L. 213

Fonn: "Bobbin Joan", nó "Seaghán an Bhríste
Leathair."

Ar an gCuirm Cheóil aréir
Do chonnac réice gaige,
Gur bheag air ceól na nGaedheal
Seoch dríodar bréan ó Shasann'.

Raidhcs feadh léara léi,
Raidhcs feadh léara laidí,
Raidhcs feadh léara léi,
Ó, téara léara laidí.

Bhí amhráin ann go leór
Is saoithe ceóil dá gcannadh;
"Why don't the 'ave Oh, Flo?"
Arsa mo lóma gaige.
Raidhcs feadh leóra leó, agus rl.

Níor bh'olc leis Killaloe
Nó Ballyhooly an aitis,
"But silly I-wish tunes
And beastly foolish language!"
Raidhcs feadh liúra liú, agus rl.

Bhí Cathal ann 's ba bhinn
Ar Sheaghán Ó Duibhir an Ghleann' é;
'S an Seóinín bocht, do shíl
Gur "Sweet Ma-wee" é im baiste!
Raidhcs feadh líora lí, agus rl.

Bhí cuir is puirt na nGaedheal
Dá rinnce ar séideadh sealad;
Deir jonnie "Alas, the days
When polkas weign'd and lance-aws!"
Raidhcs feadh léara léi, agus rl.

"The gwaceful waltz must go -"
'S arís go deóidh nár chasaidh;
An Rinnce Fada beó!
Agus tóir ar Phaddie Quatre!
Raidhcs feadh leóra leó, agus rl.

'S anois, a Sheóinín bhréin
Ó tá do théarma caithte,
Cuir uait-se "Dolly Gwey",
Nó soir leat féin go Sasann'.
Raidhcs feadh léara léi, agus rl.

29/11/'02. TÓRNA.