ag fás ar bharraibh géug."

III.
"Is fairsing innte mil 's fíon,
'S gach uile ní d'á bhfeaca súil
Ní rachaidh caitheamh ort led' rae,
Bás nó méath ní fheicfidh tú."

IV.
"Do gheabhair fleadh, imirt 's ól,
Do gheabhair ceól binn air théad;
Do gheabhair airgiod agus ór,
Do gheabhair fós iomad séad."

V.
"Do gheabhair céad claidheamh gan ghó,
Gheabhair céad brat sróil de shíoda dhaor,
Gheabhair céad each is mire a n-gleó,
'S gheabhair céad leó de chonaibh géur?"

VI.
"Do gheabhair mionn-ríoghdha Ríogh na n-Óg,
Nach tug riamh fós do neach fá'n n-gréin,
Do dhéanfas díon duit d'oidhche 's ló
A g-cath, a n-gleó 'sa n-garbh-ghléidh."

VII.
"Do gheobhair luireach chumhdaigh, chóir
as cloidheamh cinn-óir as cliste béim.
Badh gheall le ceud i láimh fíor-laoich -
A shamhail ar tír ní fhacais féin."

VIII.
"Gheobhair mionn ríoghdha Rígh na n-Óg
Nach d-tugadh fós go neach fá'n ngréin,
Soillseach breágh, le clochaibh buadh
Nach féidir a luach do chur i g-céill."

IX.
"Gheobhair gach ní d'á n-dubhras leat
As aoibhneas eile gan chas, gan chaoi,
Gheobhair maise, neart, agus réim,
As biad-sa féin agad mar mhnaoi."

X.
"Diúltadh ar bith ní bhéarfad uaim
A ríogan t-suairc na g-cuacha n-óir -
Is tú mo roghain tar mhnáibh an domhain
As rachad le fonn go Tír na n-Óg."