Duanaireacht Mná ag crúth bhó.

Fonn: Cómhairle fuaras amuich ar an mbóthar.

Táim-se arís fút am' shuidhe airiú a bhó
bheag,
Ad' chrúth-sa, 's is cuíbhe lem' chroidhe é gan
gó ar bith
Ná dá bhfaghainn-se gach aoibhneas bhí ag
ríghthe na Fódla
I dTeamhair na Mídhe nuair a bhíodar go
sóghach ann.

Curfá:

Tabhair dam do chrúthach go humhal tiugh,
a bhó bheag,
Is tabharfad-sa chúghat-sa deagh-dhúrthacht
ar neómat —
Tubán trí-fhúnsa is é ag bhrúchtaigh le
clóbhar,
Go mbeidh leabhar-bhrait úr-bhrain tríd
siúd agus eórna.

Crúthfad go humhal tiugh tu is crúthfad go
sóghail tu
Beidh Diarmuid beag múisgilthe is dúis-
ighthe rómham-sa
Go haibidh fé'n súsa agus tabharfad-sa
nódhacht do
Braon dod' bhleacht chúmhrtha-sa a chúbaigh
le hól do.

Curfá.

A bhó bheag is chúghat-sa a thabharfad-sa
sódhlas,
Is ní leogfad fé thriúgh-bheachaibh Iúil ná an
Fhóghmhair tu
Chun go mbeid siad tar éis diúltha do
dhrúcht an tráthnóna,
Ansan sgaoilfead go lúthmhar tu a chúbaigh
chun feóir ghlais.

Curfá.

Aodhairfidh mé thíos tu i n-Ínse na Teórann,
Mar tá féar fada mín inte is luíbheann-
acha gleóidhte;
Tá tobar deas fíor-uisge thíos inte rómhat-
sa,
Agus crúthfaidh mé airís mo cúibín um
thráthnóna.

Curfá.

Ar do bhleacht-sa bíonn mór-shochar uachtair,
a bhó bheag,
Agus faghaim uait gan duaidh é gan buarach
sa chró so;
Ar a rath san ní bhuaidhfeadh bleacht bhuaibh
Inis Fódla,
Is ní sgaoilfinn-se uainn-na ar chruachaibh
do'n ór tu.

Curfá.

[Cr.]

[Bhuaidh Cr. .i. Conchubhar Ó Deasmhumhna duais leis
an amhrán gleóite thuais ar Oireachtus na bliadhna
1903, iomaidheacht a 14. Tá Concubhar ina chomhnuidhe
i n-aice Bhaile Mhic Íre i bParóiste Bhaile Mhúirne.

—