Historical Irish Corpus
1600 - 1926

Stories from the Táin. VIII.

Title
Stories from the Táin. VIII.
Author(s)
Strachan, Professor J.,
Composition Date
1904
Publisher
Connradh na Gaedhilge

Search Texts

Poetry/Prose
1600 1926

STORIES FROM THE TÁIN.



BY J. STRACHAN.



VIII. HOW CUCHULINN SLEW ETAR-
COMOL.



PART 1.



[LU. 68a40-68b36 = YBL. 27b37-28a41.]



Luid Fergus iarom forsin n-immor-
chor n-ísin. Lil di shuidiu dano Etarcomol
mac Eda agus Léthrinne, mac-daltae Ailella
agus Medbae. 'Ní accobur lem do thecht,' ol
Fergus, 'agus ní ar do miscuis. Scíth lim
nammá comrac dúib agus Chúchulaind. Do
shotlae-su agus do shoisle; luinde agus
ansirce, drús agus tairpthige agus dechrad do
chéli .i. Conchulaind. Ní bia maith di
for comruc.' Cani setir lat-su mo
shnádud airi?' ol Etarcomol. 'Seitir
dano,' ol Fergus, acht nammá ní tardae a
rád fri díardain.' Teccat de i n-díb
cairptib do Delgae.



Bói Cúchulaind ind úair-sin oc imbirt
búanfaig fri Láeg - a dí chúlaid-som friu
agus enech láig. 'Adcíu dá charpat cucunn,'
ol Láeg. 'Fer mór donn issin charput
tóisech. Folt donn cróebach fair. Brat
corcrae imbi. Eú óir and. Léne chul-
patach co n-derg-intliud imbi. Crom-
scíath co faebur chondúala fair di fhindruini.
Mánáis bréfech ó mimusc co adairc inna
laím. Claideb sithidir lui curaig for
a díb slíastaib.' 'Is fás ind lue mór-
sin doberar lam phopa Fergus,' ol
Cúchulaind, 'ar ní fil claideb inna intiuch
inge claideb crainn. Adcoas dom
dano,' ol Cúchulaind, 'rogab Ailill a
m-báegul inna cotlud, héseom agus Medb.
Ocus dorétlaisur a chlaideb ar Fhergus
agus dorat dia araid dia thoschid, agus
doratad claideb crainn inna intech.'



Ticc Fergus foshodain. 'Fochen sin á
phopa á Fhergus,' ol Cúchulaind. 'Dia
tomna íasc i n-inbera, ro-t-bia eó
co l-leith araili. Dia tí íall i m-mag
ro-t-bia-cauuth co l-leith alaili. Dorn
biroir nó fhemmair, dorn fochlochta, deog
de ganim. Techt i n-áth ar cheann fir má
thecra t'immaire, co comtolae, ro-t-
bia.' 'Is tairisse lim,' ol Fergus. 'Ní
do bíad doroactamar; rofetamar do
threbad sund.' Arfóim Cúchulaind iarom
in n-immorchor ó Fhergus.



Téit Fergus ass iarom. Anaid


L. 563


Etarcomol oc décsin Conculaind. 'Cid
doécci?' ol Cúchulaind. 'Tussu,' ol
Etarcomol. 'Mos tairchella ém súil tar
sodain,' ol Cúchulaind. 'Is ed ón adcíu,'
ol Etarcomol 'Ní fetar ní ar-dot-áigthe
do neoch. Ní accim di gráin ná heruath ná
forlonn líno latt. Maccóem tuchtach
amne co n-gaisiud do fhid agus, co clessaib
ségdaib atot-chomnicc,' 'Cia no-m-cháne,'
ol Cúchulaind, 'ní-t-gén-sa fobíth Fergusa.
Manipad do shnádad, immurgu,
roptis do renga rigthi agus do chethramthain
scáilti ricfaitis úaim dochom in dúnaid i
n-degaid do charpait.' 'Nách-im-thomaid
im shodain,' ol Etarcomol. 'In cor amrae
ronenasc .i. comrac fri óenfher, is messe
cetacomriccfe frit di fheraib h-Erenn
imbáruch.'



19 Dawson Street, Dublin 2
D02 HH58 +353 1 676 2570 info@ria.ie
Royal Irish Academy
Cookie Use
Website developed by Niall O'Leary Services