Le grádh do Dhia 's le fuath do'n pheacadh,
Atáim go dian ag tuar mo leasa;
'S an táin bhocht diabhal so fuair me bhasgadh,
Is áil liom iad do ruagadh feasda.

An Chomhsheinm.

Rí na gcomhacht,
D'ár ndíon gach ló,
'S d'ár gcoimirc ar shaigheadaibh
Nimhe an dubh-shlóigh;
A Laoigh na h-Óighe,
Sgaoil ár mbrón,
'S ná leigidh-se sinn
Do chlaoidheadh 'san ngleo.

I mbárach iarraim cuaird do'n Athair;
Atáim ag triall ar uan na bhFlaitheas
Grása ó'n dTighearna anuas go dtagaidh
Im' dháil go bhféadfad buadh ar an bpeacadh.

An Chomhsheinm.

Mo ghrádh-sa an Liaigh do ghluais d'ár
gcabhair,
Fuair páis is pian ar mhór-chnoc Chalbhair;
'S ba shlán a rian ó'n uaigh ar maidin,
I n-áirde ag triall fá thuairim a Athar.

An Chomhsheinm.