L. 490

ÓRO A MHÓR A MHÓIRÍN.

Gléas G. Go headtrom. DIARMAID Ó CONCHABHAIR, do ghléas.

Grádh mo chroidhe thú a Mhóirín!
A stóirín mhín an mhar(a)gaidh!
Is blasta guth do bheóilín,
Mar smóilín bhinn ag canntaireacht.

CURFÁ.

Óro a Mhór a Mhóirín!
Óro a Mhór a dtiocfaidh tú?
Óro a Mhór a Mhóirín,
An chúilín óir a dtiocfaidh tú?

II.

Dubhairt tá liom, a Mhóirín,
Is mhóidighis dam go dtiocfá chugham,
Seo annso mé ar thaobh an bhóithrín
Go brón-chroidheach 's mé ag feitheamh ort.

Curfá.

III.

Dubhaird tú liom, a Mhóirín
A stóirín chroidhe, go dtiocfá chugham,
Acht chím na ba sa chlós thíos
'S is dóigh liom féin na tiocfaidh tú.

Curfá.

IV.

Dubhairt tú liom, a Mhóirín,
Is mhóidighis dam go dtiocfá chugham,
Seo chughainne buidhe an tráthnóinín,
'S a stóirín ó, och brostuigh ort.

Curfá.

Nóta:- Ní'l ins an amhrán thuas, acht aistriughadh
do dheineadh ar shean-amhrán Gaedhilge d'aistrigh an
Dochtúir Sigerson. Do theip orainn an sean-amhrán
d'fhagháil. Ní fuláir nó tá sé i mbéal na ndaoine
fós agus bheimís buidheach d'éinne a chuirfadh ag triall
orainn é. - F. an I.